Fréttablaðið - 27.05.2006, Qupperneq 44
[ ]Kettir eru skemmtileg gæludýr. Subbuskapurinn sem fylgir hárlosun þeirra er ekki jafn skemmtilegur. Fæði þeirra hefur mikið að segja og getur haft gríðarleg áhrif á hversu mikið af hári fellur til.
Gosbrunnar og litlar tjarnir
setja oft fallegan svip á garð-
inn. Mörgum garðeigendum
þykir niðurinn úr gosbrunnin-
um fullkomna stemninguna á
kyrrlátum sumardegi. Nokkur
fyrirtæki sérhæfa sig í gos-
brunnum og tjörnum í görðum
hjá fólki.
Meðal þeirra er fyrirtækið
Gosbrunnar.is sem selur allt sem
þarf til þess að láta draum um
tjörn og gosbrunn verða að veru-
leika. Svavar Björgvinson hjá
Gosbrunnar.is segir fyrirtækið
sérhæfa sig í öllu sem tengist
vatnsrennsli í víðustu mynd.
,,Hvort sem það eru gosbrunnar,
tjarnir eða bara allt sem tengist
vatnsrennsli þá sérhæfum við
okkur í því,“ segir Svavar.
Það er ekki flókin framkvæmd
að koma lítilli og einfaldri tjörn
fyrir í garðinum og kostnaðurinn
þarf heldur ekki að vera hár. ,,Lítil
tjörn með dælu kostar 15.000 krón-
ur og er dúkurinn um fjórir fer-
metrar á stærð þegar að búið að
breiða úr honum.“
Fyrirtækið býður fólki upp á að
taka myndir af garðinum og setja
svo saman tölvumynd sem sýnir
hvernig garðurinn myndi líta út
með tilkomu gosbrunnsins. ,,Þá
getur fólk séð nokkrar útfærslur
af tjörnunum þannig að þetta er
mjög sniðugt,“ útskýrir Svavar.
Svavar segir að vilji fólk ein-
faldar lausnir þá geti það hæglega
komið tjörninni fyrir á einni kvöld-
stund í garðinum hjá sér. ,,Við
erum líka í samstarfi við lærða
skrúðgarðyrkjumenn og aðra fag-
menn sem geta hannað umhverfið
og komið tjörninni fallega fyrir.“
Margir vilja gefa tjörnunum
enn meiri sjarma með því að hafa
gullfiska í þeim og segir Svavar að
gullfiskarnir geti lifað góðu lífi í
tjörnunum fyrir utan harðasta
veturinn. ,,Gullfiskarnir eru það
harðgerðir að þeir geta alveg lifað
þarna, aðrir skrautfiskar eins og
Coy-fiskar geta hins vegar ekki
lifað utandyra.“
Margir garðeigendur hafa haft
efasemdir um tjarnir þar sem
þær geta verið hættulegar litlum
börnum. ,,Tjarnirnar eru oftast
ekki meira en 40 cm á dýpt en
sniðug öryggisútfærsla er að
strengja net yfir tjörnina á 15 cm
dýpi þannig börn geti ekki farið
sér að voða,“ segir Svavar að
lokum. valgeir@frettabladid.is
Flott er að koma litlum gosbrunni fyrir í
steinum.
Gosbrunnar í garðinn
Upplýstur gosbrunnur er fallegur allan ársins hring.
Gosbrunnar geta verið af ýmsum toga.
Vatn setur mjög skemmtilegan blæ á garðinn.