Ársrit Hins íslenska fræðafjelags í Kaupmannahöfn - 01.01.1918, Side 43

Frá Irlandi
43
Frá írlandi
fyrrum ogf nú.
írar fundu ísland fyrstir, en þeir ljetu lítið yfir landa-
fundi sínum, því að þeir óttuðust rán og ófrið norrænna
víkinga á þeim tímum, Feir komu því eigi af stað nein-
um fólksflutningi þangað og námu eigi landið. En við
og við sigldu írskir kennimenn til íslands og dvöldu þar
jafnvel árum saman, en því nær ekkert er kunnugt um
ferðir þeirra, nema að nokkrir þeirra voru á Islandi í lok
9. aldar, er Norðmenn tóku að byggja landið. Hins veg-
ar höfðu írar áhrif á ýmsa af landnámsmönnum fslands,
því að margir þeirra höfðu dvalið á írlandi, giftst írskum
konum og kynst írskutn siðum, áður en þeir fóru tii ís-
lands. Nokkrir þeirra höfðu og tekið kristna trú á ír-
landi og kynst meira eða minna menningu fra. Einnig
fóru nokkrir írar, bæði karlar og konur, með hinum nor-
rænu landnámsmönnum til íslands, reistu þar bæi og
settust þar að. írar hafa því í upphafi haft töluverða
þýðingu fyrir íslendinga, en þó hefur harðla lítið verið
ritaö um írland á íslensku, og saga íra, menning og hin
mikla þýðing þeirra á miðöldunum má því heita með öllu
ókunn á íslandi. Á 10. og 11. öld var þessu eigi svo
farið, því auk þess sem sumir landnámsmennirnir hafa
sagt tíðindi af írlandi og af landskostum þess, voru þá
nokkrar samgöngur á milli íslands og írlands. Sumir
íslendingar sigldu þá til írlands, og hafa sjeð þar sitt-
hvað, sem þeir höfðu áður heyrt getið. þeir hafa sjeð
hina írsku munka og klerka, skáld og sagnamenn. Pótt
þeir fæstir hafi skilið tungu íra, hefur þeim þó frá önd-
verðu verið kunnugt um, að írar hjeldu uppi sögu for-
feðra sinna og ætterni sínu, og að þeir höiðu hina bestu
skemtun af sögum og kvæðum.