Fréttablaðið - 26.03.2009, Page 6
6 26. mars 2009 FIMMTUDAGUR
VINNUMARKAÐUR Gylfi Arnbjörns-
son, forseti ASÍ, telur að stjórn-
völd verði að taka á trúverðugan
og réttlátan hátt á þeim sem báru
ábyrgð á hruni bankakerfisins.
Öll aðferðafræði við rannsókn á
aðdraganda hrunsins til þessa
hafi verið í skötulíki. Hann telur
að þeir sem beri ábyrgðina verði
að biðja þjóðina afsökunar.
„Við hljótum að kalla þessa aðila
til ábyrgðar og spyrja hvort þeir
ætlist virkilega til þess að endur-
reisn atvinnulífsins eigi sér stað
á sama siðspillta grunni og áður.
Alþýðusambandið er ekki til við-
ræðu um slíkt. Við ætlumst til
þess að endurreisnin verði byggð
á traustum siðferðislegum og sam-
félagslegum gildum,“ sagði hann á
aukaársfundi ASÍ í gær.
Ef þetta gengur ekki telur Gylfi
hættu á að reiði almennings brjót-
ist út aftur og að hér ríki efnahags-
legur óstöðugleiki með óróleika á
vinnumarkaði og tíðum stjórnar-
skiptum. Það sé ekki eftirsóknar-
vert.
Gylfi hvetur verkalýðshreyf-
inguna til að horfa í eigin barm.
Afstaðan í haust hafi verið sú að
aðstoða við slökkvistarfið og gefa
stjórnvöldum vinnufrið til að tak-
marka áhrif hrunsins og halda
atvinnulífinu gangandi. „Við lögð-
umst gegn því að ríkisstjórnin
færi frá og að efnt yrði til kosn-
inga strax á síðasta hausti,“ sagði
hann. „Um miðjan janúar var þolin-
mæði okkar á þrotum og miðstjórn
ASÍ krafðist þess að ríkisstjórnin
færi frá og að boðað yrði til kosn-
inga. Eftir á að hyggja viðurkenni
ég að við gerðum ákveðin mistök
sem rýrðu ímynd okkar og stöðu.
Trúlega hefðum við átt að setja
ríkisstjórninni stólinn fyrir dyrn-
ar í byrjun desember í stað þess að
bíða fram yfir áramót.“
Gylfi vill að ASÍ beiti sér fyrir
því að settar verði reglur um aukið
gagnsæi, siðferði og trúverðug-
leika hjá lífeyrissjóðum. Regl-
urnar nái til fjárfestingarstefnu
og daglegrar starfsemi, gjafa og
ferðalaga.
Jóhanna Sigurðardóttir forsætis-
ráðherra sagði meðal annars að
tími ofurlauna væri liðinn. Þeir
sem væru á ofurlaunum segðu sig
í raun úr siðferðilegu sambandi
við þjóðina. Aðilar vinnumark-
aðarins hefðu sýnt þroska þegar
endurskoðun kjarasamninga var
frestað. Það var lofsvert en til að
sátt ríkti þyrftu allir að koma að
því. Ekki gengi að greiða bónusa
eða arð meðan krafist væri fórna
af launafólki. Til skoðunar sé
hvernig fyrirtæki sem njóti ríkis-
aðstoðar verji hagnaði. Honum eigi
að verja til fjölgunar starfa.
ghs@frettabladid.is
HVETUR TIL NAFLASKOÐUNAR
Gylfi Arnbjörnsson, forseti ASÍ, hvetur
verkalýðsforystuna til að horfa í eigin
barm og endurskoða liðna mánuði.
Hann telur að það hafi verið mistök að
leggjast í haust gegn kröfunni um að
ríkisstjórnin færi frá. FRÉTTABLAÐIÐ/GVA
Hefðu átt að þrýsta
fyrr á um stjórnarslit
Forseti ASÍ telur að verkalýðshreyfingin hafi gert mistök þegar hún beið fram
yfir áramót með þrýsting á að stjórnin færi frá. Þeir sem beri ábyrgð á banka-
hruninu eigi að biðjast afsökunar. Lífeyrissjóðirnir þurfi siðferðisreglur.
ALLIR KOMI AÐ FRESTUN Alþýðusambandið hélt í gær aukaársfund vegna ástandsins
í þjóðfélaginu. Jóhanna Sigurðardóttir forsætisráðherra sagði þá að aðilar vinnu-
markaðarins hefðu sýnt þroska þegar endurskoðun kjarasamninga var frestað en allir
þurfi að koma að þeirri frestun til að sátt ríki. FRÉTTABLAÐIÐ/GVA
Nánari upplýsingar á expressferdir.is
eða í síma 5 900 100
Innifalið: Flug með sköttum og öðrum
greiðslum til Frankfurt Hahn, gisting í 5
nætur á Hotel Drei Könige ásamt
morgunverði og akstur til og frá flugvelli.
Bernkastel
við Mósel
Verð á mann í tvíbýli:
69.900kr.
Sumarhús
í Kempervennen
Verð, miðað við að 4 séu saman í húsi:
49.900kr.
Tvær á
tilboðsverði!
Express ferðir bjóða tvær frábærar ferðir í sumar á einstöku
tilboðsverði.
1.–8. júní 2009
4.–9. júní 2009
Innifalið: Flug með sköttum og öðrum
greiðslum til Eindhoven, gisting í góðu
sumarhúsi þar sem allt er til alls.
ÝSA Í RASPI, MARINERAÐAR
FISKSTEIKUR OG ALLIR FISK
RÉTTIR.
ALLIR FISKRÉTTIR
KR/KG
SJÁVARÚTVEGUR Steingrímur J.
Sigfússon sjávarútvegsráð-
herra ræddi við Helgu Pedersen
sjávar útvegsráðherra Noregs í
gær vegna þeirra ummæla sem
hún lét eftir sér hafa í fjölmiðl-
um í fyrradag vegna makrílveiða
Íslendinga.
Þar sagði hún að til greina kæmi
að hefta innflutning á fiskimjöli
og lýsi frá Íslandi og að íslensk
skip sem veiddu makríl yrðu svipt
heimildum til að veiða í norskri
lögsögu.
„Ég á nú ekki von á því að til
einhverra slíkra aðgerða komi,“
sagði Steingrímur eftir samtal
þeirra í gær. „Ég lét hana alveg
skilja það á mér að mér þætti það
ekki málinu til framdráttar að
við töluðumst við í fjölmiðlum.
Það væri þá nær að ræða málin
og leita lausna.“
Steingrímur sagði að hann teldi
líklegustu niðurstöðuna í þessu
máli verða á þá lund að Íslend-
ingar fái sæti við samningaborðið
með öðrum strandríkjum þar sem
makrílkvótinn er ákveðinn.
Hann segist enn fremur hafa
bent kollega sínum á að með því
að úthluta sér kvóta einhliða hafi
hann komið í veg fyrir að veið-
arnar yrðu stjórnlausar, það hafi
verið liður í að stjórn yrði komið
á þessar veiðar. - jse
Steingrímur ræðir við sjávarútvegsráðherra Noregs vegna makríldeilunnar:
Blíðari tónn í frændþjóðinni
STEINGRÍMUR J. SIGFÚSSON Sjávarút-
vegsráðherrann spjallaði við kollega sinn
frá Noregi í síma í gær. Hann var eflaust
ekki jafn afslappaður og hann er á
þessari mynd sem tekin var þegar hann
var í veikindafríi árið 2006.
ÍSRAEL, AP Benjamin Netanya-
hu, verðandi forsætisráðherra
Ísraels, sagði í gær að ríkisstjórn
hans yrði „samstarfsaðili Palest-
ínumanna að friði“. Með þessu
mælti hann á mun málamiðlunar-
vænni hátt en hann gerði í kosn-
ingabaráttunni, daginn eftir að
ísraelski Verkamannaflokkurinn
samþykkti að ganga til liðs við
samsteypustjórn hans í skiptum
fyrir óskuldbindandi orðað lof-
orð um að halda friðarviðræðum
áfram.
Í kosningabaráttunni fyrir
hinar nýlega afstöðnu þingkosn-
ingar í landinu gerðu Netanyahu
og Likudflokkurinn, sem hann fer
fyrir, út á andstöðu við samninga
við Palestínumenn. En til að forð-
ast að lenda upp á kant við hina
nýju ríkisstjórn Baracks Obama
vestanhafs hefur hann mildað
mjög orðfæri sitt og leitast við að
fá hófsamari öfl á þingi til liðs við
ríkisstjórnina til að gera slíkt orð-
færi trúverðugra.
Fram að því að Verkamanna-
flokkurinn lét tilleiðast höfðu
aðeins flokkar lengst á hægri
vængnum heitið nýju stjórninni
stuðningi.
Fráfarandi forystuflokkur Ísra-
elsstjórnar, Kadima-flokkurinn
sem Tzipi Livni fer nú fyrir, hefur
hafnað öllum boðum Netanyahus
um samstarf. - aa
Verkamannaflokkur Ísraels samþykkir að ganga til liðs við nýja stjórn:
Netanyahu mildar orðfærið
BIÐLAR TIL MIÐJUNNAR Netanyahu
reynir að breikka samsteypustjórn sína.
FRÉTTABLAÐIÐ/AP
Ættu fyrrum seðlabankastjórar
að birta gögn sín um hrunið?
Já 97%
Nei 3%
SPURNING DAGSINS Í DAG:
Er í lagi að foreldrar kaupi
áfengi fyrir 18 eða 19 ára börn
sín?
Segðu þína skoðun á visir.is
VINNUMARKAÐUR Nú hafa fisk-
vinnslufyrirtækin Norðurströnd á
Dalvík og Godthaab í Vestmanna-
eyjum ákveðið að fara eftir áður
umsömdum launahækkunum og
bæta 13.500 krónum í launaumslag
starfsmanna í hverjum mánuði.
Áður hafði verið greint frá því
að Brim og Hrognavinnsla Vignis
hefðu fetað í fótspor HB Granda
að þessu leyti. Grandi hafði riðið á
vaðið eftir nokkra gagnrýni vegna
arðgreiðslna til hluthafa.
Hækkununum hafði áður verið
frestað í ljósi efnahagsástandsins
og forystumenn ASÍ og Samtaka
atvinnulífsins hafa báðir varið þá
ákvörðun á síðustu dögum. - kóþ
Laun á vinnumarkaði:
Fleiri hækka
líkt HB Granda
KJÖRKASSINN