Morgunblaðið - 11.07.1984, Blaðsíða 25
MORGUNBLAÐIÐ, MIÐVIKUDAGUR 11. JÚLl 1984
25
jr
Matthildur Agústs-
dóttir — Minning
Fsdd 28. júlí 1900.
Diin 18. júní 1984.
Nú þegar jarðvistardögum
tengdamóður minnar, Matthildar
Ágústsdðttur, er lokið, vil ég
minnast þessarar góðu konu með
nokkrum orðum.
Matthildur var fædd í Staka-
gerði í Vestmannaeyjum 28. júlí
árið 1900. Foreldrar hennar voru
Guðrún Þorsteinsdóttir og Ágúst
Gíslason, útvegsmaður, sem
byggðu sér myndarlegt heimili,
Valhöll, þar sem Matthildur ólst
upp með systkinum sínum. Jafnan
var þar mannmargt, eins og títt
var hjá útvegsbændum þess tíma,
og varð hún því snemma að taka
til hendinni við heimilisstörfin.
Þetta var harður skóli hverjum
unglingi en gagnlegur og þar
margt numið, sem kom sér vel að
kunna síðar, þegar til eigin heim-
ilis var stofnað. Þar naut Matt-
hildur tilsagnar móður sinnar i
matargerð, en hún var orðlögð
matreiðslukona, sem fengin var til
eftirlits og umsjónar, þegar opin-
berar veizlur voru haldnar í Eyj-
um. Þetta og margt fleira nam
Matthildur með ágætum, sem kom
vel í ljós í hennar búskap, sem
stofnað var til á kreppuárunum;
þegar útsjónarsemi og nýtni var
aðal hverrar húsmóður, en í hönd-
um hennar varð oft mikið úr litlu,
á undraverðan hátt.
Ung sigldi Matthildur til Kaup-
mannahafnar og lærði þar sauma-
skap. Stundaði hún þar einnig
önnur störf og undi sér þar vel og
var oft hrein skemmtan að heyra
hana segja frá þessu skeiði ævi
sinnar, á þann hátt, sem henni
einni var gefið, fullum af kímni og
frásögnin leikandi létt.
Þessi eiginleiki, ásamt léttu
skapi og jákvæðu hugarfari,
ávann henni marga vini, sem títt
sóttu hana heim. Gaman var að
fylgjast með því græskulausa
fjöri, sem ríkti á þeim vinafund-
um.
Árið 1922 Iézt faðir Matthildar
af slysförum. Kom hún þá heim
frá Kaupmannahöfn og varð móð-
ur sinni stoð og stytta á heimilinu.
Árið 1927 giftist hún Sigurði
Bogasyni frá Búðardal. Þau
bjuggu allan sinn búskap i Vest-
mannaeyjum, fyrst í Valhöll, en
þó lengst af i Stakagerði.
Sigurður starfaði í mörg ár sem
bæjarfógetaritari, en seinni árin
var hann skrifstofustjóri Vest-
mannaeyjabæjar. Hann andaðist
20. nóvember 1969. Þeim hjónum
varð 7 barna auðið, sem öll eru á
lífi. Þau eru: Guðrún Ágústa, gift
Svend Brander, byr í Kaupmanna-
höfn, Ragnheiður, gift Sigurjóni
Jónssyni, Bogi, giftur Fjólu Jens-
dóttur, Haukur, giftur Úrsulu
Georgsdóttur, Þórdis, gift Sveini
Gíslasyni, Þorsteinn, giftur Ág-
ústu Olsen og Sigurður giftur
Gretu Kortsdóttur.
Þegar ég hugsa til baka, til
fyrstu kynna minna af þeim
Stakagerðis-hjónum, þá er mér
efst í huga, á hve látlausan og eðli-
legan hátt þau tóku á móti mér á
heimili sínu, þar sem ég kom sem
gestur dóttur þeirra. Allur kviði,
sem hafði byggst upp innra með
mér, hvarf eins og dögg fyrir sólu
og áður en varði fannst mér ég
vera orðinn einn af fjölskyldunni,
sem og seinna varð. Glaðlegt og
hlýtt viðmót Matthildar og sterk-
ur persónuleiki Sigurðar er hverj-
um manni ógleymanlegur, sem
þeim kynntust.
Margra sameiginlegra stunda er
að minnast, þar sem fjör og gleði
ríkti og átti Matthildur þá jafnan
smellna sögu eða frásögn, sem
xZterkurog
kJ hagkvæmur
auglýsingamiöill!
kitlaði hláturtaugarnar svo um
munaði. Hún var einnig mjög fróð
um sögu Vestmannaeyja og var
ósínk á þann fróðleik til fjölskyldu
sinnar sem og annarra og skein þá
ávallt í gegnum frásögnina ást
hennar á Eyjunum og á því
mannlifi sem þar var fyrir hendi.
Hvergi undi hún sér betur en í
Eyjum og þar vildi hún eyða sínu
ævikvöldi, trú sínum æskuslóðum,
þó henni byðist annað, því hún var
aufúsugestur allra sinna barna.
Aðfaranótt 18. júní sl. lést
Matthildur á sjúkrahúsi Vest-
mannaeyja eftir nokkra legu. Út-
för hennar fór fram frá Landa-
kirkju 23. júní og hvflir hún nú við
hlið manns síns í Vestmannaeyja-
kirkjugarði.
Lífsskeiði enn einnar húsmóður
og móður er lokið. Störf hennar
voru ekki blásin upp í fjölmiðlum,
engar frásagnir af sigrum hennar
eða sorgum, gleði hennar eða
vonbrigðum. Þó var henni falin
mikil ábyrgð, sem og öðrum 1
hennar stétt, og sem þjóðfélagið
tekur sem hvern annan sjálfsagð-
an hlut, að vel sé af hendi leyst, en
fáir leiða hugann að, hve mikillar
fórnfýsi og sjálfsafneitunar oft er
krafist, svo að vel til takist. Og
Matthildi tókst svo sannarlega vel
að standa undir þessari ábyrgð.
Hún sá um sitt heimili og ól upp
börnin sín, með dugnaði og skiln-
ingi á hvers eins vanda. Jákvætt
viðhorf hennar til manna og mál-
efna var öðrum til fyrirmyndar og
mótuðu hennar nánustu.
Nú er Matthildur horfin yfir
móðuna miklu og ég mun sakna
hennar, eins og aðrir í fjölskyld-
unni, en ég mun ávallt minnast
hennar með gleði og þakklæti
fyrir allar þær góðu og skemmti-
legu stundir, sem hún veitti mér
og fjölskyldu minni í gegnum tið-
ina. Blessuð veri minning mætrar
konu.
Sigurjón Jónsson
Ef þú kaupir fyrir meira en 4.999 krónur
gerumst við ótrúlega sveigjanlegir
i samningum.
Láttu reyna á það!
Heimilistæki hf
HAFNARSTRÆTI 3 - 20455- SÆTÚNI 8-15655