Goðasteinn - 01.09.2009, Side 13

Goðasteinn 2009
Magnús Finnbogason
frá Lágafelli
Um þær mundir sem lokahönd var lögð þetta árið á útgáfu héraðsrits okkar
Rangæinga, Goðastein, barst fregnin um andlát Magnúsar Finnbogasonar.
Með honum er genginn einn okkar dyggasti og traustasti liðsmaður í ritnefnd
Goðasteins.
Fívar sem Magnús lagði hönd á plóg var rösklega unnið og hvergi af dregið.
Hugumstór, vel meinandi og vel vinnandi enda trúað til margra ábyrgðar- og
forystustarfa í gegnum tíðina í öllum þeim fjölbreyttu viðfangsefnum sem
hann kom að.
í samstarfi var Magnús sérlega traustur og velviljaður. Hann var framúr-
skarandi samviskusamur og ábyggilegur með allt sem hann tók að sér og í eðli
sínu mikill félagsmálamaður. Allt vildi hann vanda sem best er honum var
trúað fyrir. Sem félagi í ritnefnd Goðasteins var Magnús kjölfesta. Sérlega
fundvís á gott efni og skrifaði sjálfur margar greinar í ritið. Við sem störfuðum
með honum fundum vel hvað honum var það mikið kappsmál að Goðasteinn
væri rit sem héldi til haga og varðveitti byggða- og menningarsögu Rangár-
þings en birti jafnhliða það sem efst væri á baugi í þjóðlífi héraðsins hverju
sinni, svo efni þess speglaði fortíð og nútíð.
Að leiðarlokum minnumst við hans með hlýju og þakklæti fyrir kynnin
þekk og framlag hans allt í þágu þess starfs sem unnið er með útgáfu Goða-
steins.
Fyrir hönd ritnefndar
Halldóra J. Þorvarðardóttir