Morgunblaðið - 03.08.1991, Side 23
MORGUNBLAÐIÐ LAUGARDAGUR 3. ÁGÚST 1991
23
Nærri 160 jeppar
í hópferð Toyota
UM 500 manns á 157 jeppum
tóku þátt í hópferð sem Toy-
ota-umboðið, P. Samúelsson,
skipulagði sl. laugardag en
þetta er í þriðja sinn sem um;
boðið efnir til Toyota-dags. I
ár var ákveðið að stefna saman
eigendum Toyota-jeppa og
voru flestir frá höfuðborgar-
svæðinu en einnig slógust í
hópinn Toyota- eigendur frá
Norður- og Vesturlandi og víða
af Suðurlandsundirlendinu.
Ekið var um syðri Fjallabaks-
leið og endað með grillveislu i
Galtalækjarskógi.
Segja má að það sé bjartsýni
í meira lagi ef ekki hreint glap-
ræði að stefna saman ótilteknum
íjölda jeppa í slíka hópferð um
viðkvæmar óbyggðir. En forráða-
menn Toyota-umboðsins fengu
félaga úr Ferðaklúbbnum 4x4 til
liðs við sig varðandi framkvæmd
ferðarinnar. Er skemmst frá því
að segja að hún tókst í alla staði
vel og áhyggjur vegna náttúru-
spjaila óþarfar.
Tilgangur þessarar jeppaferðar
fjölskyldunnar var einmitt meðal
annars sá að gefa jeppaeigendum
sem ekki eru vanir hálendisferð-
um kost á að ferðast um óbyggð-
ir með vönu fólki. Safnast var
saman við Nýbýlaveg þar sem
Toyota-umboðið er til húsa og
bílum skipað í hópa. Var einn
félagi í klúbbnum 4x4 hópstjóri
fyrir hveija tíu jeppa. Áður en
lagt var upp fengu menn lýsingu
á leiðinni og ýmis gögn og bækl-
inga, m.a. um friðiandið að fjalla-
Jeppaferð Toyota-manna. Það gat teygst úr lestinni þegar áð var.
Toyota-umboðið bauð siðan til grillveislu í Galtalækjarskógi og
var þá farið að rigna vel á hópinn sem lét það ekki á sig fá.
baki. Óhætt er að segja að allir
þátttakendur fóru eftir leiðbein-
ingum fararstjóranna, óku að-
eins á vegarslóðunum og gættu
þess að spilla hvergi ósnortinni
náttúrunni að fjallabaki.
Ekið var í fyrsta áfanga að
Hellu og síðan staldrað við að
Keldum á Rangárvöllum. Þátt-
takendur úr fyrstu 40 bílunum
skoðuðu sig þar um stundarkorn
og héldu síðan af stað til að
næstu 40 bíiar kæmust að. Frá
Keldum var ekið inneftir syðri
Fjallabaksleið, fyrir vestan'Lauf-
afell, um Reykjadali og framhjá
Mógilshöfðum. Síðan var haldið
í Galtalækjarskóg þar sem Toy-
ota- umboðið bauð til grillveislu.
Á þessari leið er að finna ýmsar
aðstæður sem menn geta átt von
á í óbyggðaferðum, torfarna vega-
slóða um sanda og hraun, ár og
snjóskafla og gafst því gott tæki-
færi til að reyna jafnt ökumann
sem bíl.
í þessum tæplega 160 bíla flota
Toyota jeppa voru jeppar af öllum
gerðum, Hilux, 4Runner eða For-
ingja og LandCruiser og má laus-
lega áætla að verðmæti flotans
hafi verið kringum 200 milljónir.
Er þá miðað við að meðalverð á
bíi sé eitthvað á aðra milljón
króna.
jt
Býst við breytingnm
á aðild að verkalýðs-
félögum á næstunni
-segir Þórarinn V.
Þórarinsson, fram-
kvæmdastjóri VSÍ
ÞÓRARINN V. Þórarinsson,
framkvæmdastjóri Vinnuveit-
endasambands Islands, segist
vænta breytinga á þátttöku í
verkalýðsfélögum hérlendis á
næstu árum þannig að fólk
muni í auknum mæii ráða því
sjálft hvort það gerist félagar
eða ekki. Hann segist jafnframt
telja að svigrúm fólks til að
velja sér lífeyrissjóði eigi eftir
að aukast auk þess sem sjóðum
muni að öllum líkindum fækka
og þeir verða stærri.
„Þetta feiknalega háa hlutfall af
starfandi fólki sem er í verkalýðsfé-
lögum á Islandi skýrist ekki af fá-
dæma vinsældum félaganna heldur
af því að þegar fólk kemur til starfa
í fyrirtækjum í fyrsta skipti er oft-
ast frá þessu gengið, yfirleitt án
þess að spyija viðkomandi. Iðgjöld-
in eru tekin af launum þess og send
tilfeknu verkalýðsfélagi. Þetta er
gert á grundvelli tveggja ákvæða í
kjarasamningum, annars sem kveð-
ur á um að félagsmenn viðkomandi
verkalýðsfélags eigi forgangsrétt
til vinnunnar og í sumum tilfellum
einkarétt og hins að einhvern tíma
fyrir löngu varð um það samkomu-
lag að verkalýðsfélögin þyrftu ekki
að banka upp á hjá félagsmönnum
sínum og rukka um félagsgjöldin
heldur skyldi heimilt að innheimta
þau af launagreiðslum ásamt
greiðslunum til lífeyrissjóða. Fé-
lagsaðildin er því í raun og veru
skylduaðild þó hún hafi þetta yfir-
bragð að heita forgangsréttur,"
sagði Þórarinn.
Aðild að lífeyrissjóðum er að sögn
Þórarins lögbundin. „Öllum launa-
mönnum og sjálfstæðum atvinnu-
rekendum er skylt að eiga aðild að
lífeyrissjóði viðkomandi starfsstétt-
ar eða starfshóps. Þannig er það í
sjálfu sér sjálfstætt lögbundið að
menn verða að eiga aðild að lífeyris-
sjóði þeirrar stéttar eða starfsgrein-
ar sem þeir tilheyra og sú löggjöf
á sér rót í samkomulagi aðila vinnu-
markaðarins," sagði Þórarinn.
„Að sumu leyti eru ekki deilur
um að einn þáttur í þessari trygg-
ingarstarfsemi okkar sé skylduaðild
að lífeyrissjóðum og fólki sé skylt
að tryggja sig gagnvart því að verða
gamalt. Um það er ekki deilt en
það hefur hins vegar heyrst, sér-
staklega síðustu misserin, að svigr-
úm manna varðandi það hvar þeir
taka þessa tryggingu ætti að vera
meira. Ýmsir benda á að lífeyris-
sjóðir lítilla starfsstétta séu ekki
heppilegasta tryggingareiningin því
þar er áhættan einmitt hámörkuð
með því að auka líkurnar á því að
hópurinn sé útsettur fyrir samskon-
ar áhættu. Einhver þróun er þarna
ugglaust framundan og mun hún
örugglega birtast í því að lífeyris-
sjóðunum fækki, þeir verði stærri
og þar með betri tryggingareining,“
sagði Þórarinn.
Hann sagði að skylduaðild að
verkalýðsfélögum væri afar mikið
á undanhaldi í heiminum. „Það þyk-
ir ekki samrýmast mjög vel hug-
myndum manna um lýðréttindi og
frelsi að fólki sé gert skylt að vera
í tilteknum verkalýðsfélögum. Fyrir
fáeinum árum gekk dómur í Mann-
réttindadómstólnum sem ógilti
samningsákvæði í Bretlandi um
skylduaðild að tilteknu verkalýðsfé-
lagi þar og í sumum löndum voru
í kjölfarið sett lög sem tóku mið
af þessum dómi sem bundu það að
ekki væri hægt að svipta menn at-
vinnu þó að þeir neituðu að vera í
verkalýðsfélagi. Hér er þetta ekki
komið svona langt en auðvitað
hljóta mál að þróast á næstu árum
hér eins og annars staðar þannig
að mönnum verði gert það fijálst
að vera í stéttafélagi eða ekki. Fyr-
irkomulagið á þessum málum í dag
er feiknalega ógeðfellt," sagði Þór-
• arinn V. Þórarinsson.