Ársrit Hins íslenska fræðafjelags í Kaupmannahöfn - 01.01.1918, Page 146

46
Um að verða fjelagi í Fræðafjelaginu
eitt skifti fyrir öll í hinn fasta sjóð fjelagsins eða 10 kr. ár-
lega í sex ár, ef þeir kjósa það heldur. Þetta gjald er eigin-
lega ekki annað en nokkurs konar innritunargjald í sjóð, sem
aldrei má skerða og aðallega er stofnaður eftirmönnum vorurrt
til hægðarauka og styrktar. En aðalgjald fjelagsmanna eru
störf þeirra ókeypis eða fyrir lítið kaup í fjelagsins þarfir og
tillög af frjálsum vilja til fjelagsins, er svo ber undir. Jeg
tek eigi of djúpt í árinni þótt jeg segi, að alt þetta nemur
mörgum hundruðum króna að meðaltali á hvern mann í fje-
laginu í þau sex ár, sem það hefur nú staðið. í’að gerir
enginn, svo að segja með tvær hendur tómar, að stofna bóka-
útgáfufjelag í svc fámennu þjóðfjelagi sem hinu íslenska og
framkvæma á jafnstuttum tíma það, sem Fræðafjelagið hefur
gert, og það sumt í hinni mestu dýrtíð, ef eigi er lagt tölu-
vert í sölurnar.
Auðvitað fá fjelagar Fræðafjelagsins ókeypis allar þær
bækur, sem fjelagið gefur út á meðan þeir eru í því; en
skyldi nokkur maður á íslandi vilja greiða t. a. m. 500 kr.
æfitillag til Fræðafjelagsins og fá í staðinn bækur þær, sem
það gefur út á meðan hann er uppi? Jeg býst eigi við því.
En þá er hitt atriðið, hvernig hægast er fyrir menn á
íslandi að eignast bækur Fræðafjelagsins.
í>að er með því að kaupa þær hjá umboðsmönnum
Fræðafjelagsins á íslandi, og gera það sem fyrst, jafnóðum
og þær koma út. Sumar þeirra eru seldar fyrir hálfvirði og
sumar fyrir hjer um bil þriðjung verðs fyrst eftir að þær
koma út, bæði til þess að allur almenningur geti eignast
þessar bækur með afarlágu verði og til þess að hinir tryggu
viðskiftamenn Fræðafjelagsins geti eignast rit þess með sem
bestu verði. En þegar nokkur tími er liðinn frá útkomu bók-
anna, gengur bókhlöðuverðið í gildi, og úr því er eigi hægt
að fá þær fyrir lægra verð. Það eru margir menn, sem
kaupa alt, sem Fræðafjelagið gefur út, og þeir fá þessi rit
þess með áskrifenda verði, ef þeir snúa sjer í tíma til um-
boðsmanna fjelagsins eins og flestir þeirra gera. Af sumurn
bókum Fræðafjelagsins er upplagið svo lítið, að fjelagið getur
ekki seit þær með lægra verði í fyrstu en bókhlöðuverði,
enda er það eigi nauðsynlegt, því að þær bækur eru eigi
mjög stórar.
Tvö rit Fræðafjelagsins, sem eru nauðsynleg hverjum al-
þýðumanni á íslandi, erú seld svo ódýr, að ekki eru
dæmi til slíks á íslandi. í>að er Arsrit Fræðafje-
lagsins og Orðakver (stafsetningarorðabók) Finns Jóns-