Goðasteinn - 01.09.2009, Page 23

Goðasteinn 2009
Við vorum komin í tjaldstað
undir Mawenzi sem er einn af
þremur tindum Kilimanjaro, upp
úr hádegi. Þá vorum við komin í
4330 metra hæð. í tjaldstað beið
okkar hádegisverður sem var stór
súpudiskur, brauð, grænmetis-
buff, kartöflur, vatnsmelóna og
kaka í eftiiTétt. Súpudiskarnir
voru svo stórir að þeir voru á við
3-4 venjulega diska. Þetta varð til
þess að við borðuðum meira af
súpu en við hefðum annars gert
og innbyrtum þar með meiri Kilimanjaro (Kibo) og hluti af Horombo-skálunum.
vökva. Mikilvægt var að drekka
3-4 lítra af vökva á dag til að minnka líkurnar á hæðarveiki. Eftir matinn létum við
fara vel um okkur í sólinni og lásum bækur. Hrafnar með hvítan blett aftan á
hálsinum vöppuðu í kringum tjöldin.
Seinnipartinn gengum við upp í 4500 metra hæð og stoppuðum þar góða stund
áður en við gengum niður aftur. Þetta var gert til að aðlagast betur hæðinni. Þegar
gengið er á há fjöll eins og Kilimanjaro er æskilegt að sofa um 300 metrum lægra
en hæst var farið þann daginn. Ekki er það þó alltaf hægt en með því móti nær
líkaminn betur að aðlagast hæðinni. Eftir þessa síðdegisgöngu voru tveir
strákanna komnir með höfuðverk sem lagaðist þó fljótt. Eftir gönguna beið okkar
te og popp, síðan hvíldum við
okkur fram að kvöldmat og eftir
hann fórum við að sofa.
27. ágúst
Undir morgun var Tyrfingur
kominn með höfuðverk og var
óglatt. Við sváfum öll lítið enda
er það víst algengt þegar komið
er í þessa hæð. Haldið var af stað
kl. 8 og eftir um þriggja tíma
göngu vorum við komin upp á
Söðulinn. Söðullinn er um 5-6
km langur aflíðandi hryggur sem Temaðurinn á Marangu-leiðinni.
21