Morgunblaðið - 21.09.1997, Blaðsíða 2
2 SUNNUDAGUR 21. SEPTEMBER 1997
MORGUNBLAÐIÐ
FRÉTTIR
Aldraðir
í leikfimi
í Víkinni
LEIKFIMI fyrir aldraða sem
boðið er uppá í Víkinni, íþrótta-
húsi Víkings í Reykjavik, er að
hefjast og voru um fimmtíu
manns í fyrsta tímanum í liðinni
viku. Félag eldri borgara í
Reykjavík býður í samvinnu við
Reykjavíkurborg upp á reglu-
lega leikfimitima á vetri kom-
anda.
mm r . . .mh Ulfr t
~ ' feLágíí M Dfili
jKr .JmS
Fyrirhuguð sala á 25% hlut í Sementsverksmiðju ríklsins á Akranesi
Heimamenn hafa fengið
vilyrði fyrir forkaupsrétti
IÐNAÐARRAÐHERRA hefur veitt
Akraneskaupstað vilyrði fyrir for-
gangsrétti að þeim 25% hlut ríkisins
í Sementsverksmiðju ríkisins sem
ráðgert er að selja á árinu, sam-
kvæmt fjárlögum. Akraneskaup-
staður vinnur nú að könnun á
möguleikum á stofnun eignarhalds-
félags um kaupin. Fjármálafyrir-
tækið Pjárvangur hefur metið
nettóverðmæti Sementsverksmiðj-
unnar á 600 milljónir króna og hef-
ur þá m.a. verið tekið tillit til 240
milljóna króna lífeyrisskuldbindinga
verksmiðjunnar og þær færðar frá
ríkinu til hennar.
Finnur sagði að legðist Sements-
verksmiðjan af gæti það haft afger-
andi áhrif á atvinnulíf á Akranesi.
„Ég vil eiga gott samstarf við
heimamenn um hvemig að þessari
sölu verði staðið," segir Finnur. „Ég
hef boðið Akurnesingum upp á að
þeir gangist fyrir því að stofna eign-
arhaldsfélag um rekstur Sements-
verksmiðjunnar og að það verði síð-
an gengið til samninga við þann
hóp um að eignast hlut í Sements-
verksmiðjunni, 25% eða annað.“
Fjárfestar á heimaslóð
„Aðalhugsunin er að það verði
hópur fjárfesta á heimaslóð sem
hafa áhuga á því að reka fyrirtæk-
ið með arði, eins og ríkið gerir núna,
og tryggja að verksmiðjan haldi
áfram starfsemi. Núna, eftir fund
sem ég átti með fulltrúum bæjar-
stjórnar fyrir stuttu, hefur niður-
staðan orðið þessi að þeir vita vilja
minn til að standa svona að þessu
og þurfa að leita að fjárfestum inn
í fyrirtækið sem hafi það að megin-
markmiði að reka fyrirtækið áfram
í óbreyttri mynd á Akranesi," sagði
Finnur.
Ráðherra sagði að heimild flár-
laga tæki til sölu á 25% hlut í fyrir-
tækinu og hann hefði ekki ákveðið
að leita eftir neinu frekar. „Verði
það hins vegar niðurstaðan út úr
viðræðum Akurnesinga að það komi
einhver að sem vilji eignast meira
en þetta, og í framhaldi af því telji
menn rétt að setja fyrirtækið á
markað, þá er það hlutur sem við
munum skoða.“
Fram hefur komið að Akurnesing-
ar hafa gert kröfu til lóðagjalda-
greiðslu aftur í tímann en Finnur
sagðist hafa hafnað því algjörlega
fyrir hönd ríkisins en hafa samþykkt
að setja málið í nefnd þriggja manna
til að fara yfir stöðu þess og meta
hvort sú afstaða sín væri ósann-
gjöm. Af og frá væri hins vegar að
tala um að sú nefnd væri gerðardóm-
ur, eins og haft var eftir forseta
bæjarstjómar Akraness í Morgun-
blaðinu nýlega. „Það er alveg skýrt
af minni hálfu að ég hef hafnað
þessum kröfum," sagði Finnur.
Sagt upp rétt
áður en fæðing-
arorlof hófst
BLIKKSMIÐI, sem ætlaði að taka
fæðingarorlof frá 1. september sl.,
var sagt upp störfum í lok ágúst.
Formaður Félags blikksmiða segir
að lögmaður félagsins hafi gefið
fyrirtækinu frest til að afturkalla
uppsögn mannsins. Eftir því sem
næst verður komist er þetta í fyrsta
skipti sem reynir á rétt feðra til
fæðingarorlofs með þessum hætti.
Einar Gunnarsson, formaður
Félags blikksmiða, sagði að blikk-
smiðurinn hefði haft samband við
félagið fljótlega eftir að hann ósk-
aði eftir að taka fæðingarorlof, því
framkvæmdastjóri blikksmiðjunn-
ar sem hann starfaði hjá hefði tek-
ið dræmt í beiðni hans. Kona
mannsins var hins vegar að hefja
nám nú í haust og vildi maðurinn
ekki falla frá rétti sínum til fæðing-
arorlofs.
Samkvæmt lögum um fæðingar-
orlof nr. 57 frá 1987 eiga foreldrar
rétt á sex mánaða fæðingarorlofí
og geta skipt þeim tíma með sér.
Tekið er fram að faðir, sem ætlar
að taka hluta fæðingarorlofs, skuli
tilkynna atvinnurekanda það með
21 dags fyrirvara og jafnfrarnt hve
lengi hann verði frá störfum. í lög-
unum er einnig tekið fram, að
óheimilt sé að segja foreldrum í
fæðingarorlofi upp störfum.
Blikksmiðurinn hugðist taka níu
vikna orlof frá og með mánudegin-
um 1. september. Föstudaginn 29.
ágúst fékk hann hins vegar afhent
uppsagnarbréf.
Öðrum til viðvörunar
Einar Gunnarsson kvaðst hafa
krafið fyrirtækið skýringa, en feng-
ið þau svör að hugsunarháttur
mannsins samrýmdist ekki þeim
hugsunarhætti sem ríkjandi væri í
fyrirtækinu, án þess að það væri
skýrt nánar. „Maðurinn hefur stað-
ið sig vel í starfi og honum verið
falin ýmis ábyrgð. Ég get ekki ann-
að en litið svo á að uppsögn hans
sé öðrum starfsmönnum til við-
vörunar," sagði Einar.
Lögfræðingur Félags blikksmiða
ritaði fyrirtækinu bréf og gaf því
tíu daga frest til að draga uppsögn
mannsins til baka. Sá frestur renn-
ur út á þriðjudag.
Helgarskammtur a einu kvöldi
LÖGREGLAN í Reykjavík þurfti
að hafa afskipti af óvenjumörgum
ölvuðum ökumönnum á föstudags-
kvöld og fram á nótt.
Á þessum tíma voru tólf stöðvað-
ir fyrir ölvun við akstur og sá þrett-
ándi bættist við í gærmorgun. Lög-
reglan segir að þetta sé „helgar-
skammtur" af ölvuðum ökumönn-
um.
Varðstjóri hjá lögreglunni sagði
mjög alvarlegt hve margir settust
ölvaðir undir stýri. Hann sagði að
eftir þessa reynslu yrði lögreglan
enn virkari en áður í að leita uppi
ölvaða ökumenn.
Morgunblaðið/Ásdís
Fjölbreytni í íjöruferð
BÖRNIN á Krílakoti í Ólafsvík Margt er skoðunarvert í fjörunni
voru nýlega í fjöruferð við bæinn og þar getur að líta fjölbreytilegt
ásamt leikskólakennurum sínum. dýralíf þegar vel er að gáð.
Úr skúffu á stall
►Seðlabanki íslands hefur verið
musteri íslenskrar efnahagsstjórn-
ar í nær fjóra áratugi. /10
SPD leitar
inn á miðjuna
►Þýskir jafnaðarmenn leggja í
kosningabaráttu með nýja stefnu-
skrá og nýjar áherslur. /12
Esjustelpurnar
► Sögulegur bakgrunnur kvik-
myndarinnar „Maríu“ er koma
þýskra landbúnaðarverkamanna
til íslands. /20
Laugafiski vex
fiskur um hrygg
►í Viðskiptum/Atvinnulífi á
sunnudegi er rætt við Lúðvíg Hall-
dórsson, framkvæmdastjóra
Laugafisks í Reykjadal. /26
B
► 1-24
Á grundvelli
rökhugsunar
►Jón Sigurðsson hefur verið ráðu-
neytisstjóri í fjármálaráðuneyti og
framkvæmdastjóri Járnblendi-
verksmiðjunnar. /1
Landnám aftur á bak
►Stig Torvund átti stóran þátt í
sameiningu Strengs og hins norska
Infostream. /6
Ég verð aldrei rík
►Kolbrún Björgólfsdóttir, betur
þekkt sem Kogga, er ein fremsta
leirlistakona landsins. /8
c
FERDALOG
► 1-4
Hjólaferð á vit
náttúru og listar
►Danmörk er kjörland reyndra
og óreyndra hjólreiðamanna. /2
Töfrar hafanna
í Sundahöfn
►Stærsta skemmtiferðaskip sem
hingað hefur komið. /4
D BÍLAR_________________
► 1-4
Nissan Patrol
►Fimmta kynslóð Nissan Patrol
var frumsýnd í Frankfurt. /1
Nýr Mazda 626
►Nýr Mazda 626 var kynntur hjá
Ræsi í Reykjavík. /4
Eatvinna/
RAÐ/SMÁ
1-16
Verkef nastjórar f á
alþjóðlega vottun
►Fyrstu íslensku verkefnastjór-
amir vora nýlega vottaðir sam-
kvæmt kröfum IPMA. /1
FASTIR ÞÆTTIR
Fréttir 1/2/4/8/bak Bríds 42
Leiðari 28 Stjömuspá 42
Helgispjall 28 Skák 42
Reylqavíkurbréf 28 Fðlk í fréttum 46
Skoðun 30,31 Bíó/dans 51
Minningar 32 Útv./sjónv. 45,54
Myndasögur 40 Dagbók/veður 55
Bréf til blaðsins 40 Dægurtónl. 20b
Hugvekja 42 í dag 42 Mannlifsstr. 21b
INNLENDAR FE 2-4-8-BAK .ÉTTIR:
ERLENDAR FRÉTTIR: 1&6