Fréttablaðið - 27.05.2006, Blaðsíða 30

27. maí 2006 LAUGARDAGUR30
■ FÖSTUDAGUR, 19. MAÍ
Tvær flugur í einu höggi
Í dag keypti ég handsláttusláttu-
vél. Í næsta húsi, Vinaminni, er
til sláttuvél með bensínmótor. Því
miður hefur mér aldrei tekist að
ná góðu sambandi við þá háværu
og daunillu maskínu. Um hand-
sláttuvélina gegnir öðru máli.
Hún lék í höndunum á mér meðan
hún brenndi á hljóðlátan hátt þeim
hitaeiningum sem héldu að þær
væru komnar í örugga framtíðar-
vist hangandi framan á maganum
á mér. Trúlega er þetta kallað að
slá tvær flugur í einu höggi.
■ LAUGARDAGUR, 20. MAÍ
Rétt hleðsla
Þetta hefur verið stífur dagur.
Sennilega verð ég að
slá garðinn daglega
til að verjast
þeim hitaein-
ingum sem
sitja um
mig við
hvert fót-
mál.
Í morgun fórum við í ferming-
arathöfn í Fáskrúðarbakkakirkju
á Snæfellsnesi. Það var falleg
athöfn hjá séra Guðjóni Skarphéð-
inssyni og engin hætta á að Ingi-
björg Sædís vinkona okkar gleymi
fermingarsystkinum sínum
því að hún var eina
fermingar-
barnið.
Svo tók við
glæsileg ferming-
arveisla.
Kúnstin í
veislum er að
setja saman rétta
hleðslu og byrja á
hinum ósykruðu
kræsingum sem
mynda nauðsyn-
leg forhlað. Sé forhlaðið rétt
saman sett hefur maður betra
rými fyrir sjálft sprengiefnið,
hnallþórur og hvers konar sæta-
brauð.
Þetta er kennt í guðfræðideild-
um við alla betri háskóla sem og
tertuskurður.
Ég ók rólega í bæinn til að gefa
meltingarfærunum ráðrúm til að
undirbúa næstu lotu. Það var stúd-
entsveisla, Jón Þór, frændi okkar
var að setja upp hvíta kollinn. Þar
leið tíminn í dýrlegum fögnuði þar
til tími var kominn til að fara heim
og horfa á Evróvisjón, en sú hátíð
hefur verið mér hugleikin allt frá
því ég var í Dyflini árið 1970 þegar
írska mærin Dana vann frægan
sigur með laginu „All Kinds of
Everything“ sem allir kunna.
■ SUNNUDAGUR, 21. MAÍ
Gjaldþrot og þung-
lyndislyf
Mætti kl. tólf í Silf-
ur Egils að spjalla
við skemmtilega
menn um fjármál og
kosningar.
Ég er að koksa á að
kjósa Villa Þ. Kann ekki
við hann í bleiku.
Annaðhvort nær Sjálf-
stæðisflokkur-
inn
8 mönnum í
borgarstjórn og hreinum meiri-
hluta, ellegar B-listanum (sem hét
áður Framsóknarflokkur) tekst að
fella 8. mann íhaldsins og Björn
Ingi kemst í borgarstjórn sem
ég held að væri til góðs. X-B.
Ekki tókst mér að segja
margt gáfulegt í þættinum.
Gallinn við fjármálaumræðu
í ljósvakamiðlum er að hún
fer alltaf að snúast
um fjárhag ríkis-
ins eða stórfyrir-
tækja.
Ég hef meiri
innsýn í fjármál
einstaklinga. Til
dæmis langar mig
að hjálpa vinkonu
minni sem á í basli.
Hún er einstæð
móðir með tvö börn
og vinnur við
umönnum sjúk-
linga. Hún fær um
120.000 kr. útborg-
aðar og greiðir
90.000 kr. í leigu.
Auðvitað fær hún
barnabætur (30.000)
og húsaleigubætur
(50.000)
svo að
þegar hún er
búin að borga leiguna á
hún um 100.000 kr.
En þá er margt eftir:
Leikskólagjald 15.000,
gsm- og heimasími
8000, afborgun af
tölvukaupaláni 9500
kr., bíltrygging 4200
kr., heimilistryggingar
1600 kr., mánað-
argjald til RÚV 2700 kr. Þetta
gera 41.000 kr. Þá eru eftir
59.000 til að kaupa mat og
fatnað, jafnvel leikföng, og sjá
til þess að börnin fái að sækja
námskeið og fái það sem talið
er sjálfsagt að öll börn fái − auk
þess að kaupa bensín á bílinn
(sumardekk vantar og viðgerð
fyrir skoðun). Kannski væri
þetta hægt fyrir 59.000 kr. En því
miður hefur vinkona mín ekki
getað látið enda ná saman og nú er
hart sótt að henni.
Í fyrsta lagi er gjaldfallin skuld
við Lánasjóð íslenskra náms-
manna. Upphæðin er 47.500 kr.
Sem ég vil gjarna
hjálpa henni að
greiða. Gallinn er
sá að þessi skuld er
komin í innheimtu
til fyrirtækis sem
heitir Legalis og er
orðin 80.897 kr. með
innheimtukostnaði
og dráttarvöxtum.
Ég hringdi í
Lánasjóð og sagði
að ég vildi borga
skuldina svo að
Lánasjóður biði
ekki tjón af við-
skiptunum; hins
vegar hefði ég ekki
efni á því að borga lögfræðingum
hærra kaup fyrir að senda út stöðl-
uð innheimtubréf en skáld fá fyrir
að semja bókmenntir.
Svarið sem ég fékk var að hægt
væri að semja um 70.000 kr.
staðgreiðslu til að ljúka
þessari 47.500 kr.
skuld.
Hin skuldin sem
heldur vöku fyrir
vinkonu minni er
við KB-banka út af
námsláni. Ég hafði
samband og vildi
semja um að stað-
greiða einhverja
upphæð til að ljúka
skuldinni í eitt
skipti fyrir öll.
Svarið sem ég
fékk í netpósti var
svona: „Hennar útibú er
tilbúið að fella niður þá
vexti sem koma um
næstu mánaðamót. Ef
lagt er inn fyrir 29. maí
þá er skuldin á náms-
láninu kr. 359.149.“
Þetta eru afarkost-
ir. Ég er reiðubúinn til
að hjálpa vinkonu
minni að greiða þær
skuldir sem hún stofn-
aði til svo að lánar-
drottnar beri ekki
skaða. En það dugir
ekki til, taumlaus
græðgin heimtar
blóð, okurvexti og
innheimtukostnað.
Í kvöld fór Sólveig
með mig á Mozart-
tónleika í Langholts-
kirkju til að skola Evr-
óvisjón-skólpinu úr hlustunum á
mér.
Í meira en 30 ár hefur Rut Ing-
ólfsdóttir verið leiðari og listrænn
stjórnandi Kammersveitar
Reykjavíkur og lyft Grettistaki í
íslensku tónlistarlífi. Á tónleikun-
um í kvöld heyrðum við í tveimur
ungum snillingum, Unu Svein-
bjarnardóttur, sem var einleikari í
fiðlu- kons-
ertinum og Víkingi Heiðari
Ólafssyni sem var einleikari í
píanókonsertinum og stjórnaði
hljómsveitinni af glæsileik, og svo
lék hinn síungi Einar
Jóhannesson klarin-
ettukonsert sem ég
elska − og hef aldrei
heyrt betur leikinn.
■ MÁNUDAGUR, 22.
MAÍ
Til að engan gruni
neitt!
Borðaði hádegismat
á „Vín og skel“ með
Lísu. Ekki hef ég
brjóst í mér til að
skrifa umsögn um
þann veitingastað.
Við ræddum stjórnmál af mikilli
alvöru, enda er Lísa diplómat að
atvinnu.
Eðlileg brottför herliðsins eftir
hálfrar aldar viðskipti við Íslend-
inga, sem hafa gert marga ríka,
virðist stefna í að verða að
vandamáli.
Versta mögulega
lausn á viðskilnaði
okkar við banda-
ríska setuliðið er
að íslensk yfirvöld
grenji út einhverja
málamynda-nærveru til að reyna
að bjarga andlitinu, í von um að
þjóðin haldi að „okkar menn“ hafi
rúllað Kananum upp í samninga-
viðræðum.
Sýndarvarnir eru verri en
engar varnir. Falskt öryggi er
verra en ekkert öryggi. Við eigum
að þakka Bandaríkjamönnum
fyrir og kveðja þá með kurt og pí.
Tími til kominn.
Núna eru sagnfræðingar búnir
að staðfesta að ofsóknarbrjálaðir
ráðherrar hafi fyrirskipað fárán-
legar símahleranir. Um slíka and-
lýðræðislega tilburði skrifaði ég
heila bók, Valkyrjur, því að enn í
dag er verið að pukrast með
drauma um að stofna innlenda
njósnaþjónustu og kalla hana
„greiningardeild“ eða „öryggis-
deild“, til að engan gruni neitt.
■ ÞRIÐJUDAGUR, 23. MAÍ
Sólskinsblettur í tilverunni
Í dag fór ég í heimsókn
austur í
Grímsnes
að Sólheimum. Ólýs- an-
legur dagur.
Mér fannst ég vera staddur á
sólskinsbletti í tilverunni – á stað
þar sem áratugum saman hefur
verið starfað af óþrjótandi kær-
leika við að hjálpa okkar smæstu
bræðrum og systrum til að lifa
innihaldsríku lífi með reisn og
virðingu.

■ MIÐVIKUDAGUR, 24. MAÍ
111. meðferð - á skepnum
Gunnar Helgi Kristinsson próf-
essor skoðaði 111 stöðuveitingar í
æðstu störf ríkisins á síðustu árum
og segir að 44% stöðuveitinga í
æðstu embætti ríkisins séu af pól-
itískum toga.
Þetta er greinilega nútímaút-
gáfan af svokallaðri 111. meðferð
á skepnum. Soldið vantar enn upp
á að samfélag okkar verði eins og
hjá siðmenntuðu fólki.
Reyndar er mikið til hér af sið-
menntuðu fólki. Það sá ég á
útskriftarhátíð Listaháskóla
Íslands. Það er glæsilegur skóli
þótt hann sé í húsnæðishraki.
Þar er Sólveig mín búin að
starfa frá því að skólinn var
stofnaður.
Lukum góðum degi
með frábærri máltíð í
Grillinu.
Ég sá ekki betur
en garðsláttuvélin
sendi mér íbyggið
augnaráð þegar
við komum heim.
allt í matinn á einum stað
www.netto.is • Verð birt með fyrirvara um prentvillur
Akranes • Akureyri • Grindavík • Mjódd Reykjavík • Salahverfi Kópavogi
bylting í þrifum heimilisins
sjálfvirka moppan komin í nettó
Robomop er tæki sem hreinsar gólf, parket, marmara, fl ísar,
granít, línoliumdúk og eiginlega alla slétta fl eti.
Tækið samanstendur af lítilli rafhlöðu drifi nni kúlu sem dregur hringlaga plast-
hlemm með sér en undir honum er sérstakt fi lt sem tekur ryk, ló, dýrahár ofl .
Hægt er að tímastilla tækið á einn og hálfan tíma, heilan tíma eða hálftíma.
Þegar tækið verður rafmagnslaust þá er það endurhlaðið, hleðslutæki fylgir.
Þegar fi ltið er fullt er nýtt sett í staðinn, eitt handtak, 25 stk. í pakka, 500 kr.
pakkinn. Þegar tækið rekst í eitthvað breytir það um stefnu.
Tækið þrífur 60m2 á 1 klst. 98%.
Tækið fer undir rúm, sófa ofl . sem er yfi r 8,5 cm.
Þeir sem hafa eignast Robomop eru sérlega ánægðir með það.
Það vinnur á meðan þú ert í vinnu eða úti í garði!
„Taumlaus græðgi heimtar blóð“
Í Dagbók Þráins Bertelssonar er fjallað sláttuvél og hitaeiningar, fátækt og græðgi og fjallað um
utanríkismál, Kammersveit, Listaháskóla, sólskinsblett í tilverunni og 111. meðferð á skepnum.
Kæra
Dagbók
Þráinn Bertelsson skrifar