Fréttablaðið - 27.05.2006, Síða 58

27. maí 2006 LAUGARDAGUR20
VISSIR ÞÚ...
...að sá sem lengst hefur farið í
hjólastól er Kanadamaðurinn Rick
Hansen? Rick lamaðist árið 1973 í
umferðaslysi. Árið 1985 lagði hann
af stað frá Vancouver og á tveimur
árum lagði hann að baki 40.075 km
í 34 löndum í fjórum heimsálfum.
...að lengsta ferðalag á hjólabretti
fór Bandaríkjamaðurinn Jack Smith
árið 1976 og aftur árið 1984? Leiðin
lá milli borganna Lebanon í Oregon,
og Williamsburg í Virginíu. Ferðin
var í allt 4.830 km.
...að lengsta ökuferðin sem farin
hefur verið er enn í gangi? Nú þegar
hafa svissneksu hjónin Emil og
Liliana Schmid lagt að baki 587.000
km á Toyota Landcruiser- jeppa
sínum og heimsótt 150 lönd. Þau
eru enn að.
...að indversku hjónin Saloo og
Neene Choudhury eiga met í
hröðustu hnattferð á bíl? Þau
lögðu af stað frá Delhí á Indlandi
9. september 1989 á Hindustan
Contessa classic-bíl og 69 dögum,
19 klukkustundum og 5 mínútum
síðar voru þau komin aftur heim.
...að sú sem fljótust hefur verið
kringum jörðina ein á báti er Ellen
MacArthur frá Bretlandi? Á 71 og
hálfum degi kláraði hún ferðina en
hvergi á leiðinni hafði hún viðkomu
á þurru landi.
...að á 657 dögum sigldi Jon
Sanders einsamall þrjá hringi í
kringum jörðina í einni lotu? Tveir
hringir voru réttsælis um jörðina en
til tilbreytingar var sá þriðji farinn
rangsælis.
...að sá sem oftast hefur farið hring-
inn í kringum jörðina er rússneski
geimfarinn Sergei Avdeyev? Hann
hefur farið 11.968 hringi í kringum
jörðina en hann er jafnframt sá sem
lengst allra manna og kvenna hefur
verið í geimnum.
F
í
t
o
n
/
S
Í
A

F
I
0
1
5
8
7
2
„Draumahelgin mín er hér á landi enda
er ég nýkomin heim frá útlöndum og vil
því eyða helgi hér heima,“ segir Þórdís
Elva Þorvaldsdóttir Bachmann leikkona.
„Á föstudegi myndi ég vilja byrja daginn
á því að fara á góða leiksýningu og eftir
hana myndi ég vilja borða uppáhalds-
matinn minn sem er sushi. Það myndi
ég vilja gera í góðra vina hópi og eiga
skemmtilegar rökræður yfir góðu víni. Það
myndi ég kalla gott föstudagskvöld,“ segir
Þórdís. „Á laugardegi myndi ég svo vilja
heimsækja tengdafjölskylduna mína upp
í Borgarfjörð þar sem hægt er að fara á
hestbak. Það er hreinn fjársjóður að geta
gengið að slíku og þar að auki væri hægt
að enda daginn í heita pottinum. Í kvöld-
matinn myndi ég vilja fá íslenskt lamb úr
sveitinni með íslenskum kartöflum, hvað
varðar mat gerist það ekki mikið betra.
Á sunnudeginum myndi ég vilja sofa út,
alveg syndsamlega lengi,“ segir Þórdís
og hlær. „Helst myndi ég svo vilja vera í
afslöppun með kærastanum mínum og
eyða deginum í að knúsa hann. Frekari
plön eru eiginlega ekki þörf því ég á aldrei
leiðinlega stund með mínum manni. Við
erum svo glöð með hvort annað og við
finnum okkur alltaf eitthvað til dundurs.“
DRAUMAHELGI
Hestar og heitur pottur
ÞÓRDÍS ELVA ÞORVALDSDÓTTIR BACHMANN
LEIKKONA SEGIR DRAUMHELGINA SÍNA VERA
Í FAÐMI FJÖLSKYLDU OG VINA.
FRÉTTABLAÐIÐ/VALLI
1. Magnolia (1999). Mynd af blóm-
inu má finna í hverri stofu sem sést
í myndinni. Paul Thomas Anderson,
leikstjóri myndarinnar fór sérstak-
lega í heimsókn til Tom Cruise,
meðan sá síðarnefndi var að vinna
við Eyes Wide Shut, til þess að
bjóða honum starfið. Cruise fékk
tilnefningu til óskarsverðlaunanna
fyrir leik sinn í myndinni.
2. Rain Man (1988). Dustin Hoff-
man vildi fá Bill Murray til þess að
leika Charlie, hlutverkið sem Cruise
síðan fékk. Persónan átti einnig
að vera 56 ára. Sala á Ray Ban-
sólgleraugum jókst um 15% eftir
frumsýningu myndarinnar. Eina
myndin sem hefur verið valin besta
myndin á óskarnum og einnig
unnið Gullbjörninn í Berlín.
3. Minority Report (2002). Bæði
Yorick van Wageningen og Matt
Dillon komu til greina í aðalhlut-
verkið auk Cruise. Myndin átti
reyndar upprunalega að vera fram-
hald Total Recall frá 1990 og átti
Arnold Schwarzenegger að leika
hlutverk Cruise.
4. A Few Good Men (1992). Orðið
sir (herra) er að meðaltali sagt á
50 sekúndna fresti í myndinni. Ást-
arsena milli Cruise og Demi Moore
átti að taka upp fyrir myndina en
handritið kallaði ekki beint á það.
5. Top Gun (1986). Matthew Mod-
ine átti upprunalega að leika hlut-
verk Cruise. Til er handrit fyrir Top
Gun 2. Framleiðendur myndarinnar
fengu mikla hjálp frá bandaríska
hernum en herinn lítur á myndina
sem eina bestu auglýsingu sem
hann hefur nokkurn tíma fengið.
TOPP 5:
TOM CRUISE