Norðurljósið - 01.01.1986, Page 77

NORÐURIJÓSIÐ
77
Presturinn gat ekki látið vera að segja, „Herramaður!“ „Já,
herramaður er hann, þó að hann hafi lifað hér í svo fátæk-
legum stað, þá er hann raunverulegur heldri maður, sérhver
maður getur sagt sér að hann hefir séð betri daga. Ég skil ekki
mál hans því að hann er útlendingur, ég held helst að hann sé
franskur, ekki það að hann hafi nokkru sinni sagt það við
mig, þó að ég fari inn til að gera það sem hann þarfnast, en
eins og ég sagði áður, sérhver má vita að hann hafi litið betri
daga.“
Presturinn yfirgaf þessa skrafhreifnu fræðandi konu, og
eftir að hafa barið á dyrnar sem hún benti á, opnaði hann
hægt og gekk inn.
Hvíthærður, gamall maður sat á tréstóli, eins nærri og
mögulegt var, þeim litla eldi, sem brann þar. Þegar hann sá
gestinn reyndi hann að rísa á fætur, en hann var ekki fær um
það af því að hann var lamaður. Hann hneigði sig bauð
honum að taka sæti, eins kurteislega og hann hefði verið í
glæsilegu stórhýsi.
Presturinn sagði honum á frönsku, að hann hefði heimsótt
hann til að láta í ljós samúð sína með honum. Þó að hann
væri ókunnur þá vonaðist hann til að hann mundi leyfa sér
að sýna honum vingjarnleik sem útlendingi í þessu landi.
Vesalings maðurinn fór að gráta og eftir að hafa þakkað
honum vingjarnlega sagði hann honum að hann væri
franskur aðalsmaður. Hann sagði að hann hefði komið til
Lundúna með aðeins fáa skildinga í vasanum og hann hefði
unnið fyrir sér með því að kenna frönsku, en það væru svo
margir af landsmönnum sínum, sem væru eins aumstaddir
og hann sjálfur og háðir því að geta kennt sér til viðurværis.
Þeir gátu ekki allir fengið vinnu og þeir ungu voru teknir
fram yfir hina eldri, svo að hann gat ekki unnið sér inn nógu
mikið til að halda sér frá fátækt. Hann sagði honum einnig
að hann væri orðinn veikur af ofkælingu og skorti á viðeig-
andi fæðu og vegna þess að hann hafði ekki peninga fyrir
gistingu í gistihúsi, þá hafði hann yfirgefið það til þess að
leigja þarna þetta hörmulega herbergi.
Finnur þú ekki til með þessu útlæga göfugmenni? Hve
beisklega hlýtur hann að hafa fundið fyrir breytingunni!