Fréttablaðið - 26.03.2009, Blaðsíða 30
26. MARS 2009 FIMMTUDAGUR2 ● fréttablaðið ● hjartaheill
Tvö tæki til hjartaþræðinga
eru til á landinu. Þau eru hins
vegar bæði úrelt, segir tals-
maður Hjartaheilla sem nú
standa fyrir söfnun fyrir nýju
tæki svo stytta megi biðlista
eftir þræðingum.
Nær annar hver maður hérlendis,
um 700 manns á ári hverju, deyr
úr hjartasjúkdómum. Hátt í 300
Íslendingar eru á biðlista eftir
hjartaþræðingum og einungis tvö
úrelt hjartaþræðingartæki eru til
á landinu. Þessu vilja samtökin
Hjartaheill reyna að breyta og hafa
því staðið fyrir söfnun upp á síð-
kastið fyrir nýju tæki, sem lýkur
um helgina.
„Við erum með tvö þræðing-
artæki hér á Íslandi og bæði eru
úrelt,“ segir Sveinn Guðmunds-
son, formaður Hjartaheilla á höfuð-
borgarsvæðinu. „Tækin úreldast á
sjö árum en bæði eru komin yfir
þann tíma. Annað þeirra er níu ára
og hitt ellefu ára.“
Sveinn segir nýtt tæki með
öllum fylgibúnaði kosta um og
yfir 250 milljónir króna. Þegar sé
búið að fá um helming fjárins með
styrkjum úr ýmsum sjóðum og frá
ríkinu. Eftir standi ríflega hundr-
að milljónir sem vonir standa til að
söfnunin sjái um að útvega. „Það
gerist náttúrulega örugglega ekki,“
segir Sveinn. „En allt er gott. Ég
vona að við náum sem næst þeirri
tölu.“
Sveinn telur að efnahags ástandið
muni óhjákvæmilega hafa áhrif á
það hversu mikið fólk er tilbúið að
láta af hendi rakna í söfnun sem
þessa. „Auðvitað höfum við áhyggj-
ur af því, en eins og ég segi: Það
geta allir tekið þátt. Eina skilyrðið
er að þú hafir hjarta.
Menn verða að skilja þennan
vanda sem við erum að kljást við,“
segir hann.
Sveinn segir misskilnings gæta
varðandi hjartasjúkdóma. „Marg-
ir halda að þetta sé bara öldrun-
arsjúkdómur en það er alls ekki.
Ungt fólk er líka að falla úr þessu,
og í raun fólk alveg frá barnsaldri
til elliára.“ Þræðingartækin skipti
höfuðmáli í þessu tilliti, þar sem
þau séu nauðsynleg til að greina
vandann nægilega snemma. „Við
höfum fólkið, sérfræðingana, bara
ekki búnaðinn,“ segir hann.
Söfnunin nær hámarki á laugar-
dagskvöld með ríflega þriggja
klukkustunda dagskrá á Stöð 2.
Söfnuninni lýkur svo daginn eftir.
Einnig eru seld merki til styrktar
söfnuninni hjá N1, í apótekum og
víðar um landið. - sh
Eina skilyrðið er að
þú hafir hjarta
Sveinn Guðmundsson er formaður Hjartaheilla, landssamtaka hjartasjúklinga, á
höfuðborgarsvæðinu. FRÉTTABLAÐIÐ/VALLI
Fréttamaðurinn Eggert Skúlason
hjólaði hringinn í kringum landið
árið 2005 til styrktar Hjartaheill-
um og Neistanum. Fjórum árum
áður hafði hann fengið kransæða-
stíflu en lifir góðu lífi í dag, þökk
sé heilbrigðu líferni og mikilli
hreyfingu.
„Þetta var allur tilfinningaskal-
inn,“ segir Eggert um hringferð-
ina þar sem hann hjólaði hvorki
meira né minna en 1.389 kílómetra.
„Þetta var mjög skemmtilegt en ég
átti líka nokkrar stundir þar sem
ég grét einn með sjálfum mér upp
í kaldan vindinn. Þetta voru fimmt-
án dagar sem ég hjólaði og þar af
var rok í þrettán. Það er svo undar-
legt á þessu skeri okkar að það er
alltaf á móti. Það var líka rigning í
níu daga en að öðru leyti var þetta
æðislegt,“ segir hann.
Fótboltakappinn Eiður Smári
Guðjohnsen, sem leikur með knatt-
spyrnuliðinu Barcelona á Spáni,
tók þátt í verkefninu en lét sér þó
nægja að hjóla með Eggerti upp að
Litlu-kaffistofunni. Þar skildu leið-
ir og hélt Eggert áfram för sinni,
sem átti eftir að reyna mikið á
hann.
Í dag stundar Eggert líkams-
rækt þrisvar til fimm sinnum í
viku og tók einmitt fram hjólið sitt
fyrir skömmu og skellti sér í hjól-
reiðatúr. „Ég er enn að hjóla á sama
hjólinu og þegar ég fór hringinn.
Mér telst til að á þessu hjóli hafi ég
farið svona 3.500 plús kílómetra.
Það er slatti af pedalatroði.“
Hann hefur góð ráð fyrir þá
sem ætla í langa hjólreiðatúra
þegar sólin fer að hækka á lofti.
Annars vegar að vera með hlífðar-
gleraugu til að forðast flugurnar
og hins vegar að nota alla gírana.
„Málið er að halda sama átaki á fót-
unum og stjórna átakinu út í hjól-
in með gírunum, þannig að maður
sé alltaf að hjóla með svipuðu átaki
með áreynslu á fæturna hvort sem
maður er að fara upp eða niður
brekku.“ - fb
Grét upp í vindinn
Hjartaheill, landssamtök hjartasjúklinga, eru samtök fólks sem feng-
ið hefur hjartasjúkdóm, aðstandenda þeirra og annarra sem vilja
leggja samtökunum lið. Hlutverk samtakanna er að veita fræðslu
og upplýsingar um hjartasjúkdóma, stuðla að
hvers konar forvörnum, veita sjúklingum og
aðstandendum þeirra félagslega ráðgjöf og
þjónustu. Síðast en ekki síst hafa samtökin á
undanförnum árum beitt sér á margvísleg-
an hátt fyrir framförum, betri aðstöðu fyrir
sjúklinga og stórbættum tækjabúnaði á heil-
brigðisstofnunum.
Og nú er einu sinni enn komið að stórátaki
í þessum efnum. Á Landspítala – háskóla-
sjúkrahúsi (LSH) fara fram allar megin hjart-
arannsóknir og allar hjarta- og kransæðaað-
gerðir sem gerðar eru á Íslandi. Undir staða
rannsókna og greiningar er góður tækjabún-
aður, ekki síst við hjartaþræðingar. Til skamms tíma hafa verið tvö
hjartaþræðingartæki á LSH, bæði komin til ára sinna, annað níu og
hitt ellefu ára gamalt. Og þótt þau gegni enn hlutverki sínu er ljóst að
„líftími“ slíks hátæknibúnaðar er almennt talinn skemmri en þetta
og því er yfirvofandi hætta á að annað eða bæði tækin gætu hvenær
sem er lokið hlutverki sínu.
Því hefur verið ráðist í það stórvirki að endurnýja þennan búnað
með kaupum á nýju og fullkomnu hjartaþræðingartæki. Nemur
kostnaður við þau kaup ásamt fylgibúnaði og breytingum á húsnæði
LSH, svo koma megi hinum nýja tækjabúnaði fyrir og stórbæta að-
stöðu sjúklinga, á þriðja hundrað milljónir króna. Fyrirheit Hjarta-
heilla um fjárstuðning við framkvæmd þessa réði úrslitum um að í
verkið var ráðist. Með því hafa samtökin einu sinni enn sannað gildi
sitt og hlutverk og orðið til þess að brýnum framfaramálum í þágu
sjúklinga er ýtt úr vör.
En fámenn og fjárvana sjúklingasamtök eins og Hjartaheill eru
lítils megnug ein og sér. Þau eru drifkrafturinn og hreyfiaflið en
sigurinn vinnst því aðeins að þeim takist að blása til sóknar og efna
til samstöðu þjóðarinnar allrar um stórátak af því tagi sem nú er
ráðist í.
Hjartaheill efna því til landssöfnunar sem skila þarf að minnsta
kosti 100 milljónum króna svo ljúka megi verkefninu með fullum
sóma. Nú þegar hafa fjölmargir einstaklingar, félagasamtök og fyrir-
tæki lagt söfnuninni lið en betur má ef duga skal og nú er komið að
lokaátakinu.
Efnt er til merkjasölu þessa dagana og eru landsmenn beðnir að
taka sölufólki Hjartaheilla vel er það knýr dyra þessa dagana og um
næstu helgi. En aðalsöfnunarátakið fer fram með aðstoð Stöðvar 2
í beinni og opinni dagskrá næstkomandi laugardagskvöld, hinn 28.
mars. Þar munu koma fram fjölmargir listamenn og skemmtikraftar
svo og margir viðmælendur, fagfólk og sjúklingar. Þar verður hægt
að hringja inn og leggja söfnuninni lið með fjárframlögum.
Það mun vart til sú fjölskylda sem ekki þekkir til einstaklinga
sem fengið hafa hjartasjúkdóma; foreldrar, börn, ættingjar, vinir,
og þótt það takist því betur að lækna fjöldann allan af þeim sem fá
hjartaáfall, þá látast á milli 700 og 800 einstaklingar úr sjúkdómum
af þessu tagi á ári hverju.
Því er nú leitað til allrar þjóðarinnar með að leggja Hjartaheill lið
nú um helgina – við lokaátak þessarar miklu landssöfnunar. Stönd-
um saman: ÖLL ÞJÓÐIN – EITT HJARTA!
ÁVARP FORMANNS STJÓRNAR HJARTAHEILLA:
Góðir landsmenn!
Eggert Skúlason hjólaði hringinn árið 2005. Eiður Smári Guðjohnsen hjólaði með
honum fyrsta spölinn. FRÉTTABLAÐIÐ/PJETUR
Guðmundur Bjarnason.
SÖFNUNARNÚMERIN ERU:
903-5000 til að gefa 5000 krónur.
903-3000 til að gefa 3000 krónur.
903-1000 til að gefa 1000 krónur.
Útgefandi: Hjartaheill Landssamtök hjartasjúkling
Heimilisfang: Síðumúla 6, 108 Reykjavík
Vefsíða: www.hjartaheill.is
Netfang: hjartaheill@hjartaheill.is
Ritstjóri: Ásgeir Þ. Árnason og
Ábyrgðarmaður: Sveinn Guðmundsson
Auglýsingar: Fréttablaðið/Hlynur Þór Steingrímsson
Sími: 512 5439