Helgarpósturinn - 14.01.1988, Blaðsíða 24

UM HELGINA
Haskolatonleikar eru haldnir
alla miövikudaga kl. 12.30 i Norræna
husinu Á vormisseri 1988 hafa
fyrstu tónleikarnir farið fram, en
næstkomandi miðvikudag, 20.1.,
syngur Ágústa Agustsdottir sópran
Wessendonk-ljóöin eftir Wagner.
Agnes Löve leikur undir á pianó. Að-
gangseyrir á tónleikana er kr. 200 en
fyrir handhafa stúdentaskírteina kr.
150.
Fyrir einhverjum tugum ára söng
Guðmundur Jonsson í Þjóðleikhús-
inu Búðar í loftið og það gerir hann
líka í uppfærslu Leikfelags Akureyr-
ar á Pilti og stúlku sem sýnd er nú
norðan heiða við góða aðsókn og
góðan orðstír. Enda lifna þar persón-
ur úr löngu landsþekktum bókum
Jóns Thoroddsen og tónlistin
hljómar öllum til ánægju. Sýningar á
Pilti og stúlku verða á föstu- og laug-
ardagskvöld kl. 20.30 og á sunnu-
daginn kl. 16.00. Sjaldan lýgur al-
mannarómur, segir Gróa á Leiti, og
almannarómur segir að það sé bráð-
skemmtilegt í gamla Samkomuhús-
inu um þessar mundir.
Löngum hefur þótt Ijúft aö setjast
inn á Mokka og fá sér kakóbolla á
köldum degi. Þar eru ennfremur
haldnar málverkasýningar og stend-
ur ein slík yfir um þessar mundir. Það
er þýskur listamaður, Christoph von
Thungen, sem sýnir olíumálverk,
máluð undir áhrifum af dvöl hans
hér á landi í fyrrasumar. Von Thung-
en nam við listaskóla í Köln undir
handleiðslu prófessors K. Marx á ár-
unum 1971—1978 og hefur hann
haldið einkasýningar í heimalandi
sínu og tekið þátt i samsýningum f rá
árinu 1974. Sýningin stendurfram til
1. febrúar.
A laugardaginn var, 9. janúar, opn-
aði Baltasar málverkasýningu í vest-
ursal Kjarvalsstaða. Þetta er af-
mælissýning í tvennum skilningi,
listamaðurinn varð fimmtugur á
opnunardegi og liðin eru nákvæm-
lega 25 ársíðan hann kom til íslands.
Á sýningunni sýnir Baltasar 35
myndir, flestar málaðar á síðastliðnu
ári, allt olíumyndir með blandaðri
tækni. Sýningin er opin frá kl. 14—22
alla daga vikunnar og stendur fram
til sunnudagsins 24. janúar.
„Ég vil mála fólk úti í landslagi,
ekki inni í húsi. Þegar ég er spurð að
því hvað ég sé að reyna að mála
svara ég: „Eg er aö reyna að mála
fólk í landslagi." ...Svo vill fólk endi-
lega láta mig vera að meina eitthvað
með myndunum!" Svo fórust Kar-
óiínu Larusdóttur listmálara orö í
opnuviðtali HP í fyrra. Nú gefst fólki
kostur á að kynnast Karólínu í lifandi
mynd, Nærmynd Jóns Óttars Ragn-
arssonar, sem veröur á dagskrá
Stöðvar 2 nk. sunnudagskvöld, 17.
jan., kl. 20.30.
í kvöld kl. 22.25 sýnir Rikissjón-
varpið danska sjónvarpsmynd um
stöðu kristninnar í Sovétríkjunum og
heitir myndin Guð og Gorbatsjov og
á morgun, föstudag, kl. 19 kemur
bandaríski gamanmyndaflokkurinn
Staupasteinn á skjáinn. Þá um
kvöldið, kl. 22.15, verður sýnd breska
kvikmyndin Bostonbúar sem gerð
var árið 1984 eftir samnefndri sögu
Henrys James. Myndin gerist í
Boston árið 1876 og fjallar um skel-
egga kvenréttindakonu og erfiðleika
hennar í einkalifinu.
Næstkomandi mánudagskvöld kl.
19.30 kveður Sveiflan á rás 2 með
pomp og pragt. Byrjað verður á New
Orleans-djassi, sem sumir kalla dixí-
land, litast verður um í fæðingarborg
djassins og leikin tónlist með þeim
köppum sem aldrei yfirgáfu borgina
til að leita fjár og frama. í þessari
Sveiflu ræðir Vernharður Linnet við
Árna Matthíasson, Egil B. Hreinsson,
Sigurð Flosason og Tómas R. Einars-
son um það markverðasta i íslensk-
um djassi og blús á síðasta ári.
Sveiflunni lýkur síðan á umfjöllun
um einn helsta eldhuga djasssög-
unnar, trompetleikarann Roy Eld-
ridge.
í kvikmyndahúsunum er að vanda
boðið upp á úrval kvikmynda sem
ýmist eru góðar, miðlungs eða
slæmar. Háskólabíó sýnir um þessar
mundir kvikmyndina Oll sund lokuð
sem ku vera nokkuð góð mynd og í
Stjörnubíói er sýnd „rosalega fynd-
in" mynd, Roxanne. Hún er skrifuð
eftir hinu fræga leikriti Edmonds
Rostand, „Cyrano frá Bergerac".
Önnur mynd í sama kvikmyndahúsi
mun hins vegar flokkast undir flopp
ársins 1987. Þar er á ferðinni ein dýr-
asta kvikmynd sem nokkurn tíma
hefur verið gerð, Ishtar, og þrátt fyrir
að kunnir leikarar fari þar með helstu
hlutverkin, Warren Beatty, Dustin
Hoffman og Isabelle Adjani, tókst
ekki betur til en þetta. Önnur fyndin
mynd í kvikmyndahúsi er Á vaktinni
sem Bíóborgin sýnir og í Regnbog-
anum er prýðisgóð mynd, Síöasti
keisarinn. Þar er einnig verið að sýna
ennþá Dirty Dancing og Hína
vammlausu.
Aftur að leikhúsunum. Leikfélag
Reykjavíkur frumsýndi um jólin
bandariska gamanleikritið „Algjört
rugl": „Guðrún Gísladóttir stóð sig
sérstaklega vel sem Prudence, lík-
legast vegna þess að hún virkaöi
eins og íslendingur sem týnist í ein-
hverju útlensku rugli og fær svo
samúð áhorfendanna," segir Martin
Regal m.a. í umfjöllun sinni um leik-
ritið í síðasta HP. I sama blaði er um-
fjöllun um Vesalingana sem Þjóð-
leikhúsiö sýnir við fádæma undir-
tektir. Að vísu er alltaf uppselt á leik-
ritið, nema á efri svölum, og kannski
þarf hreint ekkert að vekja athygli á
þessu verki? En lítum samt á hvað
Martin Regal sagði i síðasta blaði:
„Þetta er sýning sem á eftir að slá í
gegn... Verkið Vesalingarnir er róm-
antískur söngleikur sem þykist ekki
vera neitt annað en rómantískur
söngleikur. Gleymið ykkur í Þjóðleik-
húsinu!"
Og við minnum á P-leikhópinn
sem sýnir Heimkomu Harolds Pinter
í húsi íslensku óperunnar. Sérlega
gott stykki með frábærum leikurum.
Aðeins tíu sýningar eftir, í kvöld,
laugardag og sunnudag og síðan frá
18.—28. janúar. Svo aldrei meir, svo
það er ekki eftir neinu að bíða!
Árlegir Vínartónleikar Sinfóníu-
hljómsveitar íslands verða haldnir i
íþróttahúsinu á Akranesi föstudag-
inn 15. janúar kl. 20.30 og endurtekn-
ir í Háskólabíói á laugardag klukkan
17.00. Að vanda verður efnisskrá við
allra hæfi og fjölbreyttur tónlistar-
flutningur. Með hljómsveitinni
syngja kór Fjölbrautaskólans á
Akranesi og kirkjukórinn þar og ein-
söngvari er hin kornunga austurríska
sópransöngkona Sylvana Duss-
man. Stjórnandi á tónleikunum
verður austurriski stjórnandinn og
fiðlusnillingurinn Peter Guth, en kór-
stjóri er Jón Ólafur Sigurðsson. Á
efnisskrá veröa vinsælir polkar og
valsar eftir Johann Strauss yngri og
eldri og flutt verk úr óperunum Leð-
urblökunni og Sígaunabaróninum.
Til dæmis verður fluttur valsinn
„Dóná svo blá" fyrir kór og hljóm-
sveit.
„Á síðari hluta sjöunda áratugar-
ins var leikritiö óhemju vinsælt i
New York jafnt og í Moskvu.... Helgi
Björnsson notaði alla sina hæfileika
til að ná fram slíkri einbeitingu að
flestir leikarar mættu öfunda hann
af..." Þetta sagði Martin Regal leik-
listargagnrýnandi HP m.a. í dómi
sínum um leikritið Hremmingu sem
næst verðurá fjölunum í Iðnó annað
kvöld, 15.1., kl. 20.30.
Og skömmu síðar skrifaði Martin
Regal gagnrýni um verk Alþýðuieik-
hússins, „Eins konar Alaska" og
„Kveöjuskál" en sýningar á þeim
verða næstkomandi sunnudag,
17.1., kl. 20.30 í Hlaðvarpanum. Um
fyrrnefnda verkið sagði Martin
Regal m.a.: „Alveg frá upphafi til
enda var maöur bergnuminn af leik
Maríu Sigurðardóttur í hlutverki
Deboru, konu á fimmtugsaldri sem
hugsar eins og sextán ára stúlka.
Ekki einu sinni fékk ég á tilfinninguna
að þetta væru ekki hennareigin orð."
Og ekki fær „Kveðjuskál" lakari
dóma: „Ég verð síðasti maðurinn til
að leggjast gegn Pinter, sérstaklega
ef hann fær jafngóða meðferð og
þessa."
Erta B. Skúladóttir; satt að segja heldur ófrýnileg á að líta, í fyrri hlutanum.
Vidtal og eintal
en ekki samtal
Egg-leikhúsið sýnir á kínverskum matsölustað
Það er svo sannarlega nóg að ger-
ast í leikhúslífinu, því auk hinna
stóru leikhúsa eru fjölmörg smærri
með sýningar í gangi og fleiri í burð-
arliðnum. Eitt þeirra leikhúsa er
Egg-leikhúsið sem sýnir í Mandarín-
anum, kínverskum matsölustað
v/Tryggagötu, nýtt verk eftir Val-
geir Skagfjörð, A sama stað. Leik-
stjóri er Ingunn Ásdísardóttir og
eini leikari sýningarinnar er Erla B.
Skúladóttir en Gerla hefur séð um
sviðsmynd og búninga.
Leikrit þetta segir frá konu sem
kemur dag einn í t.d. Hljómskála-
garðinn, sest þar niður en von bráð-
ar ber þar að gamla vinkonu henn-
ar, vinkonu sem hún hefur heldur
misst sambandið við, og þær taka
tal saman. Rifjast þá upp fyrir þeim
ýmislegt miður gott úr fortíðinni
þegar á tal þeirra líður. Þær afráða
síðan að hittast á sama stað að tíu
árum liðnum en þegar konan kem-
ur á staðinn er vinkonan ekki þar og
margt fer öðruvísi en ætlað er og
menn hugðu.
Þetta verður svokallað hádegis-
leikhús, sýnt verður í hádeginu kl.
12 stundvíslega, og tekur sýningin
nákvæmlega klukkutíma með öllu
þannig að hún passar nákvæmlega
fyrir þá sem eiga klukkutíma í mat
og auðvitað tilvalið að skella sér í
leikhús í hádeginu. í hléi verða gest-
um síðan bornir einir fjórir kín-
verskir réttir sem þeir geta notið
með sýningunni.
Þegar HP leit inn á æfingu um
daginn var allt á fullu; leikstjórinn
sat sveittur og titrandi við að reyna
að fínpússa það sem í hans valdi er
og á sviðinu stóð leikarinn og mess-
aði yfir tómum salnum. Höfundur-
inn leit og inn, hafði verið í stúdíói
að vinna músík til að spila við upp-
haf sýningarinnar, en var á hraðferð
eins og svo margir. Viðar Eggerts-
son, frumkvöðul! og driffjöður Egg-
leikhússins, var þarna líka, en þess
má geta að þetta verður fyrsta sýn-
ing Eggsins sem hann leikur ekki í
sjálfur. Hádegisleikhús hefur aðeins
einu sinni verið reynt hér á landi og
tókst þá mjög vel, Alþýðuleikhúsið
sýndi Eru tígrisdýr í Kongó? við
góða aðsókn í Kvosinni síðastliðinn
vetur. Ekki verður því annað sagt en
hér sé um ánægjulegan valkost að
ræða í leikhúslífinu og eins og fyrr
segir tilvalið að breyta til í hádeg-
inu. KK
Valgeir Skagfjörð, höfundur verksins, og Ingunn Ásdísardóttir leikstjóri stinga
saman nefjum.
I 24 HELGARPÓSTURINN