Goðasteinn - 01.09.2009, Qupperneq 170

Goðasteinn 2009
Teitur Benediktsson frá Nefsholti
Teitur Benediktsson var fæddur í Nefsholti þann 13.
mars 1931. Foreldrar hans voru hjónin þar, Benedikt
Ágúst Guðjónsson bóndi og hreppstjóri og Ingibjörg
Guðnadóttir frá Hvammi í Holtum. Þeim varð sjö
barna auðið en þau eru: Kristín, Málfríður, Auður
Ása, Teitur, Einar, Jóna Veiga og Guðný Finna.
Teitur ólst upp við holla heimilishætti og hefðbundin
sveitastörf þar sem bændamenning af bestu gerð setti svipmót á dagfar alls
heimilisfólks og mótaði framgöngu þess. Teitur sýndi fljótt að hann var
bókhneigður og snemmger. Hann var því sendur veturinn 1946-1947 í nám til
séra Ragnars í Fellsmúla sem vakti hjá honum áhuga til tungumálanáms og má
þar segja að teningnum hafi verið kastað og lífsstarfsbrautin valin. Að afloknu
stúdentsprófi 1952 varð Teitur kennari við Menntaskólann að Laugarvatni og
kenndi þar latínu en veturinn eftir hélt hann til framhaldsnáms í Austurríki og
lagði stund á þýsku, latínu og heimspeki. Síðar þegar hann fékk námsorlof
veturinn 1981-1982 dvaldi hann við tungumálanám á Ítalíu og síðar á
lífsleiðinni sótti hann fjölmörg tungumálanámskeið að sumarlagi í frönsku,
þýsku og ítölsku í hinum ýmsu borgum Evrópu.
Þegar Teitur kom frá Austurríki að námi loknu tók við sérlega farsæll
kennsluferill enda kennari af guðs náð og bestu gerð. Hann hafði mikið vald á
þeim fjölmörgu tungumálum sem hann lagði stund á sem og íslenskri tungu
enda víðlesinn í bókmenntum. Hann kenndi fyrst í stað á Ólafsfirði, Kópavogi
og á Laugarvatni en árið 1967 fékk hann kennarastöðu við Menntaskólann í
Hamrahlíð þar sem hann kenndi æ síðan eða þar til hann lét af störfum fyrir
aldurs sakir, fyrst og helst sem latínu- og ítölskukennari en einnig við þýsku-
og frönskukennslu. Þá var hann einnig stundakennari í latínu í Háskóla íslands
frá 1968-1999.
Sambýliskona Teits síðustu áratugina var Vigdís Jónsdóttir frá Deildar-
tungu í Borgarfirði, fyrrverandi skólastjóri Húsmæðraskólans á Varmalandi og
Hússtjórnaskólans í Reykjavrk en hún lést þann 11. júní síðastliðinn. Barns-
168