Fréttablaðið - 27.05.2006, Blaðsíða 86

66 27. maí 2006 LAUGARDAGUR
sport@frettabladid.is
������ ��
��������������������������������� ����������������������������������� ���������
������
�������������
���
�����������������������������������������
E
IN
N
, T
V
E
IR
O
G
Þ
R
ÍR
2
66
.0
23
> Góður árangur Heiðars
Kylfingurinn Heiðar Davíð Bragason
endaði í fjórða til sjötta sæti á móti í
sænsku mótaröðinni í golfi í gær. Heiðar
lék lokahringinn á tveimur höggum
yfir pari vallarins og var samtals á einu
höggi undir pari. Heiðar var í efsta sæti
á mótinu á þremur höggum undir pari
fyrir síðasta keppnisdag.
Fyrir mótið var hann í
fimmtánda sæti á styrk-
leikalista mótaraðarinnar
en hefur nú styrkt
stöðu sína þar.
Hjörtur semur við Fram
Hinn örvhenti Hafnfirðingur, Hjörtur
Hinriksson, er búinn að skrifa undir
þriggja ára samning við Íslandsmeistara
Fram í handknattleik. Hjörtur hefur leik-
ið með FH alla sína hundstíð en hefur
nú ákveðið að söðla um og ganga í raðir
Fram líkt og fleiri leikmenn.
HANDBOLTI Ísland mætir Makedón-
íu í tveimur umspilsleikjum um
laust sæti á Evrópumóti kvenna-
landsliða í Svíþjóð í desember
síðar á árinu. Fyrri leikurinn fer
fram í Laugardalshöllinni á
morgun klukkan 16.15 en frítt
verður inn á leikinn í boði VR. Síð-
ari leikurinn fer svo fram viku
síðar, í Makedóníu.
„Landslið Makedóníu er byggt
upp á liði sem heitir Kometal sem
er á meðal allra sterkustu liða í
heimi. Þær eru stórar og búa yfir
miklum líkamlegum styrk, sem
við verðum að hafa til að vinna á
móti þeim. Þá eru þær með örv-
henta skyttu frá Kongó sem er
geysiöflug og styrkir liðið mjög
mikið,“ sagði Stefán Arnarson
landsliðsþjálfari sem er nýkom-
inn heim úr æfingaferð í Hollandi
með stelpunum, en þær sóttu ekki
gull í greipar Niðurlanda að þessu
sinni.
„Ferðin til Hollands var virki-
lega góð. Við höfum alltaf reynt að
spila við þessar sterku þjóðir, það
styrkir bara okkar lið. Við töpuð-
um reyndar nokkuð stórt þarna
úti, en hefðum vel getað haldið
þeim nær okkur. Þetta er bara
munurinn á liði í 5. sæti styrk-
leikalistans og okkur,“ sagði Stef-
án en Ísland er númer 23 á listan-
um og Makedónía númer 18.
„Það er ljóst að við erum litla
liðið í þessari viðureign. Make-
dónía hefur verið að taka þátt í
öllum stórmótum en við höfum
verið að bæta okkur og eru að
sýna framfarir. Það er allt hægt í
íþróttunum. Ég er alltaf bjart-
sýnn, annars væri maður ekki að
standa í þessu, ég hef mikla trú á
þessu verkefni,“ sagði Stefán,
sem hefur kortlagt leikinn í
þaula.
„Við ætlum að spila mjög hrað-
an leik og nýta þann mikla hraða
sem liðið okkar hefur yfir að ráða.
Það er lykilatriði hjá okkur og við
þurfum að treysta á að spila góða
vörn og fá hraðaupphlaupin í
gang.Stemningin í hópnum er
mjög góð og það hlakka allar til að
takast á við verkefnið, samheldn-
in í liðinu er mjög mikil. Það er
engin pressa á okkur þar sem lið
Makedóníu á að vera sterkara en
okkar,“ sagði Stefán.
Ljóst er að mikill ókostur er að
spila seinni leikinn á útivelli, sér-
staklega þar sem hann er ekki sá
auðveldasti. „Það er mikill ókost-
ur að spila síðari leikinn í Make-
dóníu. Þetta er talinn vera erfið-
asti útivöllur í heimi og
Makedónía fékk bann fyrir tveim-
ur árum vegna óláta meðal áhorf-
enda og aðstæðna inni í höllinni.
Þetta er einn alræmdasti völlur í
Evrópu,“ sagði Stefán Arnarson
landsliðsþjálfari og hvatti síðan
alla til að mæta í Höllina á morg-
un. hjalti@frettabladid.is
Ætlum að spila hraðan handbolta
Íslenska kvennalandsliðið í handbolta mætir stöllum sínum frá Makedóníu í fyrri umspilsleiknum um
laust sæti á EM í Svíþjóð á sunnudag. Stefán Arnarson landsliðsþjálfari er hvergi banginn fyrir leikina tvo.
Í ELDLÍNUNNI Anna Úrsula Guðmundsdóttir og félagar í kvennalandsliðinu verða í
eldlínunni á sunnudag gegn Makedóníu.
HANDBOLTI HSÍ og VR hafa gert
með sér þriggja ára samstarfs-
samning um lyfta grettistaki hvað
íslenska kvennalandsliðið varðar.
„Við eigum karlalið í heims-
klassa, af hverju ættum við ekki
að eiga kvennalið í sama klassa?“
spurði Einar Þorvarðarson, fram-
kvæmdastjóri HSÍ, í gær.
Skammtímamarkmiðið er að
vinna leikina gegn Makedóníu og
komast á EM, en langtímamark-
mið að vinna sér reglulega sæti á
stórmótum og festa Ísland í sessi á
topp tíu styrkleikalistanum. „Það
er stórkostlegt að VR skuli taka
þátt í þessu. Þegar ég byrjaði með
landsliðið vildi enginn spila við
okkur en það hefur margt vatn
runnið til sjávar síðan. Með hjálp
VR er hægt að taka enn stærra
skref í rétta átt. Þetta er frábært
fyrir íslenskan kvennahandbolta,“
sagði Stefán Arnarson landsliðs-
þjálfari. - hþh
HSÍ gerir samning við VR:
Frábært fyrir
kvennaboltann
FJÖR Á FUNDI Það var létt stemning á
Loftleiðum í gær. FRÉTTABLAÐIÐ/HEIÐA
FÓTBOLTI Danski framherjinn Bo
Henriksen er líklega ökklabrot-
inn, sem þýðir að hann spilar ekki
mikið með ÍBV í sumar. Henriksen
stökk upp í skallabolta og lenti illa
á ökklanum í 3-0 tapleiknum gegn
Valsmönnum á fimmtudaginn og
var samstundis farið með hann á
sjúkrahúsið í Vestmannaeyjum.
„Við fáum niðurstöður líklega
ekki fyrr en á morgun [í dag] en
það er mjög líklegt að hann sé
brotinn. Það er gríðarlegt áfall
fyrir okkur. Hann er fenginn til
okkar til að skora mörkin og vera
lykilmaður fyrir okkur í sumar,
ég fer ekkert í grafgötur með það.
Við verðum bara að horfa fram á
veginn og leysa þau mál,“ sagði
Guðlaugur Baldursson, þjálfari
ÍBV, við Fréttablaðið í gær og ætti
niðurstaða því að liggja fyrir í
dag.
ÍBV er þegar búið að fá til sín
annan danskan framherja, Ulrich
Dröst, sem kemur frá Greve í
heimalandi sínu. „Hann kemur
frá Danmörku og þekkir Bo
reyndar ágætlega. Hann á að vera
góður leikmaður og hefur skorað
mjög mikið í dönsku deildunum,
ég held að hann sé nánast með
mark í öðrum hverjum leik í deild-
unum í Danmörku,“ sagði Guð-
laugur um Dröst. „Við ætluðum
alltaf að bæta við okkur sóknar-
manni, til að auka breidd og sam-
keppni.“
ÍBV byrjaði Íslandsmótið vel,
vann fyrsta leikinn gegn Keflavík
á heimavelli, 2-1, en tapaði svo 4-1
fyrir Breiðablik og 3-0 fyrir Val.
„Fyrsti leikurinn var fínn hjá
okkur en síðan hefur hallað undan
fæti. Við höfum verið að gera of
mörg einstaklingsmistök, bæði
gegn Blikum og Val. Gegn þeim
vorum við undir eftir fyrri hálf-
leikinn, ætluðum að taka seinni
hálfleikinn með trompi en erum
komnir 2-0 undir eftir eina mín-
útu. Það hefur verið smá klaufa-
skapur hjá okkur,“ sagði þjálfar-
inn. - hþh
Bo Henriksen líklega ökklabrotinn:
Þetta er gríðarlegt
áfall fyrir okkur
GUÐLAUGUR Segir það vera mikið áfall fyrir
ÍBV að missa Henriksen. Maður kemur þó
í manns stað og verður forvitnilegt að sjá
hvernig Dröst plummar sig hér á landi.
FRÉTTABLAÐIÐ/HÖRÐUR
FÓTBOLTI Arnar Gunnlaugsson
verður ekki með ÍA gegn Vals-
mönnum í fjórðu umferð Lands-
bankadeildar karla á mánudaginn.
Arnar haltraði af velli í fyrri hálf-
leik í 3-0 tapi Skagamanna gegn
Íslandsmeisturum FH á þriðju-
daginn en Arnar hefur þegar skor-
að tvö mörk í deildinni.
„Það tóku sig upp einhver
nárameiðsli. Ég er aumur í þessu
og verð ekki með í leiknum gegn
Val, enda stutt í hann. Vonandi
tekur þetta bara fljótt yfir og ég
verði orðinn góður eftir viku til tíu
daga,“ sagði Arnar en Skagaliðið
hefur tapað öllum þremur leikjum
sínum á mótinu til þessa, fyrir
Grindavík, KR og FH. - hþh
Arnar Gunnlaugsson:
Frá í viku
vegna meiðsla
TVÖ MÖRK Arnar hefur skorað tvö mörk í
deildinni til þessa. Hér fagnar hann öðru
þeirra, gegn KR á Akranesi.
FRÉTTABLAÐIÐ/VILHELM
Guðjón Þórðarson er hættur sem knatt-
spyrnustjóri Notts County en hann stýrði
liðinu aðeins í eitt ár. „Ég tjáði stjórninni
það að ég teldi best að leiðir myndi
skilja. Það er margt sem liggur þar að
baki. Það hafa smám saman orðið
breytingar á félaginu og það sést alveg
hvað er í gangi, eigandi félagsins er ekki
að leggja peninga í þetta. Ef þú ætlar
þér eitthvað verður þú að hafa einhvern
pening á milli handanna,“ sagði Guðjón
við Fréttablaðið í gær.
Guðjón er þegar byrjaður að spyrjast
fyrir um nýja vinnu og þær fréttir að
hann sé laus allra mála berast nú
sem eldur um sinu á Englandi. „Ég á
alltaf einhverja kosti í stöðunni, það er
alltaf von einhvers staðar. Ég vil bara
fá almennilegan fótboltaklúbb, það er
ekkert flóknara en það.
Ég vil helst vera áfram á
Englandi, ég er farinn
að þekkja þetta vel
hérna en það kemur
allt til greina hjá mér
og ég útiloka ekki
neitt. Það eina sem
þú veist í fótbolta, er
að þú veist ekki neitt,“
sagði Guðjón sem ætlar þó
ekki að taka við liði á Íslandi, í
bili að minnsta kosti.
„Ég held að það væri fínt að
skoða það þá í haust þegar
sumarið er búið, ég hef ekki
áhuga á því að koma heim og
stíga inn í starfið þar núna, ég
vil alls ekki skapa neinn óróa
þó svo að ég sé á lausu,“ sagðu Guð-
jón sem sá nokkra leiki í Lands-
bankadeildinni um daginn og
er væntanlegur til Íslands þar
sem hann mun væntanlega
skella sér á völlinn.
Guðjón segir að hann yfirgefi
herbúðir Notts County alls
ekki sáttur. „Nei, ég fer
ekki sáttur. Ég hefði viljað
klára það sem ég ætlaði
mér að gera sem var að
koma liðinu upp, það
eru ákveðin vonbrigði
þegar maður nær ekki
þeim markmiðum
sem maður setur
sér,“ sagði Guðjón
Þórðarson.
KNATTSPYRNUSTJÓRINN GUÐJÓN ÞÓRÐARSON: ER ÞEGAR BYRJAÐUR AÐ LEITA AÐ NÝRRI VINNU
Hef ekki áhuga á því að koma heim