Réttur - 15.03.1935, Blaðsíða 19
rökréttur þáttur í allsherjar sókn Japana til yfirráða
á Kyrrahafinu og í Austur-Asíu, sem greinilegast kem-
ur fram í hernámi Mansjúríu og Norður-kínversku hér-
aðanna og stríðsæsingunum gegn Sovétríkjunum. Þessa
sókn eru Bandaríkin ekki framar fær um að stöðva, að
minnsta kosti ekki án þess að beita vopnuðu valdi.
Og þegar Þýzkalandi er nú gefinn laus taumurinn um
vígbúnað sinn, þá er ástæðan fyrst og fremst sú, að þessi
vígbúnaður er þegar orðin staðreynd, sem ekki verður
fram hjá komizt.
Næsta skeið þessarar þróunar mun verða það, að
Japan eykur flota sinn til jafns við Bandaríkin og
Þýzkaland fjölgar flugvélum sínum til jafns við Frakk-
land. Afieiðingin verður aftur, að Frakkland og Banda-
ríkin margfalda sinn herskipaflota og flugvélalið. —
Heiminum verður hrundið út í svo vitskerta vígbúnað-
arsamkeppni, að engan hefir órað fyrir.
Ítalía undirbýr hernám Abessiníu.
Ítalía fetar í fótspor Japans. Afríka er að eignast
sína Mansjúríu. Mussolini hefir sent ógrynni liðs og
hergagna til Afríku og undirbýr hernám Abessiníu.
Meðlimur Þjóðabandalagsins sendir í fyrsta sinni her
gegn öðrum meðlimi Þjóðabandalagsins.
Abessinía hefir kært fyrir Þjóðabandalaginu innrás
hinna ítölsku hersveita. Þjóðabandalagið hefir ekkert
aðhafzt, enda þótt lög bandalagsins skyldi það til að
grípa til vopna gegn hverjum þeim meðlimi sínum, er
ræðst á annan. En á undan voru líka gengnir samning-
arnir milli Frakklands og' ítaliu í Róm (7. janúar), þar
sem Frakkland gefur Ítalíu frjálsar hendur í Abessi-
níu, gegn öðrum hlunnindum, sem ítalía veitir Frakk-
landi á meginlandi Evrópu. Og það var franski utan-
ríkisráðherrann Laval, sem beitti áhrifum sínum í
Þjóðabandalaginu í þá átt, að bandalagið tók enga af-
stöðu til kærumála Abessiníu.
Auðvitað eru hinir ítölsku herir sendir til Afríku í því
19