Morgunblaðið - 14.11.1989, Blaðsíða 2

- MÖRÓUNBLA-ÐÍÐ -ÞRÍÐ-JÖÐÁÖÖRÖÍl 4
Maður lést þegar
jeppabifreið valt
Þrjátíu og níu ára gamall mað-
ur, Magnús Hrafh Magnússon,
lést þegar jeppabifreið hans valt
á Arnarnesi við SkutulsQörð
klukkan rúmlega 8 á sunnudags-
morgun.
Lögreglan á ísafirði hélt í gær
blaðamannafund. Þar kom fram að
tildrög slyssins voru með þeim
hætti, að lögreglumaður á eftirlits-
ferð ákvað að stöðva Bronco-jeppa
Magnúsar við Brúarnesti á ísafirði.
Magnús sinnti ekki merkjum lög-
reglumannsins, heldur ók inn í fjörð
og áfram út með honum í átt að
Súðavík.
Keflavík:
*
Utveg's-
miðstöðin
segir upp
12 manns
FASTRÁÐNUM starfsmönn-
um Utvegsmiðstöðvarinnar
hf. í Keflavík, 12 að tölu, hefúr
verið sagt upp störfúm, en
alls starfa um 30 manns hjá
fyrirtækinu. Ástæðan er fyrir-
sjáanlegur hráefiiisskortur en
Utvegsmiðstöðin hefúr unnið
rækju til útflutnings.
Þorsteinn Árnason forstjóri
Útvegsmiðstöðvarinnar sagði
við Morgunblaðið að jafnvel yrði
hægt að bæta úr hráefnisskort-
inum með vinnslu á rækju frá
Kanada og þá þurfi uppsagnirn-
ar ekki að taka gildi. Einnig
yrði hægt að vinna annan fisk
eftir áramótin ef bátar byijuðu
þá almennt að Tóa.
Fokker-vélar í
aukaskoðun
ÞRJÁR Fokker-flugvélar
Flugleiða voru skoðaðar um
síðustu helgi og olli það
nokkri röskun á áætlun, auk
þess sem fjórða vélin varð að
fara í viðgerð.
Flugleiðir eiga fimm Fokker-
vélar. Fokker-verksmiðjumar
báðu flugfélög um aukaskoðun
vegna festinga í vængbroddum
vélanna og var þessi skoðun
gerð um helgina. á þremur vél-
anna. Þá bilaði mótor í fjórðu
vélinni. Einar Sigurðsson, blaða-
fulltrúi Flugleiða, segir að þessar
skoðanir og viðgerðir hafi vissu-
lega haft nokkur áhrif um helg-
ina, en Flugleiðir hafi leyst vand-
ann, meðal annars með því að
leigja vélar og nýta Boeing-þotu
til Akureyrarflugs.
Skarti stol-
ið úr glug’g’a
RÚÐA var brotin í sýningar-
glugga í gullsmíðaverslun
Fannars í Hafnarstræti að-
faranótt laugardagsins og
stolið úr glugganum ýmiss
konar skartgripum: nælum,
eyrnalokkum og hringum.
Ekki er ljóst hvert verðmæti
þýfísins er. Rannsóknarlögregla
ríkisins vinnur að málinu.
Lögreglumaðurinn lét vita á lög-
reglustöð að eftirför væri hafín, en
honum var sagt að draga úr ferð,
þar sem mikil hálka væri á vegin-
um. Þegar bifreið Magnúsar Hrafns
var komin að brú á Arnarnesi dró
hann mjög úr ferð hennar og dró
þá saman með bílunum. Magnús jók
hiris vegar ferðina aftur og missti
þá stjórn á bílnum, sem fór út af
veginum og valt út í sjó. Magnús
kastaðist út úr bílnum við veltuna
og lést samstundis. Hann fannst í
sjónum skammt frá bílnum.
Magnús Hrafn Magnússon var
til heimilis í Stórholti 13 á ísafirði.
Hann starfaði sem verkstæðis-
formaður á bílaverkstæði Steiniðj-
unnar.
Magnús Hrafn Magnússon
Hluti fundarmanna á Hótel Borg.
Morgunblaðið/Þorkell
Fundur SUS og sjálfstæðisfélaganna í Reykjavík:
Hlutar af múrnum verði
minnismerki sósíalismans
SAMBAND ungra sjálfstæðismanna og sjálfstæðisfélögin í
Reykjavík héldu almennan fúnd á Hótel Borg í gær í tilefni af
atburðum síðustu daga og vikna austan járntjaldsins og var fúllt
hús. Birgir Isleifúr Gunnarsson alþingismaður, Hreinn Loftsson
lögmaður, Matthías Johannessen skáld og ritsfjóri og Hannes
Hólmsteinn Gissurarson lektor fluttu ávörp. í lok fiindarins var
eftirfarandi ályktun samþykkt:
„Fundur sjálfstæðisfélaganna í
Reykjavík og Sambands ungra
sjálfstæðismanna á Hótel Borg
13. nóvember 1989 lýsir yfir
ánægju með þá öru fijálsræðis-
þróun sem nú á sér stað í Austur-
Evrópu. Sérstaklega ber að fagna
nýfengnu ferðafrelsi íbúa Aust-
ur-Þýskalands ög fyrirheitum
stjórnvalda þar um fijálsar kosn-
ingar. Nú blasir við að Berlínar-
múrinn verður jafnaður við jörðu.
Nauðsynlegt er að hlutar hans
verði látnir standa áfram sem
minnismerki um þjóðfélagsskipan
sósíalismans og hugmyndakerfi
marxismans.
Atburðir síðustu daga og mán-
aða í Austur-Evrópu og Sovétríkj-
unum hafa heimssögulega þýð-
ingu. Þeir eru til marks um að
sósíalismi fær ekki staðist til
lengdar. Reynslan af sósíalisman-
um sýnir að frjáls markaðsbú-
skapur er forsenda fyrir því að
lýðræði, frelsi einstaklingsins og
önnur mannréttindi fái notið sín.
Sjálfstæðismenn telja að fjör-
brot sósíalismans sanni gildi Atl-
antshafsbandalagsins fyrir frelsi
Vesturlanda. Miklu skiptir að að-
ildarþjóðir bandalagsins sýni
varkárni og samheldni á þessum
umbrotatímum. Varnarsamstarf
vestrænna þjóða er ekki síður
mikilvægt nú en þegar til þess
var stofnað fyrir íjórum áratug-
um.“
Umsókn RÚV um að eiga
og reka jarðstöð liafiiað
STEINGRÍMUR Sigfússon, samgönguráðherra, hefúr hafnað beiðni
Ríkisútvarpsins sjónvarps um að fá að reka jarðstöð til að taka á
móti útsendingum um gervihnött. Vísar hann til ákvæða fjarskipta-
laga um að Póstur og sími hafi einkarétt á þessu sviði. Málið er til
komið í framhaldi af því að Eutelsat, sem eru samtök póst- og síma-
málastofiiana í Evrópu, eru að skipta um gervihnött og hafa Islend-
ingar einir þjóða ekki loftnet til að taka á móti sendingum um hinn
nýja hnött.
„Þetta eru mikil vonbrigði fyrir þetta væri til hagsbóta fyrir sjón-
fréttastofuna að ráðherrann skuli varpið og alla viðskiptavini þess,
túlka lögin svona. Við töldum að sum sé alla þjóðina," sagði Bogi
Ágústsson, fréttastjóri sjónvarps-
ins, aðspurður um þetta máh Hann
sagði að vegna aðildar RÚV að
Evrópusambandi sjónvarpsstöðva
(EBÚ) hefði sjónvarpinu staðið til
boða jarðstöð nánast ókeypis, en
hingað til hefði það orðið að greiða
miklar ijárhæðir til Pósts og síma
fyrir þessa þjónustu.
Bogi sagði að nú væri horft með
vonarglampa til nýja útvarpslaga-
Lífeyrissjóður Vesturlands:
Saksóknari hafiiar kröfii
um opinbera rannsókn
Ársreikningar 1986 og 1987 lagðir fram í vikunni
RÍKISSAKSÓKNARI heftir haftiað kröfú þriggja verkalýðsfélaga á
Vesturlandi um opinbera rannsókn á starfsemi Lífeyrissjóðs Vestur-
iands. Fulltrúafúndur Lífeyrissjóðsins verður í Ólafsvík næstkomandi
fostudag og þar verða lagðir fram ársreíkningar fyrir 1986 og 1987.
Ársreikningur 1988 er væntanlegur á næstunni og síðar í þessum
mánuði verður sjóðfélögum sent yfirlit um stöðu þeirra frá stofiiun
sjóðsins, 1970, til loka síðasta árs, að sögn Bergþórs Guðmundsson-
ar framkvæmdastjóra Lífeyrissjóðsins.
Verkalýðsfélag Borgarness og
verkalýðsfélögin Jökull í Ólafsvík
og Valur í Búðardal kröfðust opin-
berrar rannsóknar á sjóðnum með
bréfi til ríkissaksóknara 11. septem-
ber sl. Áður hafði fjármálaráðu-
neytið hafnað kröfu félaganna um
rannsókn. Ástæður kröfu félaganna
voru tilgreindar í sex liðum: 1)
Ársreikningar 1986 og síðar liggja
ékki fyrir, 2) ársreikningar 1984
voru ekki samþykktir, 3) yfirlit sjóð-
félaga um greiðslustöðu hafa ekki
verið send út um árabil, 4) langan
tírna tekur fyrir einstaka sjóðfélaga
að fá upplýsingar um réttindi sín í
sjóðnum og greiðslustöðu, 5) full-
trúaráðsfundir voru ekki haldnir frá
1984 til 1988 og 6) bókhaldsóreiða
hefur kostað sjóðinn og þar með
sjóðfélaga verulega fjármuni í
greiðslum til endurskoðenda um-
fram það sem eðlilegt má telja.
í svarbréfí ríkissaksóknara, sem
dagsett er 8. nóvember sl., segir
að ástæður 3-6 sýnist varða innri
málefni sjóðsins með þeim hætti að
eigi verði séð að um refsiverða hátt-
semi stjórnarinnar hafi verið að
ræða. Að því er varðar fyrstu tvo
liðina segir ríkissaksóknari að vitað
sé að .ársreikningar sjóðsins fyrir
undanfarandi ár hafi ekki legið fyr-
ir á lögmæltum tíma og viss atriði
farið úrskeiðis i bókhaldi hans á
fyrri tíð, sem unnið hafi verið að
leiðréttingu á. Hins vegar liggi nú
fyrir ársreikningar sjóðsins til árs-
loka 1987 og ársreikningur fyrir
árið 1988 væntanlegur á næstunni,
auk þess, sem reikningsskilin fari
fram undir umsjón tveggja löggiltra
endurskoðenda. Að þessu athuguðu
þykir ríkissaksóknara ekki efni til
að stofna til opinberrar rannsóknar
á málefnum sjóðsins á þeim grund-
velli sem fram var settur í kæru-
bréfinu.
frumvarpsins, sem yrði lagt fyrir
Alþingi á næstunnij en þar væri
gert ráð fyrir að RÚV mætti eiga
og reka slíkar jarðstöðvar. „Við
teljum að einokun eins og einu sinni
var í útvarpsmálum heyri sögunni
til. Áhugi Pósts og síma hefur til
þessa takmarkast við það að reyna
að hafa af okkur eins mikið fé og
þeir hafa getað og frumkvæði
þeirra til að bæta þjónustuna hefur
verið mjög takmarkað. Samanber
það að við tilkynnum þeim um það
sém er að gerast í þessum efnum
í þeirra eigin samtökum en ekki
öfugt,“ sagði Bogi.
Gústav Arnar, yfirverkfræðingur
Pósts og síma, sagði að afstaða
stofnunarinnar hefði byggst á því
ákvæði fjarskiptalaga sem tryggði
Pósti og síma einkarétt á þessu
sviði. Stofnunin teldi rétt að fara
eftir þeim lögum, enda væri það
affarasælast til lengri tíma litið að
þessi þjónusta væri á einni hendi í
stað þess að skipta henni upp milli
ríkisstofnana. 1 öðru lagi hefði
stofnunin gert ráðstafanir til þess
að útvega RÚV þá þjónustu sem
það þyrfti.
Gústav sagði að þessi skipti á
gervihnöttum hefði borið brátt að
og stofnunin hefði því miður ekki
haft það fyrir reglu að sækja alla
fundi í viðkomandi samtökum sem
hefðu með gervihnattasendingar að
gera. Stofnunin hefði ekki bolmagn
til þess og það væri þrýstingur á
að halda ferðakostnaði í skefjum.
Því hefði þetta mál farið framhjá
þeim á fyrstu stigum, en strax og
þetta hafi orðið ljóst hafi verið
brugðist skjótt við til að fá nýtt
loftnet. Það hefði tekist og vonir
stæðu til að að sá tími sem erfiðleik-
ar yrðu með þessar sendingar yrði
mjög stuttur.