Fréttablaðið - 27.05.2006, Blaðsíða 78
27. maí 2006 LAUGARDAGUR58
menning@frettabladid.is
! Kl. 14.00Jónas Kristjánsson flytur fyrir-
lestur í Þjóðminjasafni Íslands um
leiðangur Þorfinns Karlsefnis til
Vínlands hins góða.
Ekki missa af...
Íslandsvinagöngu í nafni
íslenskrar menningar og náttúru
í dag. Lagt verður af stað frá
Hlemmi kl. 13.00 og endað á
Austurvelli þar sem boðið verður
upp á fjölbreytta dagskrá.
Danssýningum á vegum Trans
Dance Europe í Borgarleikhús-
inu. Spennandi verk frá Belgíu
og Danmörku í kvöld og pólskar
ástríður á morgun.
Óvenjulegum 15:15 tónleikum
í Norræna húsinu á sunnudag-
inn. Nærandi tónlist fyrir sálina,
þar sem með fögrum tónum
verða flutt glettnisleg ljóð og
rómantískar kvöldlokkur.
Hláturinn lengir lífið og
léttir geðið en nú í vor
hefur staðið yfir heljarinnar
hláturtíð í Borgarleikhús-
inu. Þeir sem enn hafa
ekki séð sér fært að skella
upp úr eða leggja það
ekki almennt í vana sinn
að hlæja hafa tækifæri til
þess að kynna sér tækni
hláturjóga á námskeiði sem
haldið verður í leikhúsinu
annað kvöld.
Ásta Valdimarsdóttir
og Kristján Helgason
hláturjógakennarar hafa
um nokkurt skeið kynnt þessa aðferð hérlendis en
hún var upphaflega þróuð af Dr. Madan Kataria,
indverskum lækni sem rannsakað hefur jákvæðar
afleiðingar hláturs. Aðferðin byggist í grunninn á því
að sameina hlátur og jógaöndun og þeirri trú að
allir geti hlegið án þess að
hafa frábært skopskyn eða
stöðugt grín í kringum sig.
Líkaminn gerir ekki greinar-
mun á alvöru innilegum
hlátri og hlátri sem komið er
af stað með skemmtilegum
æfingum sem þátttakendur
prófa á námskeiðinu en
mikilvægt er allir hlæja með
en ekki hver að öðrum.
Ásta og Kristján hafa ferðast
víða um land og haldið
námskeið fyrir fyrirtæki og
stofnanir en þau standa
einnig fyrir „Hláturkæti-
klúbbnum“ sem heldur reglulega opna hlátur-
jógatíma í húsnæði verslunarinnar Maður lifandi í
Borgartúni í Reykjavík.
Námskeiðið fer fram í Borgarleikhúsinu kl. 20
annað kvöld.
ÁSTA VALDIMARSDÓTTIR HLÁTURJÓGAKENNARI
Hlegið dátt á Hláturtíð
Skagaleikflokkurinn skreppur í
bæinn um helgina og sýnir nýj-
asta leikrit Kristjáns Kristjáns-
sonar, Hlutskipti, í Bæjarleikhús-
inu í Mosfellsbæ í kvöld kl. 19.
Leikstjóri sýningarinnar er Inga
Bjarnason. Gagnrýnendur hafa
lokið lofsorði á sýninguna og hlaut
hún nýlega sérstaka viðurkenn-
ingu Þjóðleikhússins í vali á
áhugaleiksýningu ársins. Í umsögn
Þjóðleikhússins kom fram að um
væri að ræða afar metnaðarfullt
fjölskyldudrama þar sem athyglis-
verð úrvinnsla í handriti hefði
gefið leikhópi og leikstjóra tæki-
færi til að skapa eftirminnilega
sögu á sviðinu.
Kristján Kristjánsson hefur
áður skrifað verkin Alltaf má fá
annað skip og Lifðu - yfir dauðans
haf fyrir leikflokkinn. - khh
Dramatískt Hlutskipti
SKAGALEIKFLOKKURINN SÝNIR HLUTSKIPTI Sýning í Bæjarleikhúsinu í Mosfellsbæ í kvöld.
Í dag opnar sýning á mál-
verkum Braga Ásgeirs-
sonar í Galleríi Fold en
listamaðurinn fagnar 75 ára
afmæli á morgun.
Bragi Ásgeirsson er um margt
brautryðjandi í íslenskri mynd-
list, sem listamaður, kennari og
gagnrýnandi hefur hann mótað
viðtökur landsmanna á nútímalist
og lagt sitt af mörkum til þess að
efla skilning kynslóðanna á mikil-
vægi listarinnar. Rúmlega fimm
ár eru liðin frá síðustu einkasýn-
ingu Braga en rúm fimmtíu frá
þeirri fyrstu sem hann hélt í Lista-
mannaskálanum við Kirkjustræti.
Á sýningunni í Galleríi Fold eru
tæplega fimmtíu verk sem Bragi
hefur málað á undanförnum fimm
árum. „Það eru líka örfáar eldri
myndir sem hafa ekki verið sýnd-
ar áður en falla inn í sýninguna,
inn í heildina.“ Hann kveðst ekki
hafa neina yfirskrift eða megin-
þráð til hliðsjónar heldur fylgja
jafnan eigin þræði, listin spretti af
hans eigin frumkvæði þegar
áhrifin úr umhverfinu, landslag-
inu, veðráttunni og skapgerð
hvers dags komi saman.
Bragi segist reyna að koma á
vinnustofuna sína á hverjum degi
og áréttar að listamenn eigi ekki
marga frídaga. „Auðvitað á ég mér
önnur áhugamál en það er erfitt að
telja þau öll upp. Myndlistin er
hverfipunktur í mínu lífi og hefur
alltaf verið, það snýst allt í kring-
um hana,“ segir hann og kveðst því
skiljanlega hafa mikinn áhuga á
ferðalögum og listsýningum.
Verk Braga þykja kröftug og
tilfinningarík en þau hafa alla tíð
einkennst af djarfri litameðferð,
fáguðum línum og sterkri mynd-
byggingu. Á síðari árum hafa verk
hans orðið einfaldari og kyrrari en
um leið sterk og grípandi. Verk
Braga eru í eigu allra helstu lista-
safna landsins og á mörgum
erlendum söfnum. Verk hans eru
enn fremur í eigu fjölmargra
stofnana og fyrirtækja sem og í
einkasöfnum víða um heim.
Bragi hefur starfað sem list-
gagnrýnandi Morgunblaðsins um
árabil og fylgist með listalífi hér-
lendis og erlendis af miklum
áhuga og elju. Hann segir að það
sé þó örðugara nú til dags þar sem
sýningarstöðum hérlendis hafi
fjölgað mjög og sýningarhaldið sé
dreifðara. „Þetta er svo mikill
glundroði, svo mörg lítil gallerí
sem vakna og deyja eins og fiðr-
ildi, eins og dægurflugur. Fólk er
að sýna verk í heimahúsum og það
er ekki nokkur leið að fylgjast
með þessu öllu. Þetta fælir fólk
frá, það eru til að mynda fáar
stórar samsýningar.“
„Núna er málverkið ofan á en
menn verða að passa sig að ein-
angrast ekki. Það er ekki verið að
rífa niður hugmyndafræðilega list
en þegar hún er ofan á er sífellt
verið að rífa niður málverkið, tala
illa um það. Það er ekki rétta pólit-
íkin. Þetta getur þrifist hvert fyrir
sig og saman. Þessi svonefnda
nútímalist í dag er rangnefni.
Þetta ætti að heita fjöltækni, það
er svo margt í henni, leiklist, ljóð-
list og allt mögulegt. Myndlistin
kemur inn á klassísku miðlana,
málverkið, teikninguna, högg-
myndir og grafík. Þetta þarf að
aðskilja.“
Bragi hefur einnig sitthvað að
segja um þá sjónarspilsáráttu
sem brýst fram í myndlistinni.
„Það er svo mikið show og flipp.
Fólkið sem er að gera þetta hefur
voða gaman af en fáir aðrir,“
segir hann. Í því tilliti eru tengslin
milli listamannsins og áhorfand-
ans rofin því listamanninum er
sama um áhorfandann en áherslan
færist á sjónarspilið. „Myndlistin
er enginn hasar heldur grafalvar-
legt atriði sem gerir miklar
kröfur,“ segir hann sposkur.
„Nám í myndlist gerir ekki minni
kröfur en nám í læknisfræði,
þess vegna gengur maður ekki
syngjandi í gegnum þann skóla.“
Sýningin er haldin að frum-
kvæði Gallerís Foldar og sjálfur
hafði Bragi ekki í hyggju að
fagna afmælinu sérstaklega. „Ég
er ekkert að fela mínar myndir
en ekki heldur að þrýsta þeim
fram,“ útskýrir hann og kveðst
hafa ætlað sér að vera staddur
erlendis þegar tímamótin rynnu
upp en þurft að breyta þeirri til-
högun. Hvað framhaldið varðar
segist hann einfaldlega ætla að
halda áfram að lifa.
Sýningin opnar kl. 15 í dag og
stendur til 11. júní.
- khh
„Myndlistin er enginn hasar“
BRAGI ÁSGEIRSSON MYNDLISTARMAÐUR „Myndlistin er hverfipunktur í mínu lífi og hefur alltaf verið, það snýst allt í kringum hana.“
FRÉTTABLAÐIÐ/VILHELM