Goðasteinn - 01.09.2009, Qupperneq 20

Goðasteinn 2009
I Nalemoru hittum við fyrir leiðsögumennina okkar og burðarmennina. Þeir
voru í óða önn að skipuleggja hvað þyrfti að taka með og hver bæri hvað. Allur
farangur var vigtaður og deilt niður á burðarmennina, passað var að enginn bæri
of mikið. Alengdar stóð lítill hópur fólks sem vonaðist til að fá vinnu sem
burðarmenn. Fyrir 8 ferðalanga þurfti 4 leiðsögumenn, kokk, 28 burðarmenn og
einn sem bar klósettið. Við vorum því alls 42, þar af voru aðeins tvær konur en
auk Ingibjargar var ein burðarkona. Við ferðalangarnir gengum með létta dagpoka
með því sem við þurftum til dagsins, annan farangur báru burðarmennirnir fyrir
okkur. Þeir báru allan mat fyrir hópinn fyrir þá sex daga sem gangan tók og að
auki var meðferðis stórt matartjald,
borð og stólar og tjöld fyrir okkur
ferðalangana. Allt var þetta með
járnsúlum og því þungt. Hlutverk
klósettburðarmannsins var að bera
klósetttjaldið, tjalda því í náttstað og
sjá um að tæma klósettfötuna reglu-
lega. Klósettið sjálft var klósettseta
fest á járngrind og fata undir.
Gengið var af stað upp úr
hádegi og var gengið úr 1950 metra
hæð upp í 2700 metra hæð. Tók
gangan rúmar 4 klst. Fínasta veður,
sól og blíða og um 25 stiga hiti. Við
gengum til að byrja með eftir stíg
framhjá maísökrum og síðan í
gegnum laufskóg þar sem svartir og
hvítir colobusapar léku listir sínar.
Burðarmennirnir tóku fram úr okkur
á leiðinni og þegar við komum í
tjaldstað var búið að tjalda og okkar
beið fat með heitu vatni svo við
gætum þvegið okkur og var ekki
vanþörf á því mikið ryk hafði þyrlast
upp á leiðinni. Þegar við höfðum
þvegið okkur var boðið upp á te og
popp í matartjaldinu. Skýin hafði
dregið frá fjallstoppnum sem var
Tjaldstaðurinn við Mawenzi.
Tyrfingur og Ingibjörg á Söðlinum. Gillmans point er efst á Kibofyrir miðri mynd.
18