Íslendingaþættir Tímans - 03.08.1972, Blaðsíða 21

Sigurborg Guðlaug
Þorgilsdóttir
frá Kleifárvöllum
Kveðja frá æskuvinkonu
Við áttum margar unaðsstundir saman,
og aldrei gleymast fögur bernskuár.
Þá var lifið leikur mest og gaman,
við litið þekktum sorg og beiskjutár.
Svo breyttist margt er árin færðust yfir
og ótal skuggum brá á okkar leið,
en eitt er þó, sem ævinlega lifir,
það er hin forna minning björt og heið.
Ég kveð þig, Borga, bezta vinan góða
nú brosir við þér framtiðin á ný
Mig setti snöggvast hugdapra og hljóða,
en harmur fyrnist, liður burt sem ský.
Við hittumst aftur áður langt um liður
og lausnarinn á ströndinni hann biður.
Maria Óladóttir,
frá Ingjaldshóli.
Sigurborg Óskarsdóttir
fædd l(>/2. lílfli dáin 2:i/5, 1072.
Þessi fáu orð verða ekki nein
æviminning. aðeins kveðja og þakkir
til þin elsku frænka. Við eigum svo
margs að minnast frá þessum þó
stutta samveru-tima. sem ekki varð
nema 26 ár. Það er erfitt að sætta sig
við. að þú sért okkur horfin og við sjá-
um þig ekki framar koma á móti okkur
með brosið þitt bliða. sem alltaf var til
staðar. og alltaf vorum við boðin jafn
innilega velkomin á þitt heimili,
hvernig sem á stóð.
Við vissum. að þú gekkst ekki heil til
skógar s.l. 3 ár og varst oft sárþjáð. þó
aldrei væri kvartað. þvi þin stilling og
þitt sálarþrek var með eindæmum.
En nú er þrautin unnin. og þú sofn-
aðir svefninum langa með bros á vör-
um. þrátt fyrir miklar þjáningar. og er
islendingaþættir
það táknrænt fyrir þitt lif. Krakkarnir
okkar biðja fyrir þakkir til þin fyrir
ógleymanlegar ánægjustundir frá
æskuárunum, er þið áttuð oft saman i
Ási hjá afa og ömmu. Þá var æskan
undur björt og allir skuggar fjarri.
Við biðjum svo manni þinum og son-
um. foreldrum, systur og öllum, sem
þér vorur kærir, blessunar guðs. Við
vitum.að þau eiga svo bjartar minn-
ingar um þig, sem bera smyrsl á sárin
þó sætið þitt sé autt.
Fagur er faðmur foldar,
sem fagnar þérhöndum tveim,
og klukkur himnanna kalla,
komdu velkomin heim
í Guðs friði elsku Bogga min.
Anna og Friðrik.
21