Goðasteinn - 01.09.2009, Qupperneq 25

Goðasteinn 2009
Klukkan var að verða tvö,
tíminn hafði liðið ótrúlega
hratt. Okkur leið öllum vel en
þó sagði svefnleysið og þreytan
til sín. Tyrfingi var óglatt og
svo þreyttur að ef hann settist
niður þá sofnaði hann. Við
stoppuðum einungis í 4-5
mínútur sem voru notaðar til að
drekka og gleypa í okkur orku-
bar.
Þessa stuttu stund sem við
stoppuðum kólnaði okkur það
mikið að við vorum nokkurn
tíma að ganga okkur til hita
aftur. Við smá tosuðumst upp
og fundum að eftir því sem ofar
dró urðum við móðari.
„Hakuna matata“ (ekkert mál) og alveg að verða komin voru hvatningarorðin
sem við heyrðum af og til frá leiðsögumönnunum. Þegar við vorum að verða
komin að Gillmans point var farið að birta, sólin var að koma upp og þá hlýnaði,
loksins.
Við vorum komin að Gillmans point upp úr kl. 6 um morguninn, í 5681 metra
hæð. Meðan við drukkum te horfðum við á sólarupprásina en ekki fannst okkur
hún merkileg miðað við það sem við eigurn að venjast hér á landi. Sólin er ekki
nema um 15 mínútur að koma upp og því stendur litadýrðin stutt yfir. Leiðsögu-
mennirnir bönnuðu Tyrfingi að fara lengra en að Gillmans point, ef hann héldi
áfram væri líklegt að hæðarveikin versnaði. Ingibjörg var komin með höfuðverk
og ákvað að snúa við líka. Frá Gillmans point er eftir um 200 metra hækkun á
sjálfan toppinn Uhuru peak, sú ganga tekur um 2 klst. fram og til baka. Við
systkinin snerum við og fór Obed leiðsögumaður með okkur. Við vorum 6 klst. á
leiðinni upp en ekki nema 2 klst. niður. A niðurleiðinni vorum við alveg að stikna
því nú var sólin farin að skína og við kappklædd. Hér og þar á Kilimanjaro er
GSM-samband og á niðurleiðinni sendutu við SMS heim og sögðurn frá afrekinu.
Þegar við komum í tjöldin við Kibo-skálann steinsofnuðum við. Þrátt fyrir
svefnleysi og margra klukkustunda göngu þá náðum við ekki að sofa nema 2-3
tíma. Tyrfingi var enn óglatt og lystarlaus og Ingibjörg með höfuðverk. Hádegis-
verður var um kl. 13.30 en þá voru bresku strákarnir komnir niður. Bresku strák-
arnir komust allir á toppinn og voru 3 tíma fram og til baka frá Gillmans point.
23