Morgunblaðið - 29.09.1989, Blaðsíða 15

MORGUNBLAÐIÐ FÖSTUDAGUR 29. SEPTEMBER 1989
15
Ágúst Kristjans-
son - Minning
Fæddur 14. nóvember 1948
Dáinn 21. september 1989
Eg kynntist Agúst Kristjánssyni
fyrst fyrir rúmum tuttugu og tveim-
ur árum þegar Guðrún systir hans
varð eiginkona mín. Hann var þá
óvenju glæsilegur ungur maður
enda þótt langvarandi sjúkdómur
hefði þegar sett mark sitt á hann.
Eftir gagnfræðapróf hóf hann nám
í Kennaraháskóla íslands og hélt
því ótrauður áfram fyrsta árið, þrátt
fyrir hrakandi heilsu. Jafnframt
stundaði hann kvöldnám í högg-
myndadeild Myndlistaskólans um
þriggja ára skeið á þessum árum.
Hann hafði gaman að því að semja
sögur og var vel ritfær. Sýndi hann
ótrúlega þolinmæði við skriftir á
ritvél þótt veikindin gerðu það lítt
mögulegt. Að lokum varð hann þó
að hætta námi er hann komst ekki
lengur hjálparlaust ferða sinna.
Sjúkdómur hans agerðist smátt og
smátt og var Ágúst langtímum
saman á ýmsum sjúkrahúsum hér
heima og erlendis, en aldrei missti
hann samt móðinn og var sérlega
laginn a sjá spaugilegar hliðar á
tilverunni og rifja upp skemmtileg
atvik.
Hann var einstaklega hugljúfur
og traustur vinur og gat alltaf heils-
að með brosi hvernig sem á stóð.
Hann fylgdist af miklum áhuga
með vexti og þroska systkinabarna
sinna 'og gleymdi aldrei að skila
kveðju til þeirra ef þau voru ekki
með í heimsókn. Hvar sem hann
var eignaðist hann vini og velunn-
ara og oft birtist hjálparhöndin úr
óvæntri átt þegará þurfti að halda.
Hann var mikill unnandi góðrar
bóka og tónlistar og var einkum
tónlistin honum til ánægju. Það var
alltaf sérstök ánægja að fara með
honum í leikhús eða á tónleika því
að hann naut slíkra stunda svo
hjartanlega.
Ágúst missti föður sinn rúmlega
tvítugur og bjó lengst af einn með
móður sinni, sem hefur annast hann
af mikilli kostgæfni alla tíð.
Síðustu fjögur árin var hans ann-
að heimili í húsi Sjálfsbjargar í
Hátúni 12, þar sem hann mætti
alúð og hlýju alls starfsfólks og
íbúa.
Ég kveð góðan vin og veit að
hans verður sárt saknað af öllum,
sem þekktu hann.
Eggert Sigfússon
Ágúst, sem hér er kvaddur fá-
tæklegum orðum, var sonur hjón-
anna Emmu Guðmundsdóttur og
Kristjáns Gunnarssonar, skipstjóra,
en hann lést fyrir allmörgum árum.
Systkini Ágústs eru Guðrún, Karit-
as, Gunnar og María Vigdís.
Að fylgjast með-litlum frænda,
glaðlegum og frísklegum vekur
ánægju og gleði, en framtíðn er
óráðin, skynjun okkar takmörkuð.
Hver verður framtíð þeirra ungu?
Svörin birtast ekki fyrr en jafnóðum
og iífið líður hjá, þá ýmist rætast
eða bresta vonirnar. Gústi var táp-
mikill þegar hann 5 ára varð fyrir
bíl, ekki voru ytri áverkar miklir
en áður en langt um leið uppgötvað-
ist að ekki var allt eins og það átti
að vera. Leitað var lækninga og
meðal annars á Ríkisspítalanum í
Danmörku, þegar hann var 12 ára.
Þar var greindur sjaldgæfur sjúk-
dómur, þá og oft síðan vaknaði sú
spurning hvort hann væri af völdum
slyssins eða af öðrum orsökum.
Gústi átti gott með að lærá, hann
lauk gagnfræðaprófi og var byijað-
ur í Kennaraskólanum þegar mein
hans var komið á það stig, að stjórn-
un á hreyfingum líkamans brást.
Leitað var til lækna heima og er-
lendis. Hann dvaldist á sjúkrahús-
um bæði í Danmörku og Englandi
og hér heima. Þó mikil séu þau
undur sem læknavísindin fá áorkað
eru þau ekki alls megnug. Sjúk-
dómurinn ágerðist, mótstaðan
minnkaði, hjólastóllinn varð fyrr en
varði eina hjáipin til að komast
áfram, en brátt varð Gústa um
megn að koma stólnum áfram og
jafnframt varð honum æ erfiðara
að tjá sig.
Við slíkar aðstæður kemur best
í ljós innri styrkur viðkomandi ein-
staklings og umhyggja þeirra er
næst standa.
Innri styrkur og andlegur þroski
Gústa kom vel fram í átökum hans
við sjúkdóm sinn. Svipur hans lýsti
jafnvægi og ró. Það er við slíkar
aðstæður að við sjáum það að mað-
urinn er meira en líkaminn. Innra
með hveijum og einum býr sá mátt-
ur er megnar, fyrir náð Guðs, að
hjálpa til að þola og bera þjáning-
una. Og við spyijum til hvers er
slík raun lögð á einstaklinginn?
Getur það verið að kross þjáningar-
innar sé hlutur þeirra, er hann bera,
í píslargöngu frelsarans? Og sé svo,
er þá mest lagt á þá sem sterkast-
ir eru?
Honurn var svipt af braut hins
daglega strits fyrir brauði inn á
braut sem gerði ómældar kröfur til
sálar og líkama, það gaf oft á bát-
inn á þeirri siglingu. Þó sortinn
væri dimmur, vissi Gústi af ljósi
handan þeirra dimmu. Það ljós var
trú hans á almáttugan Guð. Ég er
viss um að sú trú var ekki einungis
byggða á boðun orðsins. Iiún var
vissa.hans úr eigin reynslu.
Það fór ekki framhjá okkur er
álengdar fylgdumst með að fjöl-
skyldan öll rétti fram þá hjálp er
hún megnaði. Sú hjálp var jafn
sjálfsögð og óhikuð sem við á göngu
færum annan fótinn fram fyrir
hinn. Aðeins eitt orð nær að lýsa
þeirri aðstoð sem á þann veg er
veitt; kærleikur. Oft og víða hefur
móðurástin sannað sig, svo var
einnig hér, um það þarf enginn
orð. Kærleikurinn varir án orða,
harmur sonar er einnig harmur
móður.
Það er táknrænt að hann er leyst-
ur frá þjáningunni á þessum tíma-
mótum í árinu, þegar gróður sum-
arsins fölnar og hverfur aftur til
jarðarinnar, en öll fegurðin sem sá
gróður gaf okkur lifir áfram í vit-
und okkar sem nutum.
Er ég liugsa um þá þolinmæði
og það jafnaðargeð sem Gústi sýndi
í lífi sínu, kemur mér í hug hvort
hér eigi ekki við það sem Hallgrím-
ur Pétursson segir: „Heilagui’ eng-
ill himnum frá, Herra sinn kom að
styrkja þá.“
Nú að þessum áfanga loknum
bið ég þess að andblær almættisins
veiti báti hans byr inn í höfn friðar.
Kristján Fr. Guðmundsson
MORSE CONTROL
Stjórntæki fyrir vélar og gíra, spil o.fl. Mikiö úrval fyrirliggjandi. Flestar lengdir og
sverleikar af börkum. Stýrisvélar og stýri fyrir allar vélategundir og bátagerðir.
ÁNANAUST 1, REYKJAVÍK. SÍMI 91-26122
Falleg mynd
geymir góóar
minningar
Góð Ijósmynd afbarninu á ýmsum aldri er öllum foreldrum dýrmcet eign.
Ljósmyndir eru eins misjafnar aðgceðum og þcer eru margar. Bestu og skemmtilegustu
myndina afbarninu þínu fcerðu hjá fagfólki í Ijósmyndun.
í ár eru liðin 150 ár frá upphafi Ijósmyndunar. Af því tilefni gefa neðangreindar
Ijósmyndastofur 15% afslátt af barnamyndatökum til októberloka.
REYKJAVlK
Ljósmyndastofa Þóris
Ljósmyndastofa Gunnar Ingimars
Ljósmyndastofa Reykjavikur
Stúdló Guðmundar
Barna og fjölskylduljósmyndir
Ljósmyndlr Rutar
Ljósmyndarinn, Jóhannes Long
Ljósmyndastofa Sigríöar Bachmann
Nærmynd
Stúdíó 76
Svipmyndir
KÓPAVOGUR
Ljósmyndastofa Kópavogs
HAFNARFJÖRÐUR
Mynd
HÚSAVlK
Ljósmyndastofa Péturs
sauðArkrókur
Ljósmyndaþjónusta Pedersen
fSAFJÖRÐUR
Myndás
SELFOSS
Ljósmyndastofa Suðurlands
VESTMANNAEYJAR
Ljósmyndastofa Öskars
KEFLAVlK
Ljósmyndastofa Suöurnesja
Nýmynd
Myndarfólk
AKRANES
Ljósmyndastofa Ólafs Árnasonar
Við notum Kodak pappír .. .gœðanna vegna
plnyigmtnMiifoifo
Askriftcirsíminn er 83033