Goðasteinn - 01.09.2009, Page 65

Goðasteinn 2009
Markviss undirbúningur að uppbyggingu Snorrastofu hófst árið 1983 þegar
fámennur söfnuður Reykholtskirkju ákvað að reisa nýja kirkju og í tengslum við
hana SnoiTastofu í þeim tilgangi að heiðra minningu Snorra. í Reykholti var
ekkert í boði umfram Snorralaug og styttu Gustavs Vigelands af skáldinu sem
Norðmenn gáfu til Reykholts árið 1947 við mikinn fögnuð Islendinga. Prestar
staðarins og einstakir starfsmenn Héraðskólans sinntu síðan móttöku ferðamanna
af mikilli óeigingirni. Engar tölur eru til yfir fjölda gesta sem núverandi prests-
hjón, séra Geir Waage og frú Dagný Emilsdóttir, hafa veitt móttöku og fáir til
frásagnar nema helst börnin á heimili þeirra sem ekki fóru varhluta af heim-
sóknum innlendra og erlendra gesta sem gjarnan vildu fræðast um sögu staðarins
og framtíðarsýn en stöðug gestamóttaka einkenndi heimilisbraginn um langt
árabil.
Snorrastofa er sjálfseignarstofnun og var loks komið á fót með gerð skipulags-
skrár sem ríkisstjórn Islands samþykkti árið 1995. Stofnendur voru Reykholts-
kirkja, Reykholtsdalshreppur, héraðsnefndir Borgarfjarðar- og Mýrasýslu og
menntamálaráðuneytið. Hver þessara aðila á einn fulltrúa í fimm manna stjórn
stofnunarinnar.
Snorrastofa er rannsóknarstofnun þar sem Snorri Sturluson og almenn miðalda-
fræði eru í forgrunni. Hlutverk hennar er þó skilgreint býsna vítt í skipulags-
skránni en þar segir um hlutverk hennar:
Snorrastofa í Reykholti er safn um Snorra Sturluson og þar er veitt fræðsla
um norræna sögu og bókmenntir sem tengjast Snorra Sturlusyni. Stofnun-
inni er einnig ætlað að kynna sögu Reykholts og Borgarfjarðarhéraðs
sérstaklega.
Samkvæmt skipulagsskránni skal bókhlaða starfrækt í Snorrastofu þar sem
safnað er sérstaklega verkum Snorra og heimildum um hann. Heimilt er að í bók-
hlöðunni fari fram almenn bókasafnsþjónusta samkvæmt lögum um almennings-
bókasöfn enda verði um það samkomulag við hlutaðeigendi sveitarfélög.
Ennfremur er tekið fram að í Snorrastofu skuli vera gestastofa þar sem innlendum
og erlendum fræði-, vísinda- og listamönnum skuli gefinn kostur á að dvelja um
lengri eða skemmri tíma til að sinna viðfangsefnum sínum. Þá skuli Snon'astofa
veita upplýsingaþjónustu fyrir ferðamenn með hvers kyns sýningum og
kynningum um Snorra Sturluson og sögu staðarins og íslenska menningu. Loks er
kveðið á um að heimilt sé að fela Snorrastofu að hafa umsjón með fornminjum í
Reykholti undir yfirumsjón Þjóðminjasafns íslands að fengnu samþykki þjóð-
minjaráðs.
Ferðaþjónustufyrirtækið Heimskringla ehf. og síðan Snoixastofa sjálf hafa
63