Goðasteinn - 01.09.2009, Page 116

Goðasteinn 2009
Látnir í Rangárþingi 2008
Hér á eftir verður þeirra minnst sem létust í Rangárþingi á
árinu 2008 sem sóknarprestar héraðsins jarðsettu. Einnig er
nokkurra Rangæinga minnst sem aðrir prestar jarðsettu.
Andrés Guðnason frá Hólmum
Andrés Guðnason fæddist á Uxahrygg á Rangár-
völlum 7. ágúst 1919. Foreldrar hans voru hjónin
Rósa Andrésdóttir húsfreyja frá Hemlu í Vestur-
Landeyjum og Guðni Magnússon frá Hrauki í sömu
sveit. Þau hjón bjuggu á Uxahrygg frá 1918 til 1924
og síðan á Hólmum í Austur-Landeyjum til 1960.
Eldri bróðir Andrésar var Jón sem er látinn en yngri
systur hans, þær Kristrún og Magnea Guðbjörg, lifa hann auk fóstursystur
þeirra, Gerðar Elimarsdóttur. Auk þeirra ólust upp að nokkru leyti á heimilinu
þau Kristín Jóhannesdóttir og Valgarð Sigurðsson.
Andrés ólst upp við venjubundin bústörf heima í Hólmum, varð
hestamaður og lagði alla ævi rækt við þann áhuga sinn en hneigðist annars lítt
til búskapar. Hugur hans stefndi á aðrar lendur mannlífsins og hann vildi suður
í skóla fremur en að fara á smíðasamning í Vestmannaeyjum eins og faðir hans
hafði ætlað honum. Andrés var sjálfstæður, viljasterkur ungur maður og fór
sína leið. Hann var tvo vetur í Héraðsskólanum á Laugarvatni rétt fyrir tvítugt
og vann síðan verslunar- og skrifstofustörf á árum seinni heimsstyrjaldarinnar,
bæði við Verslun Ingimundar Jónssonar í Keflavík og hjá Ölgerð Egils Skalla-
grímssonar í Reykjavík. Hann stofnaði og rak um eins árs skeið Bygginga-
félagið Brú en hélt utan eftir stríð og stundaði verslunar- og tungumálanám á