Goðasteinn - 01.09.2009, Side 123

Goðasteinn 2009
hestunum riðið. Þar var járnað og tamið og alltaf var komið inn til Ellu þar sem
veitingar biðu. Þar voru hestaferðirnar skipulagðar og nestið undirbúið af Ellu.
Alúð hennar og þeirra saman til þeirra sem þurftu á hjálp að halda
gleymist ekki. Koma Árna Sigurðssonar á heimili þeirra 1958 og hvernig hlúð
var að honum með ákveðinni vernd og hvernig hann fylgdi þeim sem
húsbændum sínum upp frá því. Veikindi Jónasar Sigurðssonar í Hlíð og
ferðirnar hennar Ellu þangað gleymast ekki heldur sem lyktaði með því að
Jónas var boðinn að Steinum með bústýru sinni Þorgerði Guðmundsdóttur
1961. í tvö ár eða til dauðadags hjúkraði Ella Jónasi og í 15 ár var Gerða í
heimili þeirra og naut umhyggju Ellu.
Alúð hennar og þeirra saman gagnvart börnunum sem komu til þeirra,
vetrarbörn og sumarbörn, ættingja og óskyldra, oft 4-5 saman hvert sumar sem
öll urðu eins og börnin þeirra sem komu til þeirra aftur og aftur og sendu síðar
börnin sín til þeirra, líklega í allt um 70 börn, gleymist ekki.
Ella hafði verið heilsuhraust allt þar til hún greindist með heilabilun
þannig að minnisleysi fór að há henni sem hún vildi ekki ræða og reyndi að
umbera. 1993 fluttu Ella og Bergur með Árna að Baugstjörn 22 á Selfossi.
Bergur andaðist í desember 1998 og flutti Ella 2001 að Ljósheimum þar sem
hún andaðist 26. ágúst 2008. Útför hennar fór fram frá Eyvindarhólakirkju 6.
september 2008
Sr. Halldór Gunnarsson Holti
Elísabet Anna Gunnlaugsson, Stúfholti
Elísabet Anna Gunnlaugsson Lorman var fædd í
Lúbeck í Þýskalandi þann 17. október árið 1923. Hún
var dóttir þeirra hjóna Gustav Lormann sem var
sjómaður og Elisabeth Magdalena Lormann hús-
freyju. Þau eru bæði látin. Hún var einkadóttir for-
eldra sinna en átti tvo bræður. Elísabet ólst upp í
Þýskalandi á erfiðum tímum. Ung stúlka upplifði hún
hörmungar stríðsins og missti marga sína nánustu í þeim hildarleik. Eflaust
hafa þessi hræðilegu stríðsár markað djúp spor í vitund Elísabetar. Skuggar
121