Morgunblaðið - 11.07.1984, Blaðsíða 32
OPIÐ ALLA DAGA — ÖLL KVÖLD
AUSTURSTRÆTI 22
INNSTRÆTI, SlMI 11340
OPIÐALLA DAGA FRÁ
KL. 11.45-23.30
aU5Turstræt/ 2* r
INNSTRÆTI, SlMI 3 '
MIÐVIKUDAGUR 11. JÚLÍ 1984
VERÐ í LAUSASÖLU 25 KR.
Saltfiskútflutningur til Portúgal:
12 % tollurinn breytir
ekki verðinu á árinu
Barreto flýtir heimför vegna tregðu á losun saitfiskskipa frá íslandi
„SÁ TOLLUR sem hefur verið ákveðið að leggja á íslenskan saltfisk
kemur ekki til með að hafa áhrif á verð fisksins á samningsárinu og
þar af leiðandi eru þær ásakanir algerlega úr lausu lofti gripnar, að
Islendingum sé mismunað í viðskiptum við okkur,“ sagði Alvaro
Barreto, viðskiptaráðherra Portúgals, í gær.
Morgunblaðiö/Friöþjófur
Brugðið
á leik í
fótbolta
FYRRIJM heimsmeistarar
Vestur-Uýskalands leika lands-
leik í handknattleik gegn íslend-
ingum í Seljaskóla í kvöld.
Þýska liðið kom til landsins
síðdegis í gær og í gærkvöldi
æfði liðið á keppnisstað. Þýsku
leikmennirnir létu sér þó ekki
nægja að kasta boltanum á
milli sín, þeir brugðu einnig á
leik og skiptu i tvö lið í fót-
bolta, enda hávertíð
knattspyrnumanna hér á landi
um þessar mundir. Á myndinni
er það frægasti leikmaður
þýska liðsins, Erhard Wund-
erlich, sem bregður á leik.
Sjá nánar á íþróttasíðu bls. 31.
Hann sagði, að Portúgalir
keyptu saltfisk af fjórum þjóð-
um, og hefðu farið fram á fisk-
veiðiheimild af þremur þeirra,
gegn því að tollurinn yrði aðeins
þrjú prósent. Þessi lönd væru
Noregur, Kanada og Bandaríkin.
Fallist var á beiðni Portúgala af
ríkisstjórnum landanna þriggja.
Barreto sagði að það hefði aldrei
komið til greina að óska efir
fiskveiðiheimildum við fsland,
enda gerðu Portúgalir sér grein
fyrir ástandi fiskstofna hér nú.
í samtali við blm. Mbl. sagði
Barreto að hann teldi sjálfgert,
að farið yrði vel ofan í viðskipta-
mál landanna næst þegar sam-
ningar um saltfisksölu standa
fyrir dyrum og þá væri einnig
æskilegt, að verulegur árangur
hefði náðst í að auka kaup ís-
lendinga á vörum frá Portúgal.
Barreto sagði, að Portúgalir
hefðu m.a. hug á því að gera til-
boð í verk við Blönduvirkjun,
sem verður boðið út í næsta
mánuði.
Barreto ákvað að flýta heim-
för sinni og heldur til Lissabon
árdegis í dag í stað þess að fara
til Vestmannaeyja eins og fyrir-
hugað var. Matthías Á. Mathie-
sen, viðskiptaráðherra, sagði á
fundi með blaðamönnum í gær,
að hann teldi þetta óræka sönn-
un þess að Barreto væri mikið í
mun að greiða fyrir því að upp-
skipun yrði þegar leyfð á salt-
fiski úr íslensku skipi sem hefur
ekki fengið löndunarleyfi í
Aveiro í tíu daga. Matthías og
Barreto voru á einu máli um að
heimsókn hans hingað, þótt stutt
væri, hefði verið ánægjuleg og
rutt úr vegi ýmsum misskilningi
sem komið hefði upp varðandi
viðskipti landanna.
Sjá miðopnu.
Embætti borgarfógeta:
Fé horfið
úr vörslu
skipta-
ráðanda
Rannsóknarlögregla ríkisins
hefur gert kröfu um gæsluvard-
hald tveggja manna til 1. ágúst
vegna gruns um aðild þeirra að
hvarfi peninga sem voru í vörslu
skiptaráðandans í Reykjavík og
er gert ráð fyrir úrskurði Saka-
dóms í dag. Rannsóknarlögregla
ríkisins vildi ekki að svo stöddu
gefa upp um hve mikla upphæð
væri að ræða, en um talsverða
upphæð mun vera að ræða.
Rannsókn málsins hófst 2.
júlí síðastliðinn, en þá var gerð
tilraun til að taka peninga út
úr bankabók í Vegamótaútibúi
Landsbankans, sem var í
vörslu skiptaráðandans I
Reykjavík. Tilraunin mistókst,
en maðurinn sem reyndi að
taka peningana út komst und-
an. Könnun á því fé sem
skiptaráðandinn hefur undir
höndum leiddi í ljós að fleiri
bankabækur höfðu horfið og
höfðu peningar verið teknir út
úr þeim.
Annar maðurinn, sem óskað
hefur verið gæsluvarðhalds yf-
ir, vinnur í tímavinnu fyrir
skiptaráðandann i Reykjavík
og hinn maðurinn starfaði áð-
ur um nokkurt skeið fyrir
skiptaráðanda á sama grund-
velli.
Siglt á Fossvogi
Morgunblaðið/Friöþjófur.
Landsmenn hafa notað góða veðrið sfðustu daga af kappi til hvers konar útivistar. Dag eftir dag hafa siglinga-
menn siglt fleyjum sínum í fjörðum og vogum eins og sjá má á þessari mynd, sem tekin var á Fossvogi í gær.
Ekkert samkomulag
hefur enn verið gert
— segir aðstoðarsjávarútvegsráðherra Noregs vegna mót-
mæla Islendinga gegn veiðum Dana á Jan Mayen-svæðinu
Aðstoðarsjávarútvegsráðherra Noregs, Svein Munkejord, sagði í
samtali við Morgunblaðið í gær að mótmæli íslendinga vegna sam-
komulags Norðmanna og Dana um loðnuveiðar á Jan Mayen-
svæðinu væru með öllu tilefnislaus, þar sem engir samningar hefðu
verið gerðir á milli Norðmanna og Dana.
Aðspurður sagði Svein Munke-
jord, að íslensk stjórnvöld fengju
svar frá Norðmönnum við mót-
mælunum í þessari viku. Hann
vildi þó ekki upplýsa efnisatriði,
en sagðist halda að svar norsku
ríkisstjórnarinnar yrði fullnægj-
andi fyrir íslendinga. Hins vegar
viðurkenndi Svein Munkejord að
viðræður hefðu átt sér stað milli
Norðmanna og Dana en ítrekaði
að ekkert samkomulag hefði verið
gert en ef til þess kæmi taldi hann
eðlilegt að afli Dana kæmi til frá-
dráttar kvóta Norðmanna, en ekki
íslendinga.
Ein af ástæðum þess að íslend-
ingar sendu umrædd mótmæli
mun hafa verið ótti þeirra við að
með samningum við Dani yrðu
loðnuveiðar gerðar fýsilegri fyrir
lönd Efnahagsbandalagsins. En
samkvæmt heimildum Morgun-
blaðsins eru loðnumið sem eru
innan lögsögu Grænlands ekki
eins hagkvæm til sjósóknar og
miðin á Jan Mayen-svæðinu, og er
vafasamt að loðnuveiði þar borgi
sig
I síðdegisútgáfu norska dag-
blaðsins Aftenposten í gær segir
Truls Paulsen, skrifstofustjóri í
norska sjávarútvegsráðuneytinu,
það ljóst að þar sem Danir eru
aðilar að Efnahagsbandalaginu
séu þeir skuldbundnir til að leyfa
öðrum löndum bandalagsins veið-
ar á sömu veiðisvæðum og þeir
hafa heimild til.
En að sögn Truls Paulsen er ein
meginástæða þess að þríhliða
samkomulag íslands, Noregs og
Efnahagsbandalagsins hefur ekki
tekist, sú að Norðmenn vilja draga
hugsanlegan kvóta Efnahags-
bandalagsins að mestu leyti frá
kvóta íslendinga, en á það hafa
þeir ekki viljað fallast.