Norðurljósið - 01.01.1986, Page 55

NORÐURI .JÓSIÐ
55
Drottinn hefir sent mér — öllum til góðs, til að brjóta niður
vilja minn í öllum mögulegum kringumstæðum.“
„Hvað er hjarta þitt, penni þinn, tunga þín, að gjöra?
Eru þau að taka á móti, staðfesta og útbreiða sannleikann
alls staðar í þínu umhverfi? Ert þú dauður fyrir lofgerð eða
lasti? Ertu fús að vera álitinn heimskingi?
Varaðu þig vinur minn á heiminum, láttu ekki áhyggjur
eða vélræði auðæfanna halda þér eða draga þig frá Jesú.
Tíminn flýgur. Ár nægtanna og ár skortsins, friðar og stríðs,
hverfa frammi fyrir eilífðinni, sem við erum öll að flýta
okkur til. Mættum við nú sjá hina hraðfleygu sendingu tím-
ans og við munum horfa fram á dauðastundina. Mættum við
verða gerð fær um að sigra vorn „síðasta óvin.“ Kristur hefir
fullkomlega sigrað hann og fyrir sigur höfuðsins geta hinir
lifandi meðlimir orðið fullkomnir sigurvegarar.“
„Drottinn varðveitir mig, hann vegur mig á skálum lífs og
dauða. Ég treysti honum til að velja. Hann veit langtum
betur en ég hvað best er og ég fel það hans óskeikula vís-
dómi.“
„Ef sjúkdómur er bestur fyrir oss, hví skyldum vér umflýja
hann? Állt er gott sem kemur frá Guði.
Ef Drottni þóknast þá getur hann á andartaki endurreist
styrk minn en hann þarfnast hvorki orms eða flugu. Ég
þakka honum fyrir að hafa varðveitt mig fullkomlega
undirgefinn vilja hans og rólegan á hinni hræðilegu stundu,
sem ég hefi farið í gegnum.“
„Ég fór til þess að sjá mann sem hefði annan fótinn í
gröfinni, en fann mann sem hafði annan fótinn í himninum.“
Var athugasemd manns er vitjaði hans í veikindum hans.
Bréf hans til sóknarbarna sinna frá þessum tíma var hin
allra dýrmætasta heimild skrásett af ævisöguhöfundum
hans.
„Skjögrandi stend ég á grafarbarminum, sum af ykkur sem
sýnast langt frá því geta fallið í hana á undan mér.
Við skulum því allir vakna af svefni og undirbúa okkur
undir nálæga breytingu. Gefum sjálfum okkur enga hvíld
fyrr en von okkar hvílir á grundvelli fagnaðarerindisins svo
að hin mikla breyting verði okkur hamingjurík.“