Morgunblaðið - 03.08.1991, Page 48
: 48
MORGUNBLAÐIÐ LAUGARDAGUR 3. ÁGÚST 1991
73rú<5o.rsví£ari vt*rLoSrxcu."
° 8-14
. •. aö vera samhent um hlutina.
TM Reg. U.S. Pet Off.—all rights reserved
® 1991 Los Angeles Times Syndicate
Með
morgunkaffinu
Æ
Ertu hrædd við að brenna?
HOGNI HREKKVISI
Þessir hringdu . ..
Vitnið sem hvarf
Keyrt var á bíl fyrir utan
Glæsibæ föstudaginn 5. júlí milli
kl. 10,30 og 11. Vitni sem sennilega
heitir Örn er týndur. Upplýsingar
í síma 84736 (Magnús).
Nauðganir
Rannveig Tryggvadóttir hringdi:
Ungum stúlkum sem vilja forðast
að vera nauðgað á útihátíðum ráð-
legg ég eindregið að halda sig alveg
frá áfengi og öðrum vímuefnum.
Lítinn úðabrúsa með hárlakki má
alltaf hafa með til öryggis.
Léleg þjónusta SVR
Menntaskólanemi hringdi:
Eg er alveg sammála henni
Hólmfríði sem skrifaði í þessa dálka
um daginn. Þjónusta SVR er hörm-
uleg. Þeir fækka ferðum, hækka
fargjöld og vagnir era oft og einatt
of seinir. Það er engu líkari en að
forráðamenn SVR vilji að sem fæst-
ir noti vagnana. Er íjárhagsstaða
fyrirtækisins virkilega svo slæm að
þeir hafi ekki efni á að haida uppi
almennilegri þjónustu? Ég skora á
Félagsvísindastofnun að gera könn-
un um viðhorf manna til þjónustu
SVR og kanna hvort ekki séu fleiri
á þessari skoðun.
Kvæðið eftir Steingrím
Nanna hringdi:
í Morgunblaðinu á miðvikudag
er grein eftir Braga Ásgeirsson á
bls. 11 og nefnist „Hvað ertu líf
nema litur“. Titillinn er tekinn úr
kvæði sem Bragi kveður vera eftir
Kristján Fjallaskáld. Hið rétta er
að kvæðið er eftir Steingrím Thor-
steinsson og er í ljóðabók hans.
Seðlaveski glataðist
Sá sem fann ljósgrátt seðlaveski
með peningum og skilríkjum, annað
tveggja við Sólheima gegnt Lang-
holtskirkju eða á bílaplani við
Hraunbæ, vinsamlegast hringið í
síma 689913. Fundarlaun.
Gagnleg umræða
M.A. hringdi:
Mig langar til að lýsa stuðningi
við Kolbrúnu Bergþórsdóttur og
Þórarin Eldjárn sem nýlega voru
ómaklega gagnrýnd í einu dagblað-
anna. Einkum og sér í lagi vil ég
lýsa ánægju minni með þau orð sem
þau létu falla um suma bókmennta-
fræðinga. Það er alltof algengt að
bókmenntafræðingar séu að skrifa
um bækur til þess eins að beita
einhveijum bókmenntafræðiaðferð-
um en hafi engan áhuga á bókinni
sem þeir eru að skrifa um. Mér
finnst eins og þeim að öll bókmenn-
taumræða eigi að varpa ljósi á
bækurnar en ekki á kenningarnar.
Ég vona innilega að þessi umræða
haldi áfram enn um sinn því hún
er mjög gagnleg.
Þakkir fyrir aðstoðina
Margrét hringdi:
Ég vil koma á framfæri kæru
þakklæti til þeirra sem aðstoðuðu
mig, systur mína og barnabarn eft-
ir bílveltuna á mótum Suðurlands-
brautar og Skeiðarvogs s.l. laugar-
dag.
Abending til ökumanna
T.S. hringdi:
Bifreiðir aka of nálægt hver ann-
arri úti á þjóðvegum og einnig of
hratt. Ég legg til að bifreiðarstjórar
hafi bak við eyrað að bifreið sem
ekur á 100 km hraða fer 27,7 m á
sekúndu. Ef hún ekur á 60 km
hraða fer hún 16,6 m á sekúndu.
Gleymið ekki ökuljósunum.
Köttur týndist
Alsvartur gamall köttur, ómerkt-
ur, týndist í Sólheimum fyrir viku.
Hann gæti hafa lokast inni í bílskúr
eða geymslu. Verði einhver hans
var hringið í síma 37709 síðdegis.
Fundarlaun.
Kettlingur í óskilum
Kolsvartur kettlingur með bláa
ól en ómerktur kom óboðinn á Gren-
imel fyrir tæpri viku og er þar enn.
Upplýsingar í síma 622596.
Kettlinga vantar heimili
Fjóra rúmlega 8 vikna kassavana
Onýtir skór í ónýtri verslun
Ég keypti mér inniskó og aðra á
manninn minn í versluninni Skósöl-
unni á Laugavegi 1. Það væri ekki
í frásögur færandi ef skórnir hefðu
hangið saman. Ég notaði mína skó
í ijóra daga en þá var sólinn farinn
undan öðram og allar límingar á
báðum. Maðurinn minn keyrði bíl í
6 stundir á sínum skóm og voru
þeir þá báðir orðnir gapandi.
Ég fór með skóna í verslunina og
sýndi afgreiðslustúlku, sagðist vilja
fá að taka aðra skó út á þessa tvenna
sem kostað höfðu um 3000 krónur.
Stúlkan gat ekkert gert og sagðist
þurfa að tala við eigandann fyrst.
Ég skildi skóna eftir í versluninni.
Þegar ég fór aðra ferð var önnur
stúlka við afgreiðslu. Ég spurði um
skóna en stúlkan vissi ekkert um
þá og hafði ekkert verið á þá minnst
við hana. Eftir nokkra leit fann hún
þá í ómerktum plastpoka. Var þá
búið að gera við skóna. Ég skoðaði
þá og sá að þeir göptu enn á nokkr-
um stöðum. Þegar ég sýndi stúlk-
unni það brást hún reið við og bar
því við að hún gæti ekkert að þessu
gert, hún ynni bara þarna (!?) og
það þýddi ekkert að rífast í sér. Hún
kvaðst ekki geta náð í hina stúlkuna
í síma og eigandinn væri ekki í
bænum. Að sjálfsögðu var ég mjög
óanægð með þessa þjónustu, því ég
man þá tíð þegar kaupmennirnir
þjónuðu sínum viðskiptavinum vel
og höfðu að máltæki „kúnninn hefur
alltaf rétt fyrir sér“ enda héldu kaup-
menn sínum viðskiptavinum ár eftir
ár og fóra ekki á hausinn eins og
tíðkast í dag.
í þriðja sinn gerði ég mér ferð í
skóverslunina til að vitja inneignar
minnar þar. Þá voru báðar stúlkurn-
ar að vinna. Þegar ég spurði um
skóna, rauk sú yngri til - sú sem
hafði sýnt mér dónaskap áður, inn
fyrir afgreiðsluborðið, tók plastpok-
ann með skónum og slengdi honum
á borðið, sagðist eiga að skila því
til mín frá eigandanum að ég ætti
að taka skóna aftur. Ég tók við
pokanum og bað stúlkuna að skila
því til eigandans að ég færi með
þetta í blöðin til að vara fólk við því
að kaupa þessa skótegund, þakkaði
fyrir „góða“ þjónustu og fór mína
leið.
Þessir skór eru til í svörtu, brúnu
og gráu, er stillt út í glugga og
kosta 1490 krónur parið. Þeir eru
með X-bandi yfir rist.
Sæunn Ragnarsdóttir
Víkveiji skrifar
Helgi Sigurðsson, dýralæknir,
hafði samband við Víkveija
vegna skrifa fimmtudags Víkveija
um þolreið, sem hestamenn þreyttu
um síðustu helgi frá Laxnesi í Mos-
fellsdal til Þingvalla og til baka.
Kom þar fram að Víkveija fimmtu-
dagsins hugnaðist ekki keppni af
þessu tagi og hafði hann áhyggjur
af ástandi hestanna. Helgi Sigurðs-
son sagði þessar áhyggjur óþarfar
með öllu. Vel væri hugsað um heil-
brigði hestanna í þolreiðinni. Þeir
væru skoðaðir af dýralækni áður
en keppni hæfist og aftur hálftíma
eftir að þeir kæmu í mark. Meðal
annars væri þá púlsinn tekinn og
ef hann væri ekki kominn niður í
68 slög á mínútu væri viðkomandi
knapi dæmdur úr leik, þvi þá væri
ljóst að hann hefði ofgert hestinum.
Éf púlsinn væri undir 68 slögum
en yfir 55 fengi knapinn refsistig.
Helgi segir að hér áður fyrr hefði
ekki þótt neitt tiltökumál að ríða
einhesta austur í Flóa og til baka
enda hefðu íslensku hestarnir þá
almennt verið í betri þjálfun en nú.
Allir hestarnir í keppninni um helg-
ina hefðu hins vegar verið í góðri
þjálfun ekki síður en knáir kylfing-
ar eða fráir fótboltafolar svo ein-
hveijar aðrar íþróttagreinar séu
tíndar til.
Sá Víkveiji, sem hér stingur nið-
ur penna, tekur undir með Helga
Sigurðssyni og er reyndar þeirrar
skoðunar að Víkveija fimmtudags-
ins láti betur að skrifa um einhverj-
ar aðrar íþróttir en hestamennsku.
Hann virðist til dæmis vera sann-
kallaður Perluvinur knattspyrnunn-
ar.
X X X
Ifrétt í Morgunblaðinu var sagt
frá því að Vegagerðin væri í
óða önn að bæta ástand ýmissa
þjóðvega fyrir mestu ferðahelgi árs-
ins. Það eru gleðifréttir en Víkveiji
saknaði þess úr þessari frétt að
greint væri frá því hvaða áform
vegagerðin hefði um úrbætur á
veginum um Laugardal og Bisk-
upstungur. Sennilega eru fáir veg-
arkaflar utan hringvegarins jafn-
fjölfarnir, því um hann liggur með-
al annars leið þeirra sem fara um
Laugarvatn að Gullfossi og Geysi.
Hins vegar hefur ástand þessa
malarvegar verið til hreinnar
skammar og hvorki bjóðandi heima-
mönnum né þeim mikla fjölda er-
lendra og innlendra ferðamanna
sem þarna fara um.
Fyrir verslunarmannahelgina
hafa Laugvetningar verið að reyna
að laða á tjaldstæði sín fjölskyldu-
fólk en viðbúið er að ástand þessa
vegarkafla verði ekki til að leggjast
á sveifina með þeim í þeirri við-
leitni. Fullyrða má að vegurinn
verði ekki til að efla ferðaþjónustu
á þessum slóðum. Kannski er það
ískalt mat samkvæmt lögmálum
fyrirgreiðslupólitíkur sem liggur að
baki því að ekki hefur verið bætt
úr. Atkvæði tiltölulega fárra íbúa
vega ekki þungt og skammvinn
óþægindi aðkomumanna, innlendra
og erlendra, eru kannski ekkert til
að hafa áhyggjur af.