Víðförli - 01.09.1947, Qupperneq 4

130
VÍÐFÖRLI
]jes.s samþykkti það og að styrkja framvegis eftir mætti
þær kirkjur, sem hallloka stæðu.
Þriðja þingið var haldið í París dagana 13.—20. okt. 1935.
Þar voru mættir 100 fulltrúar frá 27 þjóðum. Það starfaði
í sama anda og hin fyrri. Það yfirlýsti sem tilgang sinn að
knýta varanleg skyldleikabönd hinna lúthersku kirkna
til þess að „efla einingu trúar og játningar og afstýra tví-
drægni og fjandsamlegum áhrifum“. Þetta þing samþykkti
og að hafa starfandi framkvæmdarstjóra rnilli þinga, til að
starfa í þágu þessa málefnis.
Hvert þing hafði og kosið nefnd til að undirbúa næsta
þing.
Nú stóð til að næsta þing yrði haldið í Filadelfíii í Am-
eríku árið 1940. En þá var hin síðari heimsstyrjöld skollin
yfir með öllum sínum fjötrum á þjóðir og einstaldinga, sem
gerðu alla einingar-starfsemi óframkvæmanlega.
Arið 1945 kom undirbúningsnefnd næsta þings saman í
Kaupmannahöfn, en þá voru erfiðleikarnir enn óyfirstíg-
anlegir. 1946 kom hún aftur saman og þá í Uppsölum og
tókst þá að koma af stað undirbúningi þessa þings. Sérstök
nefnd var sett til undirbúnings, auk framkvæmdarnefnd-
arinnar. Nefndir þessar undirbjuggu þingið með því að
Jeggja fyrir það rituð drög að samræðugrundvelli.
Til þess að auðvelda störf þingsins var því skipt í þrjár
deildir. Fyrsta deild fjahaði um trúfræðina, önnur um
kxistniboðið og sú þriðja um hvers konar hjálparstarfsemi.
Eftir að hver deild hafði haft sín sérmál til meðferðar voru
þau rædd og endanlega afgreidd á sameinuðum fundi allra
deilda. Margar orðabreytingar voru gerðar í því, sem fyrir
var lagt, bæði í hinum ýmsu deildum og á allsherjarfund-
unum. Allt verður það prentað, eins og' þingið gekk end-
anlega frá því, og skal eindregið með því mælt, að menn
nái sér í þá bók þegar þar að kemur.
Til að svala bráðustu forvitni manna skal hér ger nokkur
grein fyrir trúargrundvelli þeim, sem þarna var lagður fram