Fróðskaparrit - 01.01.1961, Qupperneq 58

64
Bústaður í Eingjartoftum, Sandavági
Hús II, 4. mynd. Sum tekningin vísir tykjast sunnari
veggur í hesum húsi og norðari veggur í húsi I at vera
bygdir saman ella beinleiðis hvør omaná annan. Tessverri
er tann eystari parturin ikki til, hetta ger tað enn meiri
fløkt. Okkum rennur í hesum viðfangi í huga tað, ið
Mikkjal Á Ryggi14 sigur frá manni, sum onkuntíð velti
her um leiðir, at hann »kom fram á grótrennur so víðar,
at maður kundi fara ígjøgnum tær.« Tað ið hann helt vera
rennur, hevur ivaleyst verið sovorðnir tjúkkir ífyllingar=>
veggir, ið jú ofta eru so víðir, at maður lættliga hevði
kropið gjøgnum teir. Um tað er hesin veggur ella aðrir er
sjálvsagt ógjørligt at siga nú.
Húsini venda í ein útnyrðing—landsynnning, við skjøldr*
inum móti einum av vindsamastu ættunum og oman móti
váginni, við øðrum orðum hyrnisrætt á hús I. Tey eru
6,50 m long, 2,35 m breið innan. Teir 0,75—1,50 m tjúkku
veggirnir eru allir ífyllingarveggir laðaðir av rundbøllingum
og malargróti, sum fyri ein part eru lagdir á stórar, fláar
steinar, ið trúliga lógu har, tá ið húsini vórðu bygd. Yvir*
høvur standa teir betur uppi enn teir í húsi I, her eru 2—3
umfør varðveitt og hæddin 0,54 m, har ið hægst er. Høv*
uðsífyllingin er mold og dámurin heilt tann vit annars
kenna til dømis í Kvívík3
Tá ið grivið var omanav toftini, var øll miðjan ein vasi
av størri og smærri gróti, sumt av tí inndottið, sumt hevur
helst ligið har alla tíðina og er tí teknað á 4. mynd.
Gólvið var yvirhøvur steinsett við rættiliga snøggum
gróti, ikki stórum hellum, sum steinsett var við í húsi I
(3. mynd, skurður y= 11,50 m); omaná steinsetingini var
ein í støðum sera tjúkk gólvskón, ovast leir og fínur sjó*
sandur sum longri niðri var blandaður við øsku í fleiri
lindum; serliga tjúkk var skónin báðumegin einlaðaðan
tvørvegg í vestara parti; í skónini vórðu ymsar staðir funnin
bronsuílátabrot, jarnillska o. a.; í vestara enda inni við suður»
veggin vóru fundirnir serliga tættir.
Einlaðaði veggurin er ivaleyst syllarlaðing undir skila*