Goðasteinn - 01.09.2009, Side 91

Goðasteinn 2009
Hluti Oddastefnugesta 2008. — Ljósmynd: Skúli Jón Sigurðarson.
kakali hefði svikið loforð sitt við konung, að leggja landið undir hann. Átti Þórður
ekki afturkvæmt og hann lézt ytra árið 1256.
Árið 1252 kom út umboðsmaður konungs, Þorgils skarði Böðvarsson Þórðar-
sonar Sturlusonar en Böðvar var hálfbróðir Sturlu lögsögumanns. Móðir Þorgils
var hins vegar Sigríður Arnórsdóttir Tumasonar Kolbeinssonar af ætt Ásbirninga.
Þorgils skarði var veginn á Hrafnagili í Eyjafirði 1258 og sama ár skipaði Hákon
konungur Gizurr Þorvaldsson jarl yfir Suðurlandi, Norðurlandi og Borgarfirði.
Ásgrímur Þorsteinsson kemur við sögu í Sturlungu. Hann var að Flugumýrar-
brennu 1253 með Eyjólfi ofsa bróður sínum og á Þverárfundi 1255. Sumarið 1259
sættist hann við Gissur jarl og „seldi honum sjálfdæmi. Ásgrímur fór af landi brott
og út til páfa. Þá var Alexander [IV] páfi. Hann var næstur eftir Innocentium páfa.
Ásgrímur kom út [1261] í Hvítá með Hallvarði gullskó og hafði meðferðis bréf
Einars erkibiskups [í Niðarósi] til staðarins á Grenjaðarstöðum, að honum var
skipaður. Gerði hann þar bú um vorið eftir. Héldu þeir Gizurr jarl vel sættir sínar
... Um sumarið eftir ... var þingreið mikil norðan úr sveitum. Fjölmennti Gizurr
jarl mjög, og reið Ásgrímur Þorsteinsson þá til þings með honum. Hrafn [Odds-
son] fjölmennti og mjög vestan. ... Var á því þingi svarður skattur Hákoni
konungi um allan Norðlendingafjórðung og Sunnlendingafjórðung fyrir vestan
Þjórsá. Skattur var þá svarður um allan Vestfirðingafjórðung. ... Á því þingi
sættust þeir Gizurr jarl og Hrafn“, segir í íslendinga sögu.
Sighvatur Böðvarsson var bróðir Þorgils skarða. Sighvatur tók við Þórsnes-
ingagoðorði af föður sínum og sat á Stað á Ölduhrygg. Þegar þær sættir urðu er
89