Helgarpósturinn - 06.03.1986, Blaðsíða 9

síðast í október 1985 og þá fyrir
bæði árin 1983 og 1984.
Segir sagan að stjórnarmenn og
ákveðnir eigendur fyrirtækisins
hafi notað gróðann af sölunni á
smyglvarningnum og af endurtek-
inni sölu aðgöngumiða til að greiða
niður hlutabréf sín og til að kaupa
áfram smyglað kjöt og áfengi. Hinir
sannfærðustu telja svo og einsýnt
að þeir Þórður, Jón Kr., Aðalgeir og
Pétur hafi notað hið illa fengna fé til
að kaupa undir sig dýrindis bifreiðir
af tegundinni Range Rover.
Stjórnarmenn
og eigendur
reglubræður. . .
Reyndar telja kunnugir að rekja
megi mál þetta inn í innstu raðir
Sjálfstæðisflokksins og Frímúrara-
reglunnar á Akureyri. Allir helstu
stjórnarmenn og eigendur Sjallans
eru þannig sjálfstæðismenn og auk
þess í Frímúrarareglunni.
Þórður Gunnarsson hefur um ára-
bil verið leiðtogi frímúrara á Akur-
eyri, ásamt Ragnari Steinbergssyni
lögfræðingi. Gunnar og Jón Kr. Sól-
nes eru í reglunni ásamt föður sín-
um Jóni G. Sólnes, bæjarfulltrúa
Sjálfstæðisflokksins. Fyrrverandi
framkvæmdastjóri Sjallans, Sigurð-
ur Þ. Sigurðsson er í reglunni og þar
er einnig Aðalgeir Finnsson, for-
stjóri og stjórnarformaður íslend-
ings, blaðs sjálfstæðismanna á
staðnum. í reglunni eru einnig þeir
Pétur Antonsson, Þórarinn B. Jóns-
son, Sveinbjörn Vigfússon og Karl
Gunnlaugsson, kaupfélagsstjóri á
Svalbarðseyri. Þá eru í Frímúrara-
reglunni þrír af fjórum bæjarfulltrú-
um Sjálfstæðisflokksins, þeir Gunn-
ar Ragnars, Sigurdur J. Sigurösson
og Jón G. Sólnes sem áður segir.
Loks má nefna sem reglumenn þá
bræður Vilhelm, Skúla og Birgi
Ágústssyni, sem almennt eru kallað-
ir „Kennedy-bræðurnir" og hafa
með höndum umfangsmikinn rekst-
ur á Akureyri, eru meðal annars
umboðsmenn fyrir Range Rover
bíla.
Ekkert skal hér fullyrt um eðli eða
tilgang Frímúrarareglunnar, en þó
er almælt að menn innan hennar
sveipa um sig leyndarhjúp og eru
orðlagðir fyrir að standa saman í
gegnum þykkt og þunnt. Viðmæl-
endur Helgarpóstsins voru ekki
sammála um gildi reglunnar al-
mennt, en töldu að þessir menn
stæðu sem reglubræður saman í
vandræðum sem þessum.
. . . einnig rann-
sakendurog
lónardrottnar
í þvi sambandi er rétt að geta þess
að sumir viðmælenda töldu Frímúr-
aratengslin beinlínis hafa haft áhrif
á gang rannsóknarinnar. Sá sem
stjórnar rannsókninni er ungur
maður að nafni Daníel Snorrason.
Hann er skráður frímúrari, reyndar
í stúkunni Edda í Reykjavík. Þá er í
reglunni aðstoðaryfirlögregluþjónn
Akureyrar, Ólafur Ásgeirsson. Elías
bæjarfógeti er ekki á skrám regl-
unnar svo séð verður, en hann er
hins vegar brennimerktur Sjálf-
stæðisflokknum.
Þá er til þess tekið að í Frímúrara-
reglunni er bankastjóri útibús
Iðnaðarbankans á Akureyri, Sigurð-
ur Ringsted. Iðnaðarbankinn er við-
skiptabanki Sjallans og hefur verið
ötull við að lána fyrirtækinu pen-
inga. Jón Kr. Sólnes er lögfræðingur
Iðnaðarbankans á Akureyri. Tveir af
þremur bankastjórum Iðnaðar-
bankans í Reykjavík eru og reglu-
bræður, þeir Valur Valsson og Ragn-
ar Önundarson. Þá er þess að geta
að Aðalgeir Finnsson er varamaður
í bankaráði lðnaðarbankans.
Lón á lón ofan
Geysilegar skuldir Sjallans eru
einmitt mestar við Iðnaðarbankann
Sjallinn á Akureyri.
Riðar á barmi gjaldþrots. I sama húsi er
að finna Iðnaðarbankann.
í Reykjavík, veðdeildina þar og úti-
búið á Akureyri. Nánar tiltekið er
fullyrt að heildarskuldir Sjallans séu
vart undir 120 milljónum króna þeg-
ar allt er tínt til.
Skuldin við Iðnaðarbankann í
Reykjavík er mest, nálægt 50 millj-
ónir króna við bankann sjálfan og
veðdeild hans. Skuldin hjá Iðnaðar-
bankanum á Akureyri er nálægt 15
milljónum króna. Líklegt er að Sjálf-
stæðisflokkurinn sé handhafi veð-
skulda upp á 5 milljónir króna. Sjall-
inn skuldar Landsbankanum á Ak-
ureyri um 3 milljónir króna, ÁTVR á
inni um 2 milljónir, KEA á inni um
3,5 milljónir í skuldabréfum. Skuld
Sjallans við Ferðamálasjóð nemur
um 6 milljónum króna. Stjórnar-
mennirnir þrír, þeir Þórður, Jón Kr.
og Aðalgeir, eru skrifaðir sem veð-
hafar fyrir rúmri milljón króna og
fyrirtæki Aðalgeirs Finnssonar er
skrifað fyrir um 2,5 milljónum
króna. í lok síðasta árs var skrifað út
lögtaksbréf vegna skulda við ríkis-
sjóð upp á rúmlega 1 milljón króna.
Þá eru ótaldar vaxtaskuldir og við-
skiptaskuldir ýmiss konar.
Vandræði Sjallans hófust fljótlega
eftir að húsið var byggt upp í kjölfar
brunans í desember 1981. f ágúst
1982 keyptu núverandi eigendur
meirihluta Sjálfstæðisflokksins í
fyrirtækinu og voru gefin út 14 veð-
skuldabréf upp á 100 þúsund krónur
hvert, sem á núvirði jafngildir um 5
milljónum króna. Þessi skuld hefur
ekki verið gerð upp. Undir lok ársins
eru tekin stór lán hjá Iðnaðarbanka
íslands, aftur í mars 1983 og enn aft-
ur í september. í nóvemberlok 1983
voru gefin út tveggja milljón króna
skuldabréf vegna skulda við KEA og
er núvirði þessara bréfa um 3,5
milljónir króna. Á árinu 1984 bank-
ar innheimtumaður ríkissjóðs upp á
og vegna mikilla skulda taka Sjalla-
í þessari byggingu eru til húsa sjálfstæðismenn og íslendingur, málgagnið.
menn 13 milljón króna lán hjá Iðn-
aðarbankanum í Reykjavík og 10
milljón króna lán hjá Iðnaðarbank-
anum á Akureyri til að greiða upp-
safnaðar skuldir. Það eru þessar
bankaskuldir sem nú hvíla mest á
rekstrinum.
Sjallinn er sama og gjaldþrota,
brunabótamat hússins er einmitt
tæplega 110 milljónir króna og það
er einmitt upphæðin sem sagt er að
Akur hf. vilji fá fyrir húsið og til-
heyrandi. Almennt voru viðmæl-
endur Helgarpóstsins sammála um
að Sjallinn væri óseljandi um þessar
mundir. Vitað er að um skeið var
fast að undirskrift komið milli Akurs
og eigenda H-100, þeirra Rúnars
Gunnarssonar og Baldurs Ellerts-
sonar. Var reyndar dregið í efa að
þeir Rúnar og Baldur hefðu til þessa
bolmagn, en þá er þess að geta að
persónulegur vinur þeirra félaga,
Ólafur Laufdal, heljarmenni á sviði
veitingarekstrar, fór norður til að
kynna sér málið og þá væntanlega
með samflot í huga. Þá greina heim-
ildir frá því að Iðnaðarbankamenn
hafi verið reiðubúnir að ganga frá
samningum sem væru H-100 mönn-
um ekki þungir í skauti. En nú er
þessi sölumöguleiki fyrir bí og þeir
Rúnar og Baldur hættir við.
Og á morgun, föstudag, á að fara
fram auglýst fyrra uppboð á húseign
þeirra Sjallamanna. Um leið spyrja
ýmsir hvort ekki komi brátt að því
að rannsóknarmenn bæjarfógetans
sjái sig knúna til að yfirheyra stjórn-
armenn og eigendur fýrirtækisins!
MATSEÐILL
FYRIR
MARSBUA?
Nei, ekki alveg, en matseðill Krákunnar er alveg sórstakur.
Þar er að finna rétti víðsvegar að úr heiminum og
þessa dagana matreiðir Krákan mexíkanskan
og indverskan mat. Fullt af girnilegum
réttum, mildum, sterkum, sterkari
og enn sterkari. Hvernig væri
að brenna bragðlaukana
hjá
FJOLRETTA
ÁTVEISLA
Jú, einmitt það sem hefor alltaf
vantað. Að geta bragðað á 10—12
réttum hverjum á fætur öðrum í góðri
stemningu oa veigarnar renna
Ijúflega. Fjöfrótta átveislan
takmarkast við\minnst 4 manns og
borðið verður að panta með tveggja
daga fyrirvara. \
Krákunni.
VÍNBAR
í REYKJAVÍK
Já, Krákan breytist í „vínbar" eftir
klukkan 22 og þá bjóðum við uppá
sérlega gómsæta smárótti. Tortilías
de Mole, heimabakað brauð með
chili og hnetusósu, Tzatziki, Tarra-
masalada, nýstárlegar ídýfur, frábær
salöt, ýmisskonar paté og margt
\ fleira forvitnilegt.
Náðirðu þessu öllu? Lestu það bara aftur. Nú, eða komdu.
veitingahús Laugavegi 22 sími 13628