Bergmál - 05.01.1954, Qupperneq 46

B E R G M Á L------------------
liggur svo fast á hlið vagnanna,
að þunginn kemur allur á ann-
an teininn og orsakar neista-
flug,“ sagði Barcley til skýring-
ar, „ég hefi oft veitt þessu at-
hygli fyrr *
Hann hafði varla lokið setn-
ingunni, er Watt hljóðaði upp
yfir sig.
„Það hlýtur að hafa orðið
slys,“ stamaði hann, „það sázt
snöggur eldblossi en því næst
hvarf allt, bæði hin rauðu aft-
urljós og gneistaflugið ...“
Barcley þaut út að gluggan-
um. Úti fyrir var niðamyrkur.
Barcley varð órólegur en brátt
tókst honum þó að jafna sig.
„Lestin er náttúrlega komin
yfir miðlu brúarinnar og er nú
á leið niður eftir nyrðri enda
hennar, þess vegna sjást ljós-
in ekki, en að nokkrum mínút-
um liðnum geturðu komið auga
á þau á ný, er lestin kemur yf-
ir og beygir inn til Dundee ...“
Báðir biðu nú í eftirvæntingu
eina mínútuna eftir aðra.
En brátt kom að því, að Barc-
ley taldi réttast að hringja til
starfsbróður síns við hinn enda
brúarinnar. Síminn lá eftir
brúnni. Hann sneri sveifinni og
lyfti heyrnartækinu. Hann
reyndi á ný. Ennþá einu sinni.
Þá loks skildist honum að sam-
___________________ JANÚAR
bandið myndi vera slitið — og
honum varð jafnframt Ijóst,
hvað það boðaði.
„Mér var óglatt fyrst á eftir,“
sagði hann síðar.
Nokkrar sekúndur liðu. Þá
var eins og hann rankaði við
sér. Hann reif um hurðina og
þaut út í myrkrið. Watt kom á
hæla honum.
Tunglið var hulið að skýja-
baki og ofviðrið geysaði af full-
um krafti. Þessir tveir menn
skriðu á fjórum fótum fram á
brúna og héldu sér jafnframt
dauðahaldi í annan járnbrautar-
teininn, en þeir höfðu ekki far-
ið langt, er stormsveipur þreif
Watt og kastaði honum til, svo
að minnstu munaði, að hann
færi í hafið. Þá varð þeim ljóst,
að þeir lögðu sig í mikla lífs-
hættu. Þeir skriðu til baka og
biðu svo þögulir á bakkanum í
von um að þeim tækist á ein-
hvern hátt að átta sig á því, hvað
gerzt hafði. Og eitt andartak
svipti stormurinn skýj ahaf inu
frá tunglinu og jafnskjótt opin-
beraðist þeim í hinu bleikföla
tunglsljósi hin hræðilega stað-
reynd: Að minnsta kosti fjórir
kaflar úr miðju brúarinnar voru
horfnir, og stálgrindastoðirnar,
44