Goðasteinn - 01.09.2009, Page 30

Goðasteinn 2009
manns, flestir norðanlands. Eitthvað mun veðrið hafa verið hægara sunnanlands
svo Sunnlendingar sluppu við manntjón. En á Strönd gekk ballið eins og til hafði
staðið, nýja húsið geymdi vel gesti sína þótt úti væri rok og gaddur. Bjarni
Björnsson gerði rnikla lukku og Steingrímur stóð sig vel með nikkuna. Þegar líða
tók á nóttina fóru menn að gá til veðurs en það hafði ekkert lægt. Þegar klukkan
fór að ganga sex um morguninn fóru menn að tygja sig til heimferðar. Við
ferðafélagarnir frá Djúpadal og Móeiðarhvoli löbbuðum til baka sömu leið og við
höfðum komið. Bakkbæingar löbbuðu niður að Þverá en þegar þangað kom var
hún orðin allögð af ís en ekki viðlit að hann væri manngengur. Var nú ekki annað
að gera en labba aftur upp á þjóðveg, yfir Rangárbrúna hjá Djúpadal og síðan
austur Hvolsvöll og yfir Þverárbrú og síðan út með öllum Bakkabæjum og alla
leið að Artúnum, þeir sem lengst áttu. A leiðinni var komið við á tveimur bæjum,
Miðkrika og Uxahrygg, þar sem fólkið fékk einhverja hressingu. Þegar að
Uxahrygg var komið var komið myrkur svo flestir Bakkbæingar máttu ganga
síðasta hluta ferðarinnar í myrkri annarrar nætur í balli. Hafa eflaust flestir orðið
fegnir að komast í bólið að lokinni þessari löngu og eftirminnilegu ballferð á
jólaföstunni 1935.
Flytjandi á Suðurlandi
Þórður Jónsson, s. 893-2932 og 864-6688
Bakaríið Kökuval
Þingskálum 4, Hellu - Sími 487 5214
Opið 8:00 - 17:00
alla virka daga
Veríð velkomin