Goðasteinn - 01.09.2009, Síða 56

Goðasteinn 2009
Horftfrá Kanastöðum til suðvesturs, út Markarfljótsaura. Þórólfsfell efst t.h.
Sagt hefur verið og m.a. vitnað í Ferðabók Sveins Pálssonar og orð Jóns söðla í
Fllíðarendakoti að garnalt fólk í Fljótshlíð hafi kallað Goðaland það landsvæði
sem nú heitir Emstrur. Kann að vera að sú nafngift hafi átt rætur að rekja beint til
Njálu þar sem segir frá ferðum Flosa og hans manna, svo og Sigfússona „fyrir
norðan Eyjafjallajökul og ofan í Goðaland“ o.s.frv.
Áður fyrr var óhvikul trú manna á heimildargildi Njálu, bæði sögulega og
landfræðilega. Síðar kom að því að sannfræði Njálu, a.m.k. á sumum sviðum, var
véfengd og hún talin skáldsaga með sögulegu ívafi. Hefur m.a. mikið verið skrifað
um staðfræði Njálu og fram komið efasemdir um að höfundur sögunnar hafi til
fulls þekkt til staðhátta, a.m.k. sums staðar þar sem atburðir sögunnar gerast. Eða
jafnvel að hann hafi notað sagnaminni, örnefni og atburðarás eins og honum þótti
best fara í þágu listrænnar frásagnar, líkt og rithöfundar leyfa sér enn þann dag í
dag.
Af sömu rót kynnu að stafa dæmi um ritaðar heimildir sem segja að nafnið
Eyjafjallajökull hefði fyrrum einnig tekið yfir Mýrdalsjökul og væri þá einnig
verið að beygja sig undir óskeikulleika Njáluhöfundar. Sú skoðun fellur ekki
saman við fróðleik Eggerts eða heimildarmanna hans sem tala um Eyjafjallajökul
54