Goðasteinn - 01.09.2009, Síða 134

Goðasteinn 2009
fertugur fór að bera á andlegum heilsubresti hans, Guðrún stóð alla tíð þétt við
bak eiginmanns síns og vék ekki frá tryggð sinni né kærleika við hann.
Meðfram bústörfum og eftir að þeim hætti sinnti Gunnar hinum ýmsu
störfum og vann allt til sjötugs. Þau störf voru meðal annars í trésmiðjunni
Rangá, við Þórisós, hjá Fossvirki við Hrauneyjarfoss og hjá Reykjagarði.
Góðrar vináttu nutu þau hjón við Einar og Guðrúnu nágranna sína á Ægissíðu
og fóru þau m.a. saman í ferðir innanlands og til Kanaríeyja. Þessar ferðir voru
Gunnari dýrmætar og naut hann þeirra mikið. Einnig veittu netaveiðiferðir í
Kvíslaveitur Gunnari mikla gleði. Gunnar var góður maður, hreinskilinn, stað-
fastur og tryggur. Hann hafði mjög gaman af ljóðum, einkum Einari
Benediktssyni. Njálu las hann oftar en einu sinni. Gunnar lést á Heilbrigðis-
stofnun Suðurlands 7. mars 2008, útför hans var gerð frá Oddakirkju 15. mars
2008.
Sr. Guðbjörg Arnardóttir, Odda
Gunnar Örn Gunnarsson í Kambi
Gunnar Örn Gunnarsson fæddist í Reykjavík 2.
desember árið 1946. Hann var aðeins 61 árs er hann
lést 28. mars 2008. Foreldrar hans voru Guðríður
Pétursdóttir og Gunnar Óskarsson. Gunnar var fimm
ára þegar foreldrar hans skildu og fór hann í Garðinn
til afa og ömmu og mannaðist snemma. Þegar á
unglingsárum fór hann á sjó. Gunnar var sextán ára
þegar Sigríður dóttir hans kom í heiminn. Gunnar og Þorbjörg Birgisdóttir
eignuðust Vilhjálm Jón árið 1965, Gunnar Guðstein þremur árum síðar og
síðan fæddist þeim Rósalind María árið 1972.
Á þessum barnsfæðingarárum var Gunnar á fullu í myndlistinni. Hann
hélt fyrstu sýningu sína í Unuhúsi 1970. Þau Þorbjörg fóru til Danmerkur 1973
og Gunnar vann fyrir sér og sínum. í frístundum málaði hann svo heima í
stofu. Svo fór hann heim 1975 og hélt áfram að sýna. Hann skildi við konu
sína en í myndlistinni gekk betur en í einkalífinu og Gunnar varð brátt einn
kunnasti málari íslands.
132