Goðasteinn - 01.09.2009, Síða 102

Goðasteinn 2009
Er enginn vafi á því að starf kirkjufólks innan kirkjunnar í hinum dreifðu byggð-
um eflir samheldni og menningu og er íbúunum til blessunar og Guði til dýrðar.
Annað starf á vegum prófastsdæmisins var í sínum fasta farvegi. Fermingar-
barnamótið var haldið að þessu sinni í Vatnaskógi í haust og var sólarhringsferð.
Það var jafn gefandi og skemmtilegt og jafnan og markar upphafið að fermingar-
undirbúningi vetrarins. Síðan ljúkum við fræðslunni með skemmti- og
menningarferð að vori, dagsferð til Reykjavíkur.
Dagur eldri borgara
Dagur eldriborgara var haldinn hátíðlegur að venju á uppstigningardag sem bar
upp á 1. maí með guðsþjónustu í Stóra-Dalskirkju og kaffisamsæti á Heimalandi á
eftir. Þar nutu gestir höfðinglegra veitinga og skemmtunar heimamanna í tónlist,
söng og töluðu máli.
Eldri borgarar í kirkju
Eins hélt það samstarf prestanna áfram við eldriborgarafélag sýslunnar að fá
öldunga sýslunnar í messuheimsóknir yfir vetrartímann. Taka félagsmenn sig þá
saman og koma í rútu til guðsþjónustu og á eftir er kaffi drukkið og reynt er að
hafa „örlítið betra“ með messukaffinu, þó ekki svo að það skyggi á aðalhátíðina á
uppstigningardag.
Kirkjublaðið
Kirkjublaðið er gefið út á prófastsdæmisvís. Það kemur út að hausti og lögð er
áhersla á að þar sé fjallað um líðandi stund, hvað starfað hefur verið frá því síðasta
blað kom út og greinir einnig frá væntanlegu vetrarstarfi. Sr. Önundur er sem fyrr
ábyrgðarmaður og ritstjóri blaðsins.
Samráðsfundir presta
Prestar prófastsdæmisins hittast reglulega yfir vetrarmánuðina, að jafnaði einu
sinni í mánuði, til skrafs og ráðagerða. Það er mikilvægt og á þennan hátt eiga
þeir saman góða umræðufundi þar sem margt ber á góma þeirra í millum.
100