Fréttablaðið - 27.05.2006, Blaðsíða 38

27. maí 2006 LAUGARDAGUR38
KASSARNIR BORNIR ÚT Ekki dugir minna
en lögreglumenn til að flytja kjörkassana
frá kjörstöðum og þangað sem talið er.
BÚIÐ AÐ KJÓSA Kjósendur á Akureyri ganga frá kjörstað í Oddeyrarskóla. Myndin er að líkindum frá 1982.
KJÖRKASSARNIR KOMNIR Í HÚS Allt klárt og hægt að fara að telja upp úr kössunum. Myndin er frá borgarstjórnarkosningunum 1978,
þegar Alþýðubandalagið vann góðan sigur og myndaði meirihluta með Alþýðuflokki og Framsóknarflokki. Sjálfstæðisflokkurinn vann svo
stórsigur í næstu kosningum.
Landsmenn ganga að kjör-borðinu í dag og velja sér fulltrúa til setu í borgar-,
bæjar- og sveitarstjórnum til
næstu fjögurra ára. Jafnan er
hátíðlegur blær yfir fólki á kjör-
degi, margir klæðast betri fötun-
um og sumir hafa fyrir sið að fá
sér kaffi og kökur eftir að hafa
farið á kjörstað. Flokksbundnir
fara í kosningakaffi hjá sínum
mönnum, taka púlsinn á stemning-
unni og leggja jafnvel starfinu lið
á síðustu metrunum. Í kvöld er
svo viðbúið að fólk safnist saman
fyrir framan viðtækin og fylgist
með talningu atkvæða og þeir
hörðustu ganga ekki til náða fyrr
en síðasta atkvæðið hefur verið
talið. Oftlega er líf og fjör á veit-
inga- og skemmtistöðum á kosn-
inganóttu þar sem fólk ýmist fagn-
ar góðum sigri eða grætur ófarir.
Það er kosið í dag
MÁLIN SKEGGRÆDD Ólafur Thors heilsar kjósendum við Austurbæjarskóla. Myndin var
tekin 1962 en þá var Ólafur forsætisráðherra.
BORGARSTJÓRA RÉTTUR ATKVÆÐASEÐILL Davíð Oddsson á kjörstað í borgarstjóratíð sinni
1990. Ári síðar bauð hann sig fram til Alþingis og varð forsætisráðherra.
MERKI SELD Á KJÖRSTAÐ Maður kaupir merki af tveimur stúlkum og styrkir þar með gott
málefni. Lögregluþjónn fylgist vökulum augum með.
FÍN Í TAUINU Margir klæðast sínu fínasta á kjördegi. Myndin var tekin fyrir utan Hagaskóla
þegar kosið var til borgarstjórnar Reykjavíkur árið 1962. Sjálfstæðisflokkurinn fékk þá níu
borgarfulltrúa, Alþýðubandalagið þrjá, Framsóknarflokkurinn tvo og Alþýðuflokkurinn einn.
Óháðir bindindismenn buðu einnig fram 1962 en náðu ekki kjöri.