Norðurljósið - 01.01.1986, Qupperneq 18

18
NORÐURI.JÓSIÐ
nokkum stað í heimi þar sem Drottinn mundi vera sýnilegri,
talandi við mann en í þessum fátæklegu kringumstæðum á
heimili okkar.
Ég er þess fullviss, að þótt fyrir mig kæmi eitthvert
óhugsanlegt slys, þannig að allt trúarlegs eðlis þurrkaðist út
úr minni mínu, þá myndi sála mín leita aftur til bernsku-
minninganna, inn í helgidóminn, ég myndi enn heyra áköll
föðurs míns bergmála, biðja til síns himneska föður. Ég er
þess fullviss að það myndi hafa þau áhrif á mig að öll vantrú
hyrfi og kall mitt mundi hljóma: „Hann lifði með Guði. Af
hverju get ég það ekki líka?“
Á sautjánda aldursári sínu varð faðir minn fyrir ákveðinni
andlegri reynslu, sem hafði þau áhrif á hann, að frá þeim
degi fylgdi hann Drottni Jesú Kristi ákveðið og opinberlega.
Á hverjum morgni og á hverju kvöldi, allt til hinsta dags,
las hann kafla úr Biblíunni. Mjúka röddin hans heyrðist
syngja með þegar sungið var og varir hans hreyfðust yndis-
lega þegar hann bað morgun og kvöldbænir sínar, á meðan
blessunaróskir hans féllu eins og lífgefandi dögg yfir höfuð
allra barna sinna. Seinna voru mörg þeirra stödd langt í
burtu frá heimilinu, dreifð yfir jörðina, en hann átti fund við
þau öll þarna fyrir framan náðarhásætið. Enginn okkar getur
munað eftir nokkrum degi, að þessari athöfn væri sleppt.
Ekkert gat hindrað það, hvort sem hann þurfti að flýta sér til
markaðarins eða miklar annir væru í vinnunni, hvorki koma
vina eða gesta, hvorki ónæði eða spenna, sorg né gleði gat
nokkurn tíma hindrað hann frá því að safna okkur fjöl-
skyldunni saman, þar sem við krupum öll, eins og kring um
altari, og þarna bar hann bænir okkar allra fram fyrir Guð
eins og hann fórnfærði sjálfum sér þarna svo og börnum
sínum.
Fordæmi þetta var öðrum til blessunar ekki síður en okk-
ur. Kona nokkur, þekkt sem syndsamlegasta konan í bæn-
um, en seinna meir frelsuð af Guðs náð, vitnaði nokkrum
árum seinna, að hið eina sem hélt henni frá að fyrirfara sér
var, að á dimmum vetrarkvöldum var hún vön að laumast að
glugga föður míns til að hlusta á hann. Hún heyrði hvernig
hann barðist í bæninni fyrir fjölskyldu sinni og þar að auki