Goðasteinn - 01.09.2009, Side 104

Goðasteinn 2009
Asahreppur
íbúar í Ásahreppi voru 182 þann 1. desember 2008.
Umhverfisátak
Hreppsnefnd Ásahrepps ákvað að veita íbúum styrk til fegrunar og umhverfisbóta
á árinu. Ragnhildur Sigurðardóttir umhvefisfræðingur og lektor við Landbúnaðar-
háskólann á Hvanneyri var ráðin verkefnisstjóri. Allir íbúar voru heimsóttir í apríl
og verkáætlun gerð. I lok átaksins fór verkefnisstjóri yfir stöðu mála og fram-
kvæmdir voru teknar út. Haldin var umhvefishátíð á Laugalandi í 30. nóvember
þar sem verklokum umhverfisátaksins og hitaveituframkvæmda var fagnað.
Framkvæmdir á vegum einstaklinga og fyrirtækja
Benendikt Jónsson og Finnborg Guðbjörnsdóttir hófu byggingu á íbúðarhúsi á
nýju býli, „Lækjarási“, í landi Lækjartúns árið 2007. Þau fluttu ásamt fjölskyldu
sinni inn í það á árinu. Tyrfingur Sveinsson lauk einnig byggingu íbúðarhúss í
landi Lækjartúns á býli sem hlotið hefur nafnið Tyrfingsstaðir. í Miðási hjá Ástu
B. Olafsdóttur og Gísla Sveinssyni var einnig haldið áfram framkvæmdum og
byggt fjölnota hús sem gegnir hlutverki, hesthúss, reiðhallar og vélageymslu. Lea
Helga Ólafsdóttir og Marteinn Hjaltested halda áfram uppbyggingu á ferða-
þjónustubýlinu í Hestheimum og vinna nú að byggingu á gistirými. Pétur Einars-
son og Björg Björgvinsdóttir stofnuðu nýtt býli í landi Berustaða II sem fékk
heitið „Vörðuholt“ og er þar unnið að lokafrágangi á nýju íbúðarhúsi. I Fáks-
hólum sem er nýtt býli úr landi Áss I, búa nú Ellert Vigfússon og Jóhanna S.
Njálsdóttir. Þar hefur nú verið tekið í notkun glæsilegt nýtt hesthús ásamt reiðhöll.
Nemendur úr 1. - 4. bekk
102