Fróðskaparrit - 01.01.1961, Side 14

20
Serumcholesterolnøgdin hjá Føroyingum
háaldri enn forfedrarnir. Einstøku menniskjurnar eru uttan
iva óbroyttar upp ígjøgnum tíðirnar, og bert umstøðurnar
og ættarbregði geva líkindi til hækkandi livialdur og tað
fyribrygdið, at vit hitta upp á seg nógv fólk uppi við tann
aldur, ið vit mugu siga er hámarksaldur manns. Eg haldi tí
ikki, at vit við rannsóknunum av ellismonnum skulu hugsa
um at kunna leingja lívið út um nevnda mark.
Eg hugsi, tað er klókt at gera sær greitt, at menniskjan
verður borin í heim, veksur, búnast, eldist og doyr. Hetta
er royndur lutur og vikast ikki; men tað er eins og menn*
iskjan vil ikki rættiliga geva seg undir hann. Menniskjan
hevur lyndi til at droyma um at liva ævinliga og vera
æviga ung her á foldum. Tó at nakað gott er við hvørjum
aldri, kennir tú teg aldri heilt sannførdan, tá ið fólk oman«
fyri ein vissan aldur siga tað, — og mong gomul fólk í
nútíðar samfelaginum eru beisk og ónøgd. Hin einstaka
menniskjan man bera í brósti ynski um, at menningin
steðgaði, tá ið hon var komin at 35—45 árum, kann henda
eitt sindur eldri hjá mannfólki enn hjá konufólki, t. e. at
steðgur kom í, tá ið komið var til tað, ið vit kalla búnan
aldur, — og kropsliga og andliga var verðandi líka frísk
og ferðig. Tí verður selt í tonsum av Gele Royal, og tí
verður sprænt við H*3, og tí drekka fólk alskyns lívgeví
andi løg, sum lýsingarnar rópa út, í fáfongdari vón um, at
tey við tí sleppa undan at eldast. Menniskjan má læra at
geva seg undir tað, at lívið er ikki ævigt; tað hevði eisini
verið ómøguligt um so bert av tí, at jørðin skjótt hevði
verið ovbyrjað við fólk. Menniskjan má læra seg at eldast
við sóma. Tað fyribyrgjandi arbeiðið, ið gjørt eigur at verða,
tá ið vit hava givið okkum undir omanfyri nevndu sann*
royndir, má vera at geva menniskjunum so góð lívskor sum
til ber og byrgja fyri, alt tað er gjørligt, at ellibroytingarnar
í yrkisgøgnunum koma hjá yngru aldursflokkunum, um
atstøður eru til at fyribyrgja. Ansað má tó vera eftir ikki
at fara út um mark í fyribyrgjandi starvinum. Tíverri eru
mangir læknar, ið hava ilt við at skilja hetta. Fólk verða