Goðasteinn - 01.09.2009, Page 22

Goðasteinn 2009
urs konar kakó. Gengið var af stað um kl. 8 í sól og blíðu og blasti toppurinn við
okkur. Burðarmennirnir kláruðu að taka saman þegar við vorum farin af stað og
eftir skamma stund fóru þeir að tínast fram úr okkur, flestir með farangurinn á
hausnum.
Við borðuðum hádegisverð við hellinn Second cave en þar er smá skúti sem
staðurinn dregur nafn sitt af. Þegar við komum þangað beið okkar uppdekkað
borð og tvíréttuð máltíð. Meðan við mötuðumst sátu leiðsögumenn og burðar-
menn á steinum allt í kringum okkur. Hugsanlega voru þeir búnir að borða áður en
við komum en líklegra er þó að þeir hafi einungis borðað kvölds og morgna.
Eftir góða hvíld héldum við áfram göngunni í náttstað við hellinn Kikelelva
cave sem er í 3600 metra hæð. Gangan tók um 8 tíma. Til að byrja með var gengið
í gegnum laufskóg en eftir því
sem ofar kom varð gróðurinn
barrkenndari, lágvaxnari og meira
af mosa.
Allir voru við góða heilsu,
við fundum fyrir smávegis jafn-
vægisleysi en það er algengt
þegar komið er í þessa hæð.
26. ágúst
Gengið er upp Kibofyrir miðri mynd. Þar sem komið er
upp á brúnina kallast Gillmans point. Toppurinn Uhuru
peak er á hryggnum vinstra megin.
Við fengum að sofa til kl. 7 þenn-
an morgun því ekki var nema
fjögurra stunda ganga í næsta
náttstað. Lagt var af stað um kl.
9, gengið var í klukkutíma og
stoppað í 10 mínútur. Enda þótt
gangan væri ekki löng þá var
heildarhækkunin 700 metrar og
því nauðsynlegt að fara hægt yfir
til að ná betur að aðlagast hæðar-
breytingunni. „Pole pole“ (hægt
og rólega) sögðu leiðsögumenn-
irnir.
20
Ingibjörg og Tyrfmgur við Gillmans
point.