Fréttablaðið - 27.05.2006, Side 2
2 27. maí 2006 LAUGARDAGUR
SKÁK Íslensku skáklandsliðin
gerðu bæði jafntefli í fimmtu
umferð Ólympíumótsins í Tórínó
á Ítalíu á fimmtudag. Karlaliðið
tefldi gegn Rúmeníu og lyktaði
viðureigninni með tveimur vinn-
ingum gegn tveimur. Kvennaliðið
mætti Portúgal og þar fóru leikar
einn og hálfur vinningur gegn
einum og hálfum.
Stefán Kristjánsson og Lenka
Ptacnikova unnu sínar skákir og
Hannes Hlífar Stefánsson, Helgi
Ólafsson og Guðlaug Þorsteins-
dóttir gerðu jafntefli.
Að loknum fimm umferðum er
karlaliðið í 17.-27. sæti með 13
vinninga en kvennaliðið er í 57.-
68. sæti með 7 vinninga. Frí var
frá taflmennskunni í gær en sjötta
umferð verður tefld í dag. - bþs
Ólympíuskákmótið í Tórínó:
Jafntefli í
fimmtu umferð
JÓHANN HJARTARSON ER Í HÓPI LANDS-
LIÐSMANNANNA.
DANMÖRK Mikil örtröð skapaðist á
aðallestarstöðinni Hovedbanegår-
den í Kaupmannahöfn í gær, þegar
lestaryfirvöld buðu alla miða á
miklum afslætti. Kostaði lestar-
miðinn yfir Stórabelti til dæmis
einungis 50 danskar krónur, eða
625 íslenskar krónur, en aðrir
miðar voru á verðbilinu 312 til
1250 íslenskar krónur.
Strax klukkan hálf fimm í gær-
morgun var orðið fullt út að dyrum
í lestarstöðinni, en glatt var þó á
hjalla í Hovedbanegården þrátt
fyrir örtröðina og sátu Danir sælir
á svip með kaffibolla í höndum og
biðu rólegir eftir næstu lest.
Gerðu yfirvöld ráð fyrir því að
um 50.000 manns hefðu nýtt sér
afsláttinn í gær með því að ferðast
yfir Stórabelti. - smk
Örtröð myndaðist í lestum:
50.000 fóru yfir
Stórabelti í gær
KOSNINGAR Atkvæði sem greidd
eru í Hrísey í kosningunum í dag
verða talin á Akureyri enda Hrís-
ey hluti af Akureyrarbæ eftir
sameiningu sveitarfélaganna á
síðasta ári.
Kjörfundi í Hrísey lýkur
klukkan 18 og verður kjörkassinn
fluttur með ferjunni til Árskógs-
sands klukkan 19. Þangað verða
þau sótt og flutt með lögreglubíl
til Akureyrar. 132 eru á kjörskrá í
Hrísey. - bþs
Kosningarnar í Hrísey:
Atkvæðunum
siglt og ekið
Kennsla í íslensku Sumarskóli fyrir
nýbúa, sem hafa búið á Íslandi skemur
en fjögur ár, verður starfræktur í sumar.
Boðið verður upp á kennslu í íslensku
og fræðslu um íslenskt samfélag.
INNFLYTJENDAMÁL
BRUNI „Það er alveg ótrúlegt hvað
þeir voru fljótir að koma, þetta
var svo skelfilegt þegar ég vakn-
aði,“ segir Ragnhildur Árnadóttir,
íbúi á Vesturgötu 17, en eldur kom
upp í íbúð hennar snemma í gær-
morgun. Ragnhildur komst út af
sjálfsdáðum og gat gert öðrum
íbúum viðvart. Hún segist vera
mjög þakklát slökkviliði og lög-
reglu fyrir að bregðast skjótt við.
Ragnhildur hljóp út og fór til syst-
ur sinnar í næstu íbúð og hringdi
þaðan á Neyðarlínuna. „Maður
náttúrulega byrjar að hafa áhyggj-
ur af nágrönnunum, þarna er
gamalt fólk og öryrkjar.“
Að sögn Ragnhildar ætlar Rúm-
fatalagerinn að lána henni rúm og
aðra muni meðan hún býr hjá syni
sínum. Ragnhildur og aðstandend-
ur hennar vilja koma til skila
miklu þakklæti til þeirra sem
stóðu að björguninni.
Tilkynning barst til Neyðarlín-
unnar klukkan hálfsex og fóru
allar þrjár stöðvar slökkviliðs höf-
uðborgarsvæðisins á staðinn. Að
sögn Friðjóns Daníelssonar, varð-
stjóra hjá slökkviliði höfuðborgar-
svæðisins, var mikill reykur í
íbúðinni en eldurinn breiddist ekki
út um húsið.
Systurnar, sem búa í íbúðum hlið
við hlið, voru fluttar á slysadeild
Landspítalans í Fossvogi með snert
af reykeitrun ásamt öðrum íbúa
hússins. Að sögn vakthafandi lækn-
is var þeim gefið súrefni en þær
voru útskrifaðar fyrir hádegi í gær.
Tveir lögreglumenn fóru inn í húsið
til þess að vekja aðra íbúa þess en
mikill reykur myndaðist í stigahús-
inu og voru þeir einnig fluttir á
slysadeild vegna reykeitrunar.
Slökkvistarf gekk vel en því var
lokið klukkan tuttugu mínútur yfir
sex og að sögn Friðjóns unnu sex-
tán menn að því að slökkva eldinn.
Íbúðin er um 60 fermetrar og að
sögn lögreglu er talið að eldurinn
hafi kviknað í stofunni.
gudrun@frettabladid.is
Skelfilegt að vakna
upp við eldsvoðann
Ragnhildur Árnadóttir, íbúi við Vesturgötu, komst út af sjálfsdáðum þegar eld-
ur kom upp í íbúð hennar. Hún hljóp þegar í stað yfir til systur sinnar í næstu
íbúð. Þær voru ásamt öðrum íbúa fluttar á slysadeild með snert af reykeitrun.
RAGNHILDUR ÁRNADÓTTIR Íbúi í íbúðinni
sem brann í gær, töluverðar skemmdir eru
á henni en persónulegir munir björguðust.
FRÉTTABLAÐIÐ/HÖRÐUR
BRUNI Á VESTURGÖTUNNI Eldur kom upp á Vesturgötu 17 snemma í gærmorgun, fimm voru fluttir á slysadeild. FRÉTTABLAÐIÐ/VILHELM
KOSNINGAR Allt benti til þess í gær
að atkvæði greidd fyrir kjördag í
Reykjavík yrðu allt að 10 þúsund
eða um 45 prósentum fleiri en
greidd voru utan kjörfundar í
borgarstjórnarkosningunum árið
2002.
Adólf Adólfsson, lögfræðingur
hjá Sýslumannsembættinu í
Reykjavík, segir að venjan sé að
um 70 prósent þeirra sem greiða
atkvæði utan kjörfundar skili sér á
kjörstað síðustu dagana fyrir kosn-
ingar. „Vel á fimmta þúsund hafa
komið síðustu þrjá dagana til að
kjósa.“
Liðlega 85.600 manns eru á
kjörskrá í Reykjavík. Verði kosn-
ingaþátttakan svipuð og fyrir fjór-
um árum, eða um 84 prósent, má
búast við að heildarfjöldi greiddra
atkvæða nú verði um 72 þúsund.
Samkvæmt þessu hafa nærri 14
prósent kjósenda í Reykjavík
greitt atkvæði utan kjörfundar frá
1. apríl síðastliðnum.
Utankjörfundaratkvæði eru að
venju talin sérstaklega eftir að búið
er að telja atkvæði sem greidd eru
á kjördegi. Ekki er ljóst hver sam-
setning þessa hóps er, en Adólf
segir að nýbúar hafi verið áberandi
að undanförnu meðal þeirra sem
greitt hafa atkvæði utan kjörfund-
ar. Nýbúar á kjörskrá í Reykjavík
eru á fimmta þúsund. sjá síðu 34 - jh
Óvenju margir hafa nú þegar kosið í Reykjavík en um 86 þúsund eru á kjörskrá:
Tíu þúsund hafa þegar kosið
RÁÐHÚS REYKJAVÍKUR Áttundi hver
kjósandi hefur þegar kosið þegar kjördagur
rennur upp í Reykjavík.
Vegna sveitarstjórnarkosning-
anna í dag verður ritstjórn Frétta-
blaðsins að störfum fram eftir
nóttu. Reynt verður eftir megni að
færa lesendum sem gleggsta
mynd af niðurstöðum kosning-
anna í blaði morgundagsins. Þess
vegna mun dreifingu Fréttablaðs-
ins seinka í fyrramálið.
Fréttablaðinu seinkar:
Beðið eftir
niðurstöðum
VIÐSKIPTI Ópera, félag í eigu Björg-
ólfsfeðga, hefur keypt tæp sextán
prósent í Fjárfestingarfélaginu
Gretti af Sundi, fjölskyldu Óla í
Olís. Kaupverðið hefur ekki verið
gefið upp.
Stærsti eignarhlutur Grettis
liggur í Straumi-Burðarási og er
talið líklegt að Björgólfsfeðgar
hafi þar með tryggt sér meirihluta
í stjórn Straums en á dögunum
fengu þeir heimild Fjármálaeftir-
litsins til að fara með yfir 20 pró-
senta eignarhlut. Ætla má að hlut-
ur Björgólfsfeðga í Straumi fari
með beinum eða óbeinum hætti
yfir 40 prósent en Grettir, sem er í
eigu Landsbankans, TM og Óperu,
á sextán prósent í Straumi og
sjálfir eiga Björgólfsfeðgar hátt í
fimmtungshlut.
Átök voru milli Björgólfs Thors
Björgólfsson, stjórnarformanns
Straums, og Magnúsar Kristins-
sonar varaformanns í stjórn
Straums, og með þessu hefur sá
fyrrnefndi styrkt stöðu sína. Í
stjórn Straums sitja Björólfur
Thor, Eggert Magnússon, Magn-
ús, Kristinn Björnsson og Páll
Þór Magnússon, framkvæmda-
stjóri Sunds, sem situr fyrir hönd
Grettis.
Jafnframt hefur Sund selt
þriðjungshlut sinn í TM til Blá-
tjarnar sem er í helmingseigu
Björgólfsfeðga og Sunds. Kaup-
verð hlutarins er 10,4 milljarðar
króna.
Samson eignarhaldsfélaga,
félag Björgólfsfeðga, keypti
einnig eitt prósent hlutafjár í
Landsbankanum í gær og fer með
41,2 prósenta hlut í bankaum. - eþa
Björgólfsfeðgar kaupa hlutabréf í Gretti, Landsbankanum og TM:
Herða tök sín á Straumi
BJÖRGÓLFUR THOR BJÖRGÓLFSSON
Félög í eigu Björgólfsfeðga voru
umsvifamikil í gær þegar tilkynnt var
um kaup þeirra í Gretti, Straumi og TM.
Olíuborun heimiluð Fulltrúadeild
Bandaríkjaþings heimilaði í fimmta sinn
á fimmtudag olíuborun á náttúrufriðlandi
í Alaska, en líklegt þykir að öldungadeild-
in stöðvi borunina, líkt og hún hefur gert
hingað til. Óttast vísindamenn mjög um
afdrif fjölmargra hreindýra, sauðnauta og
ísbjarna, hefjist borun á svæðinu.
BANDARÍKIN
SPURNING DAGSINS
Haraldur, eru þetta kornin
sem fylltu mælinn?
„Mælirinn er allavega orðinn tómur.“
Akrar kornbænda fjúka burt vegna vinda og
slæmrar veðráttu. Haraldur Benediktsson er
formaður Bændasamtakanna.
KOSNINGAR Sjálfstæðisflokkurinn
eykur fylgi sitt frá síðustu rað-
könnun Gallup fyrir fréttastofu
Ríkisútvarpsins og fengi 45 pró-
sent atkvæða og sjö menn kjörna.
Fylgi Framsóknarflokksins mælist
5,9 prósent og dalar eilítið. Flokk-
urinn kemur þó manni inn og tog-
ast hann á við áttunda mann Sjálf-
stæðisflokksins. Samfylkingin
bætir við sig tveimur prósentu-
stigum, fengi 27,3 prósent og fjóra
menn kjörna. Vinstri græn fengju
tvo menn kjörna með 14,5 pró-
senta fylgi. Frjálslyndi flokkurinn
fengi 7,3 prósent atkvæða sem er
nokkru minna en í síðustu könnun
og einn mann kjörinn. - jh
Síðasta könnun Gallup:
Allir ná manni
í borgarstjórn