Morgunblaðið - 29.11.1986, Side 18
18
MORGUNBLAÐIÐ, LAUGARDAGUR 29. NÓVEMBER 1986
Kótelettur með „risotto“ og kryddsósu.
Ef völ er á góðum
kótelettum
Heimiiishorn
Bergljót Ingólfsdóttir
Þær eru góðar Islensku lamba-
kótelettumar, því er ekki að neita,
en heldur ódrjúgur matur. Það er
þó eins og meira verði úr þeim í
samansoðnum réttum, pottrétt-
um, og eins ef þær eru tvöfaldar
og grillaðar þannig. En þetta hef-
ur allt verið tíundað í Heimilis-
homi áður og því ekki ástæða til
að fjölyrða um það hér.
En ef völ er á góðum kótelett-
um er hægt að matbúa góða
máltíð, og með góðum árangri
má yfirfæra uppskriftimar á allar
tegundir kjöts en samræma þarf
þá steikingar- og suðutíma.
V etrar-kótelettur
8 lambakótelettur (4 svína- eða
kálfakótelettur),
4 gulrætur,
6 sellerístönglar,
1 stór laukur,
smjör eða smjörlíki til að steikja
úr,
súputeningar,
salt og pipar,
estragon
1. Gulrætur og sellerí skorið í
bita, laukurinn í sneiðar og þetta
sett út í smjör á pönnu, aðeins
soðið (ekki brúnað). Grænmetið
sett í eldfast mót.
2. Kótelettumar brúnaðar,
kryddaðar með salti, pipar og
þurrkuðu estragon. Settar yfír
grænmetið í fatinu, vatni með
súputeningi hellt á pönnuna og
soðið sett yfír kótelettumar.
3. Álpappír settur yfír fatið og
látið sjóða í ofni í ca. 20 mín.
(lengur ef það eru svína- eða
kálfakótelettur). Ef bera á með
annað grænmeti, t.d. niðursoðnar
belgbaunir eða annað, er hægt
að setja það yfír kjötið og láta
það hitna með.
Kótelettur með „ris-
otto“ og kryddsósu
8 lambakótelettur (eða 4 stórar),
smjör eða smjörlíki til að steikja
úr,
'A — 1 tsk. karrí,
salt og pipar eftir smekk.
1. Smjörlíkið sett á pönnu, brætt
og karrí látið út I, aðeins látið
krauma áður en kótelettumar eru
settar út á, brúnaðar báðum meg-
in og látnar sjóða á meðan
hrísgijónin soðna.
2. Hrísgijónin látin sjóða eftir
leiðbeiningum á pakka en síðan
krydduð.
„Risotto" er búið til á marga mis-
munandi vegu, t.d.:
3 dl hrísgijón soðin í miklu vatni,
saman við gijónin em settir 2
negulnaglar, 100 g rúsínur auk
salts.
Kryddsósa:
2 dl sýrður tjómi,
1—2 rif hvítlaukur,
1—2 tsk. mild chilisósa,
dál. steinselja,
salt
Pressað eða saxað hvítlauksrif-
ið, chilisósan og brytjuð steinselj-
an sett saman við ijómann og
hrært vel, saltað ef þurfa þykir.
Gott er að laga sósuna dál. áður
en bera á matinn fram.
Kótelettur með tómat-
makkarónum
8 lambakótelettur (eða 4 stórar),
smjörlíki til að steikja úr,
salt og pipar.
350 g makkarónur eða annað
„pasta".
Sósan:
4 sneiðar þunnt skorið beikon,
1 stór laukur,
1 gulrót,
1 meðalstór púrra,
1—2 rif hvítlaukur,
1 dós niðursoðnir tómatar (ca. 400
gr.)
2 dl kjötsoð (súputen. og vatn)
1 tsk. paprikuduft,
salt og pipar eftir smekk.
Kótelettumar steiktar á venju-
legan hátt og látnar sjóða.
Makkarónumar soðnar sam-
kvæmt leiðbeiningum á pakka.
Sósan:
1. Beikonið skorið í bita og steikt
á pönnu, saxaður laukurinn settur
út á og látinn sjóða með (ekki
brúnast).
2. Brytjuð púrra, pressað
hvítlauksrif og gróft rifín gulrót
sett út á ásamt tómötum, soðinu
af þeim og kjötsoðinu. Látið malla
þar til grænmetið er hæfílegt.
3. Soðnum makkarónum bætt út
í sósuna, paprikuduft, salt og pip-
ar sett yfír og bragðbætt að
smekk.
Tómatmakkarónumar bomar
með kótelettunum í sérstakri skál.
Vetrar-kótelettur.
Náttúruverndarfélag Suðvesturlands:
Skoðunarferð um Kvos-
ina og Vatnsmýrina
Náttúruvemdarfélag Suðvestur-
lands stendur fyrir kynnisferð um
Kvosina og Vatnsmýrina á morgun
sunnudag. Lagt verður af stað kl.
13.30 frá Víkurgarði (fógetagarðin-
um) á homi Aðalstrætis og Kirkju-
strætis. Gengi verður um Kvosina
og gömlu húsin „lesin" eftir sögu
og aldri. Að því loknu býður Hress-
ingarskálinn þátttakendum upp á
kaffísopa. Þaðan verður haldið suð-
ur að Tjöm (rúta fylgir göngunni
eftir) og gengið með henni vestan-
verðri að friðlýstu svæði í Vatn-
smýrinni. Á leiðinni verður fjallað
um jarðlög, lífríki og landnýtingu
fyrr á öldum. Ef aðstæður leifa
verður torfhleðslur Tryggva Hans-
en sunnan í Vatnsmýrinni skoðaður.
Ur Vatnsmýrinni verður farið að
háskólabíói. Þar býður Mjólkursam-
salan upp á sýmdrykk (mysu) til
að svala þorsta göngumanna. í
anddyri Háskólabíós gefst þátttak-
endum kostur á að skoða litlar
sýningar. Sýningar áhugahóps um
byggingu náttúrufræðihúss á
íslenskum fléttum og á sauðavöllum
og hvemig þær voru notaðar til
gagns og gamans sem spávölur.
Þá mun Kennaraháskólinn kynna
hluta af rannsóknarverkefni sem
nemendur hans unnu um lífríki
Vatnsmýrarinnar. Fólki gefst þama
kostur á að varpa fram spurningum
um Kvosina, Tjörnina og Vatnsmýr-
ina til leiðsögumannanna. Frá
Háskólabíói verður farið um kl.
16.45 og gengið norður Suðurgöt-
una niður í Víkurgarð og þar líkur
göngunni um kl. 17.00.
Ekki þarf að greiða fyrir þátttöku
í göngunni eða veitingar, en ef lang-
ferðabifreiðin verður notuð kostar
það 100 kr. Hægt er að koma í
gönguna og fara úr henni hvenær
sem er og hvar sem er. Allir eru
velkomnir. Munið að fátt jafnast á
við ferðalag undir góðri leiðsögn.
Leiðsögumenn verða: Guðjón
Friðriksson sagnfræðingur, Ámi
Einarsson líffræðingur, Þorleifur
Einarsson jarðfræðingur og Þórunn
Valdimarsdóttir sagnfræðingur.
Fleiri munu leggja sitt af mörkum
í ferðinni.
Uppi er ágreiningur og miklar
umræður um hvað eigi að varðveita
af gömlum húsum í Kvosinni og
skipulag hennar. NVSV vill hvetja
alla sem láta sig þessi mál varða
að koma í ferðina og fræðast um
svæðið og tengsl þess við Tjörnina
og Vatnsmýrina. Þá vill NVSV
beina þvi til ágreiningsaðila að þeir
myndi umræðuhóp um málið og
íhugi jafnframt hvað er til ráða, til
að hefja svæðið til vegs og virðing-
ar.
Gleymum ekki, að rætur reyk-
vískrar menningar liggja í Kvosinni,
látum þær ekki fúna, hlúum heldur
að þeim, okkur og gestum okkar,
afkomendum okkar og gestum
þeirra til gagns og gleði.
(Frá NVSV)
Um sálfræðileg nám-
skeið og meðferð
eftirArnór
Hannibalsson
Ósjaldan má sjá í blöðum auglýs-
ingar um námskeið handa almenn-
ingi um sálfræðileg málefni.
Stundum eru auglýsingar þannig
orðaðar, að lesandinn gæti álitið,
að einhverskonar sálfræðileg með-
ferð sé í boði. Þessi tilboð eru góðra
gjalda verð, ef þeir sem að slíkri
starfsemi standa, hafa viðeigandi
menntun og starfsþjálfun. En það
hefur einnig viljað við brenna, að
menn sem skortir slíka menntun
og starfsþjálfun auglýsi þesskonar
þjónustu við almenning. Árangur-
inn af slíkri starfsemi er einatt allur
annar en vænta mátti af auglýs-
ingu. Stjórn Sálfræðingafélags
íslands veit dæmi þess, að fólk
hafí komið heim mjög miður sín af
slíkum „námskeiðum" (og/eða
„meðferð").
Á íslandi eru í gildi lög um sál-
fræðinga, sett árið 1976. Þau lög
kveða skýrt á um, hvaða kröfur
menn verða að uppfylla til að fá
leyfí yfírvalda til að kalla sig sál-
fræðinga og þar með einnig til að
stunda störf, sem sálfræðimenntun
þarf til. Löggildingu menntamála-
ráðherra þarf til þess að mega
auglýsa sig opinberlega sem sál-
fræðingur og til að bjóða sálfræði-
lega meðferð. Nú mega menn að
sjálfsögðu halda fyrirlestra og nám-
skeið um þau efni sem þeir kunna.
En stjóm Sálfræðingafélags íslands
vill beina því til allra, sem hafa hug
á að taka þátt í námskeiðum, sem
eru auglýst um sálfræðileg efni, að
þeir kanni hvaða menntun og sér-
hæfíngu þeir menn hafa, sem slíka
þjónustu bjóða. Það er sjálfsagður
réttur hvers manns að ganga úr
skugga um það fyrirfram, hvort
líkur séu á að námskeið eða með-
ferð beri þann árangur sem lofað
er. Enginn skyldi reiða fram fé til
greiðslu á slíkri þjónustu nema hann
sé þess fullviss að sá sem býður
þjónustuna hafí tilskilda hæfni og
fari að lögum. Höfuðatriðið er þó
ekki það að menn eigi það á hættu
að tapa fé sínu, heldur eru dæmi
um það, að merin hafí verið verr
staddir andlega eftir að hafa tekið
þátt í slíku námskeiði.
Stjóm Sálfræðingafélags fslands
brýnir það því fyrir fólki að gæta
vandlega að menntun og sérhæfni
Arnór Hannibalsson
þeirra sem bjóða þjónustu í nafni
sálfræðinnar, áður en samþykkt er
að taka við slíkri þjónustu eða
greitt fyrir hana.
F.h. Sálfræðingafélags fslands
Amór Hannibalsson.
Höfuadur er formadur Sálfræð-
ingafélags íslands.