Goðasteinn - 01.09.2009, Qupperneq 152

Goðasteinn 2009
Óskar var mikill tamningamaður og stundaði einnig hrossarækt. Hann
ræktaði Kirkjubæjarkyn og var duglegur að nýta sér þá góðu stóðhesta sem
Ræktunarsambandið bauð upp á.
Óskar lét til sín taka í félagsmálum og starfaði í Ungmennafélaginu
Dagsbrún og var í stjórn þess félags um tíma. Hann var jafnframt virkur í starfi
hestamannafélagsins Geysis. Hann tók einnig þátt í merku starfi Hrossaræktar-
sambands Austur-Landeyja sem stofnað var árið 1904 og var fyrsta hrossa-
ræktarsambandið hér á landi og var hann einn af aðalhvatamönnum í að
endurreisa starf sambandsins.
Auður greindist árið 2003 með alvarlegan sjúkdóm og lést á líknardeild
Landspítalans í Kópavogi árið 2003. Miklar breytingar urðu á lífi Óskars í
kjölfar andláts Auðar. Þau hjón höfðu ákveðið að bregða búi og voru nýbúin
að festa kaup á íbúð í Gullsmáranum í Kópavogi. Óskar kom sér þar fyrir og
undi hag sínum vel síðustu árin.
Óskar var traustur maður. Á yngri árum var hann hrókur alls fagnaðar í
góðum hópi en hin síðari ár einkenndist fas hans af ákveðnu hæglæti og ró-
semi. Hann var þó mikill húmoristi og sá spaugilegar hliðar á tilverunni. Hann
fylgdist afar vel með fjölskyldu sinni og var vel heima í öllum þjóðfélags-
málum. Hann þakkaði allt sem vel var gert í hans þágu og vildi ekki láta hafa
fyrir sér. Hann var heimakær og undi sér best á heimaslóðum.
Óskar veiktist af hvítblæði síðastliðið sumar og í byrjun desember lagð-
ist hann inn á líknardeild Landspítalans í Kópavogi til umönnunar og ein-
kennameðferðar. Hann andaðist á líknardeildinni 7. desember 2008.
Sr. Guðlaug Helga Asgeirsdóttir
150