Norðurljósið - 01.01.1986, Side 79

NORÐURLJÓSIÐ
79
eilífð og varð fátækur maður og lifði í fátækt þrjátíu og þrjú
og hálft ár.
Það voru miklir erfiðleikar fyrir franska greifann að skipta
á höllinni sinni fyrir þakherbergi og hinum tignu félögum
sínum fyrir fátæktina í Lundúnum. En hvað var það hjá því
að skipta á himni fyrir jörðina, á hljómlist englanna til að
hlusta á stunur sjúkra og aumstaddra, frá heilagleika þeirrar
veraldar þar sem engin synd er, til hóps hinna aumustu,
tollheimtumanna og syndara.
Nú munt þú sjá, hvers vegna ég sagði þér söguna af greif-
anum. Það var til að sýna ykkur náð Drottins vors Jesú Krists
sem gjörðist fátækur vor vegna til þess að vér auðguðumst af
fátækt hans.
En það var þessi mikli mismunur á milli franska greifans
og Jesú, að greifinn var þvingaður inn í fátæktina en Jesús
valdi hana. Greifinn hugsaði aðeins um sjálfan sig í því að
yfirgefa heimili sitt. Jesús hugsaði um þig og mig.
Það hafa verið manneskjur sem fúslega hafa þolað þján-
ingar til þess að gera öðrum gott. Ég skal segja þér eitt dæmi.
Þú skilur hve holdsveikin er hræðilegur sjúkdómur. I
sumum heitu löndunum geisar hún svo hræðilega, að fólkið
vill ekki leyfa holdsveikum manni að sjást á götunum eða að
búa hjá vinum sínum, en allir þeir, sem erum holdsveikir, eru
neyddir til að fara og lifa í stórum sjúkrahúsum utan við
borgina, sem eru kölluð Lasarhús.
Þegar vesalings holdsveikur maður var einu sinni genginn
inn milli hárra veggja þessarra Lasarhúsa, þá vissi hann að
hann færi aldrei þaðan aftur til heimsins og að hann yrði að
lifa og deyja meðal hinna holdsveiku eins og hann sjálfur
var, án vonar um lækningu.
Tveir Móravía kristniboðar hugsuðu mikið um þetta
hryggilega ástand þessara vesalinga í einu af þessum Lasar-
húsum. Þeir þráðu að prédika þeim fagnaðarerindið. Þeim
fannst það svo sorglegt að loka þá þarna inni og láta þá deyja,
án þess að reyna að frelsa sálir þeirra. En engum var leyft að
fara inn fyrir veggina á þessu holdsveikrahæli, að minnsta
kosti ef hann færi inn, yrði hann að vera þar svo lengi sem