Ársrit Hins íslenska fræðafjelags í Kaupmannahöfn - 01.01.1918, Side 131

Carl Joakim Brandt
»31
f’rótturinn þver,
þyrlast með árunum burt eins og ský.
Guðsríki getur
grandað ei haust eða vetur.
4. Tendraða trú,
talar svo barnglöð, hálf-feimin þó enn.
Þýðlega þú
því heilsar lífi, sem nýir fá menn.
Mikils — til meira
muntu þó sjá fá og heyra.
5. Fram á við fljótt!
fjallið hið dýrlega blasir við hátt.
Upp á við ótt!
óðara vex þú, er hjer stóðst svo lágt.
Blítt muntu brosa
búinn við stríð þig að losa.
I fyrra sumar var baldin hundrað ára minning Brandts,
og hefði þá átt að skrifa um hann í íslensk blöð.
Prófessor Ronning, tengdasonur Brandts, hefur skrifað
bók um hann (210 bls.) og látið fylgja úrval af ljóðum hans.
Þeir landar, sem vilja kynnast þessum merka manni nánara,
ættu að ná sjer í þá bók. Ingibjörg Ólafsson.
Dansk-íslenskt fjelag. Fjelag þetta var stofnað í
byrjun ársins 19 16; voru upptökin til þess tillaga ein frá frú
A. Stampe Feddersen, einni af hinum mestu merkiskonum, sem
nú eru uppi í Danmörku, um að stofnað væri fjelag til þess
að breiða út meðal Dana þekkingu á íslandi. Frú Stampe
Feddersen hefur frá bernsku unnað íslandi. Hún er af einni
hinni bestu ætt í Danmörku, er nú ekkja eftir stiftamtmann
Feddersen og formaður eins hins helsta kvennfjelags í Dan-
mörku, »Dansk Kvindesamfund*.
Fyrir stofnuninni gengust þeir mest sjera Arne Möller og
rithöfundur Áge Meyer Benedictsen. Aðrir aðalstofnendur fje-
lagsins eru þeir ríkisráðgjafi C. Ih. Zahle og prófessor Finnur
fónssoíi; munu þeir sjera Möller hafa fengið þá í lið með sjer;
er ríkisráðgjafinn allra ráðgjafa frjálslyndastur gagnvart Islandi.
Tilgangur fjeiagsins er að breiða út þekkingu á íslandi
meðal Dana og á Danmörku á meðal íslendinga. Fjelagið
mun leita samvinnu við fjelög með samskonar tilgangi á ís-
landi og öðrum norrænum löndum.
Fjelagið gefur sig ekkert að landsstjórnarmálum. Minsta
árstillag er 2 kr., en þeir, sem vilja greiða meira, gjalda 4
eða 6 kr. o. s. frv.
9