Mímir - 01.05.1972, Page 4

ALFRÆÐI MENNINGARSJÓÐS
Hafin er útgáfa ritflokks undir fyrrgreindu heiti, og er ætlun-
in að í þeim flokki komi út uppflettirit um margvísleg fræði,
þar sem hverjum einstökum efnisflokki um sig eru gerð skil
í alfræðibókarformi í handhægri bók. Höfundar eru íslenzkir.
Verði þessari nýjung vel tekið, ætti að mega vænta útkomu
tveggja til þriggja binda alfræðisafns á ári um nokkurra ára
skeið. Hver bók verður að jafnaði 120—200 bls. að stærð
og myndskreytt eftir þörfum. Þær bækur, sem nú koma út,
og verða því hinar fyrsm af Alfrœðiritum Menningarsjóðs,
eru þessar:
Bókmenntir, eftir Hannes Pétursson skáld. Ritið hefur að
geyma uppflettiorð, er snerta allar greinar bókmenntafræði,
en megináherzla hvílir á íslenzku efni.
Stjörnufræði — Rímfræði, eftir dr. Þorstein Sæmundsson.
Bókin skiptist í tvo hluta og fjallar fyrri hlutinn um stjörnu-
fræði, geimvísindi og skyld fræði, en hinn sxðari um rímfræði,
öðru nafni tímatalsfræði.
BÓKAÚTGÁFA MENNINGARSJÓÐS
OG ÞJÓÐVINAFÉLAGSINS