Morgunblaðið - 07.12.2001, Qupperneq 13

FRÉTTIR
MORGUNBLAÐIÐ FÖSTUDAGUR 7. DESEMBER 2001 13
Meðlagsgreiðendur!
Vinsamlegast gerið skil hið fyrsta
og forðist vexti og kostnað

 

  
●    ●    
●  ●    
●  !"#$
# ● #% &&
●  ' (# ) ' &*+*,
MÆÐRASTYRKSNEFND, Hjálp-
ræðisherinn og Hjálparstarf
kirkjunnar fengu á fimmtudag
úthlutað samtals 5 milljónum úr
Pokasjóði verslunarinnar. Þetta
er í fyrsta sinn sem Pokasjóð-
urinn styrkir önnur verkefni en
þau sem lúta að umhverfismálum.
Í úthlutuninni hlaut Mæðra-
styrksnefnd 2 milljónir króna til
að veita aðstoð á höfuðborg-
arsvæðinu, Hjálparstarf kirkj-
unnar hlaut einnig 2 milljónir til
að veita aðstoð á landsbyggðinni
og Hjálpræðisherinn hlaut eina
milljón til sinnar jólahjálpar.
Pokasjóður verslunarinnar,
sem áður hét Umhverfissjóður,
var stofnaður 1. október 1995 og
hafa framlög í sjóðinn verið
óbreytt frá upphafi, eða 3,50
krónur af hverjum seldum burð-
arpoka. Nýlega var ákveðið að
hækka framlög af hverjum poka
upp í 7 krónur og munu úthlut-
anir því hækka úr 30 milljónum í
70-80 milljónir árlega. Jafnframt
hafa nýjar verslanir gengið til
liðs við sjóðinn að undanförnu og
má þar nefna Bónus, Fjarðarkaup
og 10-11. Í stað einnar úthlutunar
á ári verður framvegis úthlutað
oftar auk þess sem fleiri mála-
flokkar en umhverfismál verða
styrktir hér eftir.
Ekki er ljóst hvaða áhrif þessar
breytingar munu hafa á út-
söluverð burðarpoka en í frétta-
tilkynningu frá Pokasjóði segir
að hverri verslun sé í sjálfsvald
sett á hvaða verði hún selur pok-
ana. Hins vegar er á það bent að
tæp 20 prósent af söluverði hvers
poka er virðisaukaskattur.
Bjarni Finnsson, formaður stjórnar Pokasjóðs verslunarinnar, afhendir
styrkina. Við þeim taka Ásgerður Jóna Flosadóttir, formaður Mæðra-
styrksnefndar, Knut Gamst hershöfðingi, yfirmaður Hjálpræðishersins
á Íslandi, og Karl Sigurbjörnsson biskup.
Fimm milljónir króna úr
Pokasjóði til líknarmála
Á MORGUN, laugardag, hefst sala á
Verndarenglinum sem Götusmiðjan
stendur fyrir til styrktar meðferðar-
heimili Götusmiðjunnar á Árvöllum
á Kjalarnesi. Grunnskólanemar víða
á landinu eru tilbúnir í sölumennsk-
una, útbúnir nærri 20 þúsund engl-
um sem koma á út um helgina.
Verndarengillinn er lítið silfurlitað
barmmerki, framleitt á Siglufirði af
starfsfólki Götusmiðjunnar. Að sögn
Marsibilar Sæmundsdóttur, fram-
kvæmdastjóra Götusmiðjunnar og
hönnuðar engilsins, tók átta daga að
framleiða 20 þúsund engla úr 100 kg
af málmblönduðu tini og kostar hver
engill 1.000 krónur. Sala Vernd-
arengilsins er fjármögnunarleið til
að geta mætt aukinni aðsókn 18–20
ára ungmenna í meðferðarpláss á
Árvöllum en þessi aldurshópur
myndar nú langan biðlista, að sögn
Marsibilar. Götusmiðjan hefur þjón-
ustusamning við Barnaverndarstofu
um 13 rými fyrir 15–18 ára ung-
menni en erfiðlega hefur gengið að
fá fjármagn fyrir eldri hópinn. Von-
ast er til að sala engilsins skili
tekjum sem nægi til að bæta við 5
rýmum fyrir 18–20 ára skjólstæð-
inga Götusmiðjunnar.
Þetta er í fyrsta skipti sem Götu-
smiðjan stendur fyrir sölu Vernd-
arengilsins. „Við ákváðum að búa til
verndarengil því okkur langaði til að
skapa eitthvað táknrænt í minningu
þeirra sem hafa látist vegna vímu-
efnaneyslu,“ segir Marsibil. „Ef sal-
an gengur vel um helgina stendur
ekki á okkur að endurtaka leikinn að
ári og við vonumst svo sannarlega til
að undirtektir verði góðar.“
Til styrktar með-
ferðarheimili
Morgunblaðið/Golli